Hiburunu 8:9 - ALLALA KUMƐ

⁹ Mabɛ wo benbanu sarata min ma, a ti ma wo su la tun. N ya anu bole bira tumɛ min ka anu nabɔ Iyipiti nyamanɛ rɔ, sarama-kan-kɔrɛ wo kirita tumɛ wo le tɔ. Ma sarata min ma wulɔn, anu ma sarama-kan wo latɔnbagaya. Woletɔ, nde, Mari ara n kan-kɔ sɔ anu na.

Hiburunu 8:9 ပူးပေါင်းရင်းမြစ်များ

Ko-Dabirɛnu 19:16

Kɔnɔ Lɔti ya a kun kimaya min kɛ, woletɔ melika wonu ya anubɛ ala denbayɛnu bolo bira ka anu nabɔ soe kɔma bawo Mari ara kinikini anu ma.

Yobu 8:20

Mɔgɛ minnu telennɛ Alla ye, a ti wonu boloka, ado minnu telenni ma a ye, a ti wonu dɛnbɛ.

Yaburi 105:43

Woletɔ a ya ala mɔgɔ-yabɔnɛnu nabɔ. Anu bi sɔnkɔla ka baraka-bira-bɛtinu bɔ sewɛ la.

Yaburi 77:20

I ye ila mɔgɛnu yarɔ iko saga-kandannɛ. Musa anubɛ Aruna ye anu kun na.

Yaburi 78:57

Anu mara telenbɛlɛnu anubɛ murutinu na iko anu fanu. Ni mɔgɛ si la kalabɛn-tadunɛ la, mani mɔgɛ si la mɔgɛ kɛnu na.

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Bɔ-Koe-Iyipiti 34:10

Mari ko, “Mabɛ Isirɛla mɔgɛnu si lanyiri kiri ma nyɔgɔn tɛma bi. N si ko-makilannɛnu ma ila mɔgɛnu yala, kebi duninya danta min nyɔgɔn ma ma wɛ mɔgɛnu yala. N bi nala nta kabana-koe minnu mala wo ye, ita mɔgɛ minnu bi i fɛ, wonu bɛɛsi si wonu yen anu yɛ la.

Keninteya-Siginu 8:5

Yonnu bi nala wo la ka bɔ wulɛ rɔ musi gbɔnkunnɛ a rɔ? N ya a ma, n sɔgɛ ya i bira kɔn-gbɔ-kuri kɔrɔ, i na ya a nyɛrɛ-masɔrɔn i la kan min nun.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 41:13

Wo Mari Alla le ale la. A ye sɛnbɛ dila wo ma ka a fɔ wo ye ko hali wo ma kilan. A si wo dɛnbɛ.

Aiseya 51:18

Dugurɛn-wo-dugurɛn ti taran ile Yerusalɛm soe le tɔ, min si i bole bira tagama tinɛ.

Aiseya 63:9

A ko ala mɔgɛnu ba tɔrɔyɛ sɔrɔn, ale fanan bara tɔrɔ. A ara a nyɛrɛta melika sɔ anu kisi tinɛ. Mari le ya anu kisi ka a tɛgɛ ata nyimayɛ anubɛ ata keninteyɛ ma. A ko kebi fɔlɔ a ya anu banba.

Yɛrɛmaya 31:32

A ko kɛ ti ma iko anubɛ anu benbanu ya min kiri anu nyɔgɔn tɛma anuna bɔɛ Iyipiti. A ko hali anu biranɛ a bolo iko mɔgɛ si ala musi bira nya min, anu ma sɔn ata sarama-kan birala.

Nimisa Koe 4:16

Marila ko sa mala saraka-masɔlɛnu bara-koe rɔ tun bawo ale le nyɛrɛ-nyɛrɛ ya gbunsan bila anu tɔ. A ma anubɛ mala mɔgɔ-banu gbiliya nun.

