Hiburunu 8:5 - ALLALA KUMƐ

⁵ Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”

Hiburunu 8:5 ပူးပေါင်းရင်းမြစ်များ

1 Ko-Kɔrɔta-Karan 28:12

A ya a kata sɔ-bole yira a la fanan iko a ya a miri a ma nya min nun. Kɔ-fan minnu dantɛgɛnɛ Mari ma, wonu namara tina wo, Bato-Bon-miran namara tina wo, a ya wonu fanan sɔ-bole yira a la.

1 Ko-Kɔrɔta-Karan 28:19

Mansa Dawuda ya a fɔ ko, “Mari nyɛrɛ ya bɔn sɔ-bole yira n na nya min, n bara a sɛbɛ wo nya na le kɛ la.”

Bɔ-Koe-Iyipiti 25:40

Wo ni a ma wo fɛrɛma a ladan tinɛ. N ya a ladan-nya yira i la nya min kɔnkɛ kuma, anu ni anu nadan wo nya feu!”

Bɔ-Koe-Iyipiti 25:9

Wo ni Fani-Bɔn wo ladan anubɛ a fɛ-mirannu iko n bi a yirala wo la nya min.”

Bɔ-Koe-Iyipiti 26:30

Anu ni nta Fani-Bɔn sɔ iko n bara a ladan-bole yira ile Musa la nya min kɔnkɛ kɛ kuma. Yorolan Wara-Koe

Bɔ-Koe-Iyipiti 27:8

Wo si saraka-mintan-tinɛ min nadan fɛrannu na wo burɛ ra ni kolonya fɔ sila-yalɛ dɔrɔn, wo le ye dunna a burɔ. Wo ni a ladan iko n bara a ladan-bole yira i la kɔnkɛ kɛ kuma nya min.”

Yilan-Yilan Koe 8:4

Anu ya lɛnpu wo ladan sɛnɛ-gbesinɛ la ka a fɔlɔ a kuri ma ha a kuma. Wo bɛɛ ladannɛ iko Mari ya a fɔ Musa ye nya min.

Matiyu 2:12

Kɔnɔ Alla ya hɛnkilimɛ wonu nalɔn kiyo rɔ ko anu kana sɛgi Mansa Hɛrodi wara tun, woletɔ anu sɛgira anu barɛ kila-gbɛrɛ fɛ.

Kɛwɔlɛnu 7:44

“Allata Fani-Bɔn ye ma benbanu bolo nun wulɛ rɔ. A ladanta iko Alla ya a fɔ Musa ye nya min. Anu ya a ladan iko Alla ya min su yira Musa la yati!

Kɔlɔsi 2:17

Ninɛ le tɔn wo bɛɛ la dɔrɔn. A bɛrɛbɛrɛ le Kirasiti la.

Hiburunu 10:1

Ko-nyimɛ minnu bi nala yarɔ, Yahudiyanuna tɔn mamunnɛ le wo la. A bɛrɛbɛrɛ-wɛ ma tɔn wo la. Mɔgɛnu bi saraka-su kelan wo bɔla san-bo-san tolon! Minnu bi nyinina nala Alla wara, sɛnbɛ sa saraka-su wonu na ka anu kanbali Alla ye.

Hiburunu 11:7

Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Hiburunu 13:10

Saraka-bɔ-tinɛ ye nyɔ Kirasiti ara sarakɛ bɔ min kuma Alla ye mala ko la. Hali saraka-masɔlɛ minnu bi wɔlila Alla-Bato-Bɔn la, dɔn-fan minnu bɔra saraka-bɔ-tinɛ wo kuma, a ma bɛn wo ni wonu dɔn.

Hiburunu 9:9

Misalɛ le kɛ la ka a bɛn wati kɛ ma. Wo kɔrɛ le ko kɔ-fan anubɛ sarakɛ minnu dinɛ Alla ma, wonu ti ke a batolɛnu sɔndɔmɛ sɛninyala

Yasowa 22:28

“Kɔnɔ ni wola dannu ya a fɔ mala dannu ma ko mata sa wota Mari Alla wara-koe rɔ, anu si saraka-mintan-tinɛ kɛ yira anu na ka ma tamasere la anu ye. Ma sa sarakɛnu mintanna a kuma. Tamasere le kɛ la dɔrɔn!

Lankɛnimayɛ 15:5

Wo kɔma, n ya Alla-Bato-Bɔn dɛ lakanɛ yen Arinyɛni tɔ. Allata Fani-Bɔn ye nyɔ rɔ.