Hiburunu 7:25 - ALLALA KUMƐ

²⁵ ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

Hiburunu 7:25 ပူးပေါင်းရင်းမြစ်များ

Yobu 22:17

Karagbɛlɛnu ya a fɔ Alla ma ko, “Fara ma la. Alla Sɛnbɛ-Bɛɛ-Tigi ti ke ko-wo-ko mala ma la.”

Yobu 23:3

Alako nun, n si a lɔn a ye kan min. Alako nun, n ya ala kiti tɛgɛ tinɛ lɔn.

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 45:24

Minnu ba na, wonu si a fɔ ko nɔlɛ anubɛ sɛnbɛ ye ale Mari kelen pe le bolo. A ko ale Mari wa gboya minnu ye, wonu si tɔrɔ yarabiyi bolo.

Aiseya 53:12

Mari ko a si mɔgɔ-siyaman ma aletɛ la. Mɔgɔ-siyaman si ma a halalɛ la iko mansɛnu bi fan min sɔrɔnna kɛlɛ rɔ. A ya a nyɛrɛ niyi di foninsereyɛ la. Mɔgɛnu ya a bira iko ko-yogoma-kɛlɛ A tara mɔgɔ-siyaman hakɛ la a bolo ka makotolɛ nyini hakɛ-tiginu ye a bolo.

Aiseya 59:16

A ma mɔgɔ-den-kelen yen anu tɔ min si hina bolo-kolɔnnu na. Wo ya a tɛrɛna, a ma mɔgɛ yen anu tɔ min si dɛnbɛnɛ kɛ. Wo le ya a ma, Mari ya a fanka lawɔli ka mɔgɛnu dɛnbɛ alako anu si sɛnbɛ sɔrɔn nya min.

Aiseya 63:1

Yon bi nala kɛ la ka bɔ Idɔm nyamanɛ rɔ? A bɔra Idɔm so-kunyɛ le la min tɔgɛ Bɔsira. A makirinɛ kura-wulen-hakikɛ la. A ye tagamana a sɛbɛ-kuna-wɛ la. A ye a fɔla ko Mari le ale la min bi tonyɛ gbonkanna. A ko wo lakisi-sɛnbɛ ye ale le bolo.

Yɛrɛmaya 3:22

Wole telenbɛlɛnu ni sɛgi a ma tun. Wo ni sɛgi a ma. A si wo makoto wola telenbɛlitayɛla ko la. A bɛnta wo ni a fɔ ko, “Ma namatoe le. Mata Mari Alla le ile Mari la.

Daniyɛli 3:15

Kɔnɔ ni wo ya tolon-kan lamɔɛn gbɛ ka wo madu nna bɛsɛ kɔrɔ, wo kin. Kɔnɔ ni wo ma sɔn wo madu-koe ma, anu si wo lafili sulubondon tɛ rɔ tiriya! Wola bɛsɛ nyamintan si ke wo kunyɛ bɔla wo rɔ nde bolo?”

Daniyɛli 3:17

Ni ile, ma tigi, ya ma lafili sulubondon tɛ rɔ, male ye Alla min batola, wo si ke ma latankala ma tigita sɛnbɛ ma hali sulubondon tɛ wo.

Daniyɛli 3:29

Ale mansɛ ya a fɔ tun ko, “N bara ban a latɛgɛla bi, n ko ni mɔgɔ-wo-mɔgɔ ya mɔgɔ sawɛ kɛnuta Alla lafɛya, wo tigi si gbegbe ka ala bɔn ma sundu-kunyɛ la. Bɛsi-wo-bɛsi sa nyɔ min si ke mɔgɛ latankala iko kɛnutɛ.”

Daniyɛli 6:20

A ke denka don-dɛ la nyɔ, a ya a kuli mayɛlɛ. A yisi-gbalanɛ ya Daniyɛli rakele. A ko, “Allata wɔli-kɛlɛ Daniyɛli, i ye Alla-nimɛ min batola tuma-wo-tuma, wo ara i lakisi, wa?”

Daniyɛli 9:16

Kebi fɔlɔ, ile le ya ma latanka. Hali i fonde ma ma gboya Yerusalɛm soe ma bawo i halalɛ le wo la, ita kɔnkɔ-sɛnimɛ, kɔni. Ka a tɛgɛ ma benbanu anubɛ maleta hakɛ ma, sibolo-gbɛrɛ minnu bi mala foolɛ rɔ, wonu yoonɛ ma ma.

Yɔni 14:13

Wo wa nde tara fenfen ma n tɔgɛ rɔ, n si wo ma wo ye. Woletɔ n Fa Allala gbiliyɛ ma si yira nde, ala dan baraka rɔ.