Isikiyɛli 16:59

“ ‘Nde, i tigi Mari kan le kɛ la. N ko n si i bira iko i sɔn-yogomɛ ye nya min bawo i ma i yili to ma sarama-kan ko.

Isikiyɛli 16:8

“ ‘Nde, Mari tenbimatoe tun, n ya i taran nkɛkuna, n ya i yen ko i wara ke. Woletɔ n ya nna duruki-ba-tɔnkɔn lata ka a mamɔrɔ-mɔrɔ i gbu-makolɔn ma bawo i di n ye. N ya lanyiri kiri ka a tɛgɛ i furu-koe ma. Ile mara ntɛ la. Nde, i Tigi Mari kan le kɛ la.

Emɔsi 5:22

A ko hali wo nara wola saraka-mintantɛnu anubɛ wola dɔn-fen-sarakɛnu na a ye, a ti sɔn anu na muk! Hali wo nara wola kolo-fen-tɔlɔnɛnu na Mari ye, a ko a bɔrɔ ti taran a ye.

Malakayi 2:13

Wo ye ko-yogomɛ do mala fanan tun! Wo ye nala wola sarakɛnu na saraka-mintan-tinɛ kɔnɔ wo wa ke nyɔ rɔ, wo si worondo ha wo ya-yinu ni saraka-mintan-tinɛ wo kimɛ yɔgbɔ! Wo ye dila bawo Mari sa sɔnna wola sarakɛnu na.

Maraka 8:23

Yisa ya fiyɔn wo bira a bole ma ka ta a la soe kɔma. Yisa ban a da-yi kɛla a yɛ ma tumɛ min, a ya a bolenu sa a kuma ka a manyinika ko, “I ye fen yenna, wa?”

Kɛwɔlɛnu 13:11

Nba, Mari kɔɛn si kɛ i ma kaka! I si fiyonya. A si mɛ doni, i ti fenfen yen.” Tiriyante wo rɔ, Ɛlimasi yɛ lapinpira. A ya a bole mɛmɛ ka mɔgɛ do nyini alako wo ni a bole bira.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

Kɛwɔlɛnu 9:8

Sɔli ya a lasɔ gbɛ! A ya a yɛ laka kɔnɔ a ma ke fen yenna. Woletɔ anu ya a bole bira ka ta a la Damasika soe burɔ.

Kalesiya 4:24

Koe kɛnu manɛ misalɛ la. Allata tamasere sarama-kan le musu filɛ wonu na Alla sarata minnu ma anubɛ ala mɔgɛnu tɛma. Alla ya sarama-kan min kiri Sinayi kɔnkɛ kuma, Hega le nyɛrɛ ye sarama-kan wo misalɛ la. Wola dan bɛɛ sɔrɔnnɛ yɔɔnyɛ le tɔ.

Tɔn-Fɔɛ-Fila-Nyɔgɛ 29:1

Kuma-kolomɛ le kɛnu na Mari ya minnu lanyiri kiri Musa ye wo tumɛ Isirɛla mɔgɛnu bi Sinayi kɔnkɛ dafɛ. Kaka, a ye nala kumɛ wo le makofuli-kɛla Mohabu nyamanɛ rɔ.

Tɔn-Fɔɛ-Fila-Nyɔgɛ 29:12

N bara wo kele bi alako wo ni lanyiri kɛ kiri wole anubɛ wota Mari Alla tɛma. Koe minnu bi lanyiri kɛ rɔ, wo ni sɔn wonu ma.

Tɔn-Fɔɛ-Fila-Nyɔgɛ 29:25

Wo yabilɛ si ma ko, ‘Anu bɔɛ Iyipiti, Mari ya lanyiri kiri ata mɔgɛnu ye kɔnɔ wonu kegeyɛnu ya lanyiri wo tinya ka don bɛsi-kɔ-koenu tɔ, ado anu benbanu ma bɛsɛnu kɔ. Mari ya a fɔ anu ye nun ko anu kana bɛsɛnu kɔ hali!