Hiburunu 7:9 - ALLALA KUMƐ

⁹ Minnu bi yaka makelela mɔgɛnu bolo, Lifayi bɔnsɔn le wonu na. Ma si ke a fɔla worɔ ko Iburayima ya yaka bɔ tumɛ min, Lifayinu fanan ya yaka bɔ iko Iburayima.

Hiburunu 7:9 ပူးပေါင်းရင်းမြစ်များ

Ko-Dabirɛnu 14:20

Alla Min Bi Fan Bɛɛ Kun Na min bara i yogenu don i bolo, tantolɛ ni ke wo ye.” Burama ya minnu sɔrɔn kɛlɛ rɔ, a ya wonu yaka bɔ ka wonu di Mɛlikisidaki ma.

Matiyu 7:8

Min ba to tarali kɛla, wo si a sɔrɔn. Min ba to nyininɛ kɛla, wo si a yen. Min ba to dɛ matugula, a la si ka wo ye.

Romu 5:12

Ma benba Hadama le ya hakɛ lana duninya rɔ. Hakɛ wo le nara sayɛ la male hadama-dannu tɛma. Wo ya sayɛ lana mɔgɛ bɛɛ kuma bawo bɛɛ ara hakɛ kɛ.

Tɔn-Fɔɛ-Fila-Nyɔgɛ 26:12

“San-sawa wo san-sawa, wo si to wola yakanu dila Lifayi bɔnsɔn-mɔgɛnu ma anubɛ mɔgɔ-tɔrɔnɛ minnu dɛnbɛna sa, a mara sundan na wo, a mara kelenni na wo, a mara kɛɛ-musu la wo. Wo si a ma, mɔgɛ kɛnuna dɔntɛ si a bɔ anu ye anuna soenu tɔ. Wo wa ban wola yakanu ratalala mɔgɔ-tɔrɔnɛnu na,

Hiburunu 7:10

Hali Lifayi ma sɔrɔn bɛ nun, a ye a benba Iburayima fɛrɛ rɔ, ma si ke a fɔla le wo rɔ ko a ye nyɔ nun, ado Mɛlikisidaki ya Iburayima labɛn tumɛ min, Lifayi ye nyɔ nun.

Hiburunu 7:4

Wo ni wo miri Mansa Mɛlikisidakila gbiliya-makawanɛ ma, a ye nya min! Ma benba Iburayima ya fan min bɛɛ sɔrɔn kɛlɛ rɔ, wo ya wo bɛɛ yaka di a ma.

Hiburunu 7:8

Saraka-masɔlɛ minnu si yaka makele, mɔgɔni-gbuyi le wonu na dɔrɔn. Lunyɛ do, anu si faga. Kɔnɔ Mɛlikisidaki min ya yaka bira, wola faga-ko sɛbɛni ma Allata kitabu rɔ.