Yɔni 14:16

N si n Fa Alla matara. A si dɛnbɛnɛ-kɛlɛ-dogbɛrɛ lana, Allala Ni-Sɛnimɛ, kɔni, ado a si to wo fɛ habadan! A si Alla wara-koe lagbɛ wo ye. Dɛnkɛninyabɛlɛnu ti ke a sɔrɔnna bawo anu ti ke a yenna, ado anu ti ke a lɔnna lefan! Kɔnɔ wole ya a lɔn bawo a ye wo rɔ, ado a siginɛ si to wo yisi rɔ.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

Romu 5:2

Dɛnkɛninyɛ fɛ, Yisa ara ma lana Allala hinɛ kɔrɔ, ado ha kaka, ma ye hinɛ wo le kɔrɔ. Ma sewanɛ fanan bawo ma ya a lɔn ko wati do, ma si ala gbiliyɛ wo diya bɔ.

Romu 8:34

Yon si ke wonu yilikila worɔ? Kirasiti Yisa ti ma yiliki bawo wo le fagara ma ye. A wulita tun ka niyi sɔrɔn ka ta a sigi Alla kɔɛn-nyimɛ rɔ, ado ale le ye Alla madiyala ma ye.

1 Kɔrɛnti 1:21

Alla ya a hɛnkili-wɛ lawɔli. A ya a ma, mɔgɛnu ti ke a lɔnna hadama-danta hɛnkilimayɛ rɔ. Kɔnɔ Alla-lɔnbɛlɛnu bi min kelela yuwaya-kumɛ, male ye wo le kawandili bɔla, ado Alla le ya a latɛgɛ ko minnu si na dɛnkɛninya Yisa ma, wonu denu si kisi yuwaya-kumɛ wonu fɛ.

Ɛfɛsa 2:18

I mara Isirɛla mɔgɛ la wo, i mara sibolo-gbɛrɛ la wo, Kirasiti le si a ma, ma ni sɔ ma Fa Alla yakɔrɔ ata Ni-Sɛnimɛ baraka rɔ.

Ɛfɛsa 3:12

Nba, wola ko la, ma si ke ka ma madon Alla la dɛnkɛninyɛ fɛ yili-latɛgɛ la ma bolo Yisa Kirasiti baraka rɔ.

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

1 Timoti 2:5

Alla kelen de nyɔ, ado mɔgɔ kelen de nyɔ fanan min bi Alla anubɛ mɔgɛnu tɛmɛ rabɛnna. Wo mɔgɛ le Yisa Kirasiti la.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 13:15

Nba, ma ye Alla matɔgɔla tuma-wo-tuma min kɛ, ma wa sɔn ata Mariyɛ ma tumɛ min, wo ye sarakayɛ le la Alla ye Yisa baraka rɔ.

Hiburunu 2:18

Nba, minnu bi magbɛrɛnkɛ rɔ kaka, a si ke wonu dɛnbɛna bawo a nyɛrɛ magbɛrɛnkɛnta ka tɔrɔ.

Hiburunu 2:9

Kaka, ma ye Yisa le yenna mansayɛ kɛla bonyɛ anubɛ gbiliyɛ rɔ ka a tɛgɛ ata saya-tɔrɔyɛ ma. Melikanu tenbira a la nun wati-kundu-ni kɔrɔ alako a si faga mɔgɛ bɛɛ ye nya min Allata hinɛ baraka rɔ.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

Hiburunu 7:16

A ma ma saraka-masɔlɛ la hadama-danta tɔn fɛ min ko a ni bɔ bɔnsɔn do rɔ. A mara saraka-masɔlɛ la ka a tɛgɛ ata habadan-nimayɛ ma.

Hiburunu 7:19

Alla ya tɔn min di Nɛbi Musa ma, wo ma ke ko-wo-ko munanfagala bawo ma ara yigi-bɛrɛ sɔrɔn kaka. Ma dama ye ma gbɛrɛnna Alla ma, wo le baraka rɔ.

Hiburunu 7:24

Kɔnɔ Yisa ye a kɛndɛ la habadan! Woletɔ ala saraka-masɔ-wɔlɛ la ti tenbi mɔgɔ-gbɛrɛ ma,

Hiburunu 7:8

Saraka-masɔlɛ minnu si yaka makele, mɔgɔni-gbuyi le wonu na dɔrɔn. Lunyɛ do, anu si faga. Kɔnɔ Mɛlikisidaki min ya yaka bira, wola faga-ko sɛbɛni ma Allata kitabu rɔ.

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.