Hiburunu 9:12 - ALLALA KUMƐ

¹² Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

Hiburunu 9:12 ပူးပေါင်းရင်းမြစ်များ

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Saraka-Masɔlɛnuta Tɔnnu 16:15

“Isirɛla mɔgɛnu sɛninyani ma bawo anu bi hakɛ kɛla tuma-wo-tuma. Fɔ Aruna ni kan tinɛ kɛ sɛninya bawo Marita Fani-Bɔn ye mɔgɔ-sɛninyabɛlɛ kɛnu tɛma dagɛ rɔ. Aruna wa bɔ luyi ma tumɛ min, a si baa-kɔrɔn doi wo kan natɛgɛ ka wo ma Isirɛla mɔgɛnu hakɛ-sarakɛ la. A si a yele do bi ka ta a la Sɛnima-Sɛnima-Tinɛ rɔ iko tun ka a pusen tɔn-kenkirɛ da-latogɔn ma anubɛ a tɔgɔfɛ iko a ya tura-bulan wotɛ ma nya min. Marita Fani-Bɔn Sɛnima-Sɛnima-Tinɛ sɛninya-bole le kɛ la.

Saraka-Masɔlɛnuta Tɔnnu 4:3

“Ni Saraka-Masɔla-Kun-Tigi ya hakɛ kɛ, Isirɛla mɔgɛ bɛɛ si wo yilikiyi sɔrɔn a fɛ. A si na tura-bulun kelen na, fɛɛ sa min na ka wo ma sarakɛ la Mari ye ata hakɛla ko la.

Saraka-Masɔlɛnuta Tɔnnu 8:2

“Aruna anubɛ ala den-keminɛnu bi ka ta anu na nta Fani-Bɔn tenbi-bolɔn la. I ni na saraka-masɔ-kurɛnu na anubɛ tuli min si anu sɛninya nde, Mari yala. I ni na sarakɛ kɛnu na, tura-bulan min si ma hakɛ-sarakɛ la anubɛ saga-yigi fila anubɛ sende-nya kelen biredi la isiti sa min tɔ. Isirɛla mɔgɛ damasi ladɛn anu nyɔgɔn fɛ ka na wo taran nta Fani-Bɔn bolon dɛ la.”

Saraka-Masɔlɛnuta Tɔnnu 9:15

Wo kɔma, Aruna ya Isirɛla mɔgɛnuna hakɛ-sarakɛ bɔ. A ya baa-kɔrɔn faga ka wo ma anu hakɛ-sarakɛ la. A ya a di Mari ma iko a ya a nyɛrɛta hakɛ-sarakɛ bɔ nya min nun.

Sakaraya 3:9

N bara kuru-da-gbɛlɛ sigi ile Yasowa yakɔrɔ min tonko wɔrɔnfila ye a ma. N si sɛbɛli do kɛrɛndɛ a ma. N si nyamanɛ hakɛ bɔ a ma tele kelen pe kɔrɔ.

Maraka 3:29

Kɔnɔ mɔgɔ-wo-mɔgɔ min bi kuma-yogomɛ fɔla Allala Ni-Sɛnimɛ ma, a ma ti koto bi, a ma ti koto habadan!”

Luka 1:68

“Ma ni Mari tanto, Isirɛlata Alla, kɔni bawo a nara ka ala mɔgɛnu dɛnbɛ ka anu hɔrɔya.

Kɛwɔlɛnu 20:28

Wo ni ma saga-fɛ-biralɛnu na ka Allata mɔgɛnu fɛ-bira. Wo ni wo yili to wo nyɛrɛ ko anubɛ wo kurɔn ko Allata Ni-Sɛnimɛ ara min bɛɛ don wo bolo, ado a ya wonu ma atɛ la ala danta sayɛ fɛ.

Ɛfɛsa 1:7

Kirasiti ya a nyɛrɛ ma sarakɛ la alako a yele ni ma hɔrɔya ma hakɛnu ma. A ya wo ma Allala hina-warani-bɛla ko la,

Kɔlɔsi 1:14

Alla le ya ma hakɛ bɛɛ makoto Yisata sayɛ fɛ, min ya a ma, ma ara hɔrɔya.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 1:3

Allala dan ye Allata gbiliyɛ labɔla gbɛ rɔ. Alla nyɛrɛta muninyɛ le ale la. A ya duninya mara ala kuma-sɛnbɛmɛnu fɛ. A banta mɔgɛnu makotola anu hakɛnu ma tumɛ min, a ya a mayigi Alla Sɛnbɛ Bɛɛ Tigi kɔɛn-nyimɛ rɔ Arinyɛni tɔ.

Hiburunu 10:19

Nba, ma na-kelen-nyɔgɛnu, ma si ke donna Sɛnima-Sɛnima-Tinɛ rɔ gbɛ Yisala sayɛ baraka rɔ. Ma ti kilan nyɔ la tun.

Hiburunu 13:12

Wo le ya a to, Yisa fanan fagara soe kɔma alako mɔgɛnu ni sɛninya anu hakɛ ma Yisa nyɛrɛ yele fɛ nya min.

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

Hiburunu 7:27

Ale sa iko saraka-masɔla-kun-tigi-wɛ doinu. Ka sarakɛ masɔ a nyɛrɛ hakɛla ko la tele-wo-tele, a mako sa wo la. A mako sa tele-wo-tele-sarakɛ la mɔgɛnu hakɛla ko la fanan. A ya saraka kelen pe le bɔ ka dan wo ma. A ya a nyɛrɛ niyi ni sarakayɛ la tumɛ min, a ya wo ma wo le tɔ.

Hiburunu 9:13

Sarama-kan-kɔrɔmɛ wati rɔ, baa-yele wo, tura-yele wo, ninki-den-mintannɛ ta-gbangban wo, wonu purupuruta mɔgɔ-sɛninyabɛlɛnu ma alako anu si sɛninya nya min.

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

Hiburunu 9:19

Nɛbi Musa ya tɔn bɛɛ rakaran mɔgɛnu ye iko a sɛbɛnɛ Allata tɔn rɔ nya min. Wo kɔma, a ya tura-yele bi anubɛ baa-yele ka wonu tabasan yi la. A ya yanba-kunyɛ bi min tɔgɛ hisɔpu anubɛ saga-siyi anu bara min nawulen alako a si yele wo purupuru Tɔn-Kitabu anubɛ mɔgɛ bɛɛ ma nya min.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

Hiburunu 9:7

Kɔnɔ fɔ saraka-masɔla-kun-tigi-wɛ kelen pe, wo le si don fani-bon-burɔtɛ wo burɔ, ado a si don nyɔ iko kelen pe san kɔrɔ. A tenbi donna fɔ a ni don saraka-yele la a bolo. Mɔgɛnu ma hakɛ minnu nawuli a ma, a ye yele wo bɔla Alla ye a nyɛrɛta hakɛla ko la anubɛ mɔgɛnutɛ.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.

Lankɛnimayɛ 5:9

Anu ya bɛti-kurɛ do bɔ. Anu ko, “I si ke ka gbolo-lamininɛ wo bi ka li-kɛɛn wonu bɔ a ma bawo anu bara i faga nun. I ya mɔgɛnu san Alla ye ila sayɛ fɛ ka bɔ bɔnsɔn bɛɛ rɔ anubɛ mɔgɛ bɛɛ rɔ anubɛ sibole bɛɛ rɔ iko anu kan faranɛ nya min.