Hiburunu 7:6 - ALLALA KUMƐ

⁶ Mɛlikisidaki kɛ, Lifayi bɔnsɔn ma nun kɔnɔ a ya yaka bira Iburayima bolo. Ale Iburayima min ya Allala lanyiri sɔrɔn, ale Mɛlikisidaki duwara wo ye.

Hiburunu 7:6 ပူးပေါင်းရင်းမြစ်များ

Ko-Dabirɛnu 12:13

I ni a fɔ anu ye ko nde tirisan-musi le ile la. I ni a ma, n ni kisi i fɛ. I ni a ma, anu ni n tabira a kin na!”

Ko-Dabirɛnu 12:2

N si i sibole lasiyaya ka wonu bɔnsɔn fanan nasiyaya. N si nta duwɛ layigi i kuma ka i ma tɔgɔ-tigi-wɛ anubɛ duwa-tigi la.

Kɛwɔlɛnu 3:25

Alla ya lanyiri minnu kiri ala nɛbinu baraka rɔ, wotɛ le wonu na. Alla ya lanyiri minnu kiri wo benbanu ye, wo ara wo sɔrɔn iko a ya a fɔ Iburayima ye nya min. A ko duninya-mɔgɛ bɛɛ si na duwɛ sɔrɔn ale bɔnsɔn fɛ.

Romu 4:13

Alla ya lanyiri kiri Iburayima anubɛ a bɔnsɔn ye ko duninya si ma anutɛ la. Ka a fɔ ko a ya lanyiri kɛ kiri bawo Iburayima ya Allata tɔn-kitabu bira, wo ma. Kɔnɔ a kirita ala dɛnkɛninyɛla ko la. Woletɔ Alla ya a lɔn mɔgɔ-latelennɛ la,

Romu 9:4

Allala mɔgɔ-yabɔnɛ le anu denu na. A ya anu ma ala dannu na ka ata gbiliyɛ yira anu na. Anubɛ Alla ya sarama-kannu kiri. A ya ala tɔn-kitabu di anu denu ma fanan. A sɔnta ko anu denu ni a bato a kilɛ fɛ, ado anu bara Allala lanyirinu sɔrɔn.

Kalesiya 3:16

Nba, Alla ara lanyiri kiri Iburayima anubɛ a bɔnsɔn do ye, ado a ma sɛbɛ ko lanyiri wo kirinɛ a bɔnsɔn bɛɛ le ye fɔ mɔgɔ kelen pe, Kirasiti, kɔni.

Hiburunu 11:13

Mɔgɛ wonu bɛɛ fagara anuna dɛnkɛninyɛ rɔ. Alla ya lanyiri min kiri anu ye, anu ma wo sɔrɔn kɔnɔ anu ya wo yen wula-yan la pon! Anu ya min yen, anu sewara wo la ka sɔn ko sundan anubɛ yilan-yilantoe le anu na dugu-kole kuma.

Hiburunu 11:17

Alla ya Iburayima kɔrɔbɔ tumɛ min, dɛnkɛninyɛ le fɛ, Iburayima ya ala dan Isiyaka ma sarakɛ la. Alla ya lanyiri kiri Iburayima ye kɔnɔ hali wo, a rabɛnnɛ hali ka ala dan ma sarakɛ la.

Hiburunu 7:1

Mɛlikisidaki ye so-tigiyɛ le la Selam soe burɔ nun. A ye saraka-masɔlayɛ fanan na Alla ye, Alla Min Bi Fan Bɛɛ Kun Na, kɔni. Ma benba Iburayima bɔnɛ mansɛ doinu nɔ tinɛ kɛlɛ rɔ, anubɛ Mɛlikisidaki bɛnta kilɛ la. Ale Mɛlikisidaki duwara Iburayima ye.

Hiburunu 7:7

Sika mumɛ sa kɛ rɔ. A gbɛnɛ feu, ko ale Mɛlikisidaki min duwara, a tenbira Iburayima la a duwara min ye.