Hiburunu 8:4 - ALLALA KUMƐ

⁴ Ni Yisa taranta dugu-kole kɛ kuma ha bi, a ti ma saraka-masɔlɛ la nun bawo saraka-masɔlɛnu bi nyɔ minnu bi sarakɛnu masɔla iko Yahudiyanuna tɔn ye nya min.

Hiburunu 8:4 ပူးပေါင်းရင်းမြစ်များ

Yilan-Yilan Koe 16:40

Miran-sɛnima-dɛnfɛnɛ wonu si ma wo hɛnkili-bila-fan la tɔn ko ko mɔgɔ-wo-mɔgɔ kana isɛnti mintan nyɔ fɔ Aruna anubɛ a kegeyɛnu. Wonu denu dɔrɔn si a mintan nyɔ. Aruna kegeya ma minnu na, wonu fanan si halaki iko Kora anubɛ a gba-fɛ-bilalɛnu mara nya min.

Yilan-Yilan Koe 18:5

Nde nyɛrɛ-nyɛrɛ le ya Lifayi mɔgɛnu yabɔ Isirɛla mɔgɛnu tɛma ka ma wole dɛnbɛnɛnu na. N bara wonu di wole ma ka anu dantɛgɛ nde ma. “N bara nta bon-burɔ-wɔlɔ-dunɛ sa wobɛ ila dannu kuma anubɛ saraka-masɔ-wɔlɛ, woletɔ nta diminyɛ ti sigi Isirɛla mɔgɛnu kuma tun!

Hiburunu 10:11

Yahudiya saraka-masɔlɛ bɛɛ si anu sɔ ka anuta wɔlɛ kɛ tele-wo-tele. Anu bi saraka-su kelen bɔla tuma-wo-tuma kɔnɔ sarakɛ wonu ti ke hakɛnu banna mumɛ!

Hiburunu 11:4

Dɛnkɛninyɛ le fɛ, Ebɛli ya saraka-bɛrɛbɛrɛ bɔ Alla ye min tenbira Kenta sarakɛ la. Alla nyɛrɛ sɔnta ata kɔ-fannu na ka a yira ko a ara a hɛnɛ. Ala dɛnkɛninyɛ fɛ, hali Ebɛli faganɛ kɔnɔ ha bi, a ya koe min ma, wo ye kumala ma ye.

Hiburunu 5:1

Alla si saraka-masɔla-kun-tigi-wɛ bɛɛ yabɔ ka bɔ a ta-nyɔgɔ-saraka-masɔlɛnu tɛma. Ata wɔlɛ ye min na, wo le ka a sɔ Alla anubɛ mɔgɛnu tɛma. A ye kɔ-fannu anubɛ sarakɛnu bɔla anuna hakɛla ko la.

Hiburunu 7:27

Ale sa iko saraka-masɔla-kun-tigi-wɛ doinu. Ka sarakɛ masɔ a nyɛrɛ hakɛla ko la tele-wo-tele, a mako sa wo la. A mako sa tele-wo-tele-sarakɛ la mɔgɛnu hakɛla ko la fanan. A ya saraka kelen pe le bɔ ka dan wo ma. A ya a nyɛrɛ niyi ni sarakayɛ la tumɛ min, a ya wo ma wo le tɔ.

Hiburunu 8:3

Saraka-masɔla-kun-tigi-wɛ bɛɛta wɔlɛ ye min na, wo le ka kɔ-fannu anubɛ sarakɛnu masɔ Alla ye. Woletɔ fɔ fan do ni taran mata saraka-masɔla-kun-tigi-wɛ fanan bolo a si min bɔ.

Hiburunu 9:9

Misalɛ le kɛ la ka a bɛn wati kɛ ma. Wo kɔrɛ le ko kɔ-fan anubɛ sarakɛ minnu dinɛ Alla ma, wonu ti ke a batolɛnu sɔndɔmɛ sɛninyala