Hiburunu 7:22 - ALLALA KUMƐ

²² Nba, ka a tɛgɛ Alla sarata min ma, wo le ya a ma, Yisa mara mɔgɛ la min ya a yira bɛrɛbɛrɛ-wɛ-kɛ ko ale sarama-kan-kurɛ, wo tenbira a fɔlɔtɛ la.

Hiburunu 7:22 ပူးပေါင်းရင်းမြစ်များ

Ko-Dabirɛnu 43:9

Ni ko-wo-ko mara Bɛnyamɛ la, wo dunɛ ni to nde kuma. Ni n ma na a kɛndɛ la i wara, wo nanparan si to nde kuma n siyi-tele-bɛɛ kɔrɔ.

Ko-Dabirɛnu 44:32

Min sanɛ wo kuma, n bara n nyɛrɛ niyi sigi tulumɛ la n fa ma n dɔgɛ kɛ niyila ko la. N ya a fɔ ko ni n ma sɛgi ala den Bɛnyamɛ la a ma tun, wo nanparan si to nde kuma wo rɔ n siyi-tele-bɛɛ rɔ.

Yaburi 119:122

N yili-madiya ko i si nde, ita wɔli-kɛlɛ dɛnbɛ. I kana sɔn wasintenu ni a lakunaya n kuma.

Hɛnkilimaya-Kumɛnu 20:16

Ni mɔgɛ ya a nyɛrɛ ma yili-bolomɛ la sundan anubɛ duguran tɛma, a fisa, fen-tigi-bole ni taran ale yili-bolomɛ la.

Hɛnkilimaya-Kumɛnu 6:1

nna den, ni i wara i nyɛrɛ ma yili-bolomɛ la,

Aiseya 38:14

N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Daniyɛli 9:27

Ale kun-tigi-sɛnbɛmɛ wonubɛ mɔgɔ-siyaman si lanyiri kiri anu nyɔgɔn tɛma san wɔrɔnfila kɔrɔ. Wati wo wa tala a tɛma, a si tɔn sigi saraka-mintantɛnu anubɛ saraka doinu na. Kun-tigi wo si kisimiriya-bɛsɛ do sigi Alla Bato-Bɔn la kan-tina-sɛnimɛ rɔ. A si to nyɔ ha min ya ale bɛsɛ ladan, wo tɔrɔya-wati ni na iko Alla ya a rabɛn a ye nya min.”

Matiyu 26:28

bawo n yele le kɛ la Allata sarama-kan kirinɛ min fɛ. N yele bɔnɛ alako mɔgɔ siyaman hakɛ ma si koto nya min.

Maraka 14:24

Yisa