Hiburunu 8:6 - ALLALA KUMƐ

⁶ Kɔnɔ saraka-masɔ-wɔlɛ min dira Yisa ma, wo kolo doi wonutɛ ko pirr! Yisa ya sarama-kan-kurɛ min kiri Alla anubɛ mɔgɛnu tɛma, wo kolo a kɔrɔmɛ ko, ado sarama-kan-kurɛ kɛ kirinɛ fen-kɛndɛnuna ko la minnu bi ma yarɔ.

Hiburunu 8:6 ပူးပေါင်းရင်းမြစ်များ

Yɛrɛmaya 50:5

Anu si Yerusalɛm kilɛ manyinika alako anu ni bɔ nyɔ-kilɛ la. Anu denubɛ Mari si sarama-kan kiri anu nyɔgɔn tɛma min ti tinya muk!

Luka 22:20

Kima-dɔn banta tumɛ min, a ya nɔnbɔ-gbɔ-yi do bi tun. A ko, “Nɔnbɔ-gbɔ-yi kɛ le Allata sarama-kan-kurɛ tamasere la min kirinɛ wo ye n yele fɛ. Yele wo bɔnnɛ wole le ye.

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

Ɛfɛsa 2:12

Wo ye nya min nun fɔlɔ, wo ni wo hɛnkili to wo ko. Wo wati ya a taran, wo ma ma wɛ Kirasititɛ la. Wo ye sibolo-gbɛrɛyɛ la nun. Wo sa Allata mɔgɔ-yabɔnɛnu tɛma nun. Wo kɔma, Alla ya sarama-kan min kiri anubɛ ala mɔgɛnu tɛma, wota fenfen sa wo rɔ nun. Wo tumɛ ya a taran, Alla sa wo bolo nun, ado yigi sa wo ma mumɛ!

1 Timoti 2:5

Alla kelen de nyɔ, ado mɔgɔ kelen de nyɔ fanan min bi Alla anubɛ mɔgɛnu tɛmɛ rabɛnna. Wo mɔgɛ le Yisa Kirasiti la.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Hiburunu 7:22

Nba, ka a tɛgɛ Alla sarata min ma, wo le ya a ma, Yisa mara mɔgɛ la min ya a yira bɛrɛbɛrɛ-wɛ-kɛ ko ale sarama-kan-kurɛ, wo tenbira a fɔlɔtɛ la.

2 Pita 1:4

Woletɔ a ya lanyiri-kinama-wɛ anubɛ lanyiri-kɛndɛ-kɛndɛnu kiri ma ye. Ka a tɛgɛ kɔ-fan kɛnu ma, ma ni ata kɛ-nya fanan sɔrɔn. Wo kɔma, ma si na kisi duninya-natanu ma minnu bi mɔgɛnu tinyana.