Hiburunu 7:27 - ALLALA KUMƐ

²⁷ Ale sa iko saraka-masɔla-kun-tigi-wɛ doinu. Ka sarakɛ masɔ a nyɛrɛ hakɛla ko la tele-wo-tele, a mako sa wo la. A mako sa tele-wo-tele-sarakɛ la mɔgɛnu hakɛla ko la fanan. A ya saraka kelen pe le bɔ ka dan wo ma. A ya a nyɛrɛ niyi ni sarakayɛ la tumɛ min, a ya wo ma wo le tɔ.

Hiburunu 7:27 ပူးပေါင်းရင်းမြစ်များ

Isikiyɛli 43:19

Lifayi saraka-masɔlɛ minnu bɔra Sedoki kebilɛ rɔ, wonu denu dɔrɔn si na n yakɔrɔ ka nta wɔlɛ kɛ. Nde, Isirɛla Tigi Mari kan le kɛ la. Ile si tura-bulan di anu ma ka wo ma hakɛ-sarakɛ la.

Saraka-Masɔlɛnuta Tɔnnu 16:11

Mari ko, “Aruna tenbi tura-bulan wo mala anubɛ ala denbayɛnu hakɛ-sarakɛ la tumɛ min,

Saraka-Masɔlɛnuta Tɔnnu 16:15

“Isirɛla mɔgɛnu sɛninyani ma bawo anu bi hakɛ kɛla tuma-wo-tuma. Fɔ Aruna ni kan tinɛ kɛ sɛninya bawo Marita Fani-Bɔn ye mɔgɔ-sɛninyabɛlɛ kɛnu tɛma dagɛ rɔ. Aruna wa bɔ luyi ma tumɛ min, a si baa-kɔrɔn doi wo kan natɛgɛ ka wo ma Isirɛla mɔgɛnu hakɛ-sarakɛ la. A si a yele do bi ka ta a la Sɛnima-Sɛnima-Tinɛ rɔ iko tun ka a pusen tɔn-kenkirɛ da-latogɔn ma anubɛ a tɔgɔfɛ iko a ya tura-bulan wotɛ ma nya min. Marita Fani-Bɔn Sɛnima-Sɛnima-Tinɛ sɛninya-bole le kɛ la.

Romu 6:10

Ata fagɛ kelan wo ara a ma, hakɛ ti nɔ-ko sɔrɔn a ma. A ye a niyi la kaka alako a ni Alla sako kɛ.

Ɛfɛsa 2:22

Bɔn wo le malebɛ wole sibolo-gbɛrɛnu na. Alla mayiginɛ a rɔ ata Ni-Sɛnimɛ baraka rɔ.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Taita 2:14

Yisa ya a nyɛrɛ ni mala ko la alako ma ni tanka ko-yogomɛ-bɛɛ ma. A ya ma sɛninya alako ma ni ma ala mɔgɛnu na minnu bi nyinina ko-nyima-kɛ ma.

Hiburunu 5:1

Alla si saraka-masɔla-kun-tigi-wɛ bɛɛ yabɔ ka bɔ a ta-nyɔgɔ-saraka-masɔlɛnu tɛma. Ata wɔlɛ ye min na, wo le ka a sɔ Alla anubɛ mɔgɛnu tɛma. A ye kɔ-fannu anubɛ sarakɛnu bɔla anuna hakɛla ko la.

Hiburunu 5:3

Nba, a rafaganɛ min kɛ, fɔ a ni sarakɛ bɔ a nyɛrɛta hakɛla ko la. Wo kɔma, a si mɔgɛnuna sarakɛnu masɔ anuna hakɛ fananna ko la.

Hiburunu 8:4

Ni Yisa taranta dugu-kole kɛ kuma ha bi, a ti ma saraka-masɔlɛ la nun bawo saraka-masɔlɛnu bi nyɔ minnu bi sarakɛnu masɔla iko Yahudiyanuna tɔn ye nya min.

Hiburunu 9:12

Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

Hiburunu 9:25

San-bo-san, Yahudiyanuna saraka-masɔla-kun-tigi-wɛ si don Sɛnima-Sɛnima-Tinɛ rɔ sogo-yele la a bolo. Kɔnɔ Kirasiti ma don ka a nyɛrɛ bɔ sarakayɛ la kinyama siyaman.

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

Hiburunu 9:7

Kɔnɔ fɔ saraka-masɔla-kun-tigi-wɛ kelen pe, wo le si don fani-bon-burɔtɛ wo burɔ, ado a si don nyɔ iko kelen pe san kɔrɔ. A tenbi donna fɔ a ni don saraka-yele la a bolo. Mɔgɛnu ma hakɛ minnu nawuli a ma, a ye yele wo bɔla Alla ye a nyɛrɛta hakɛla ko la anubɛ mɔgɛnutɛ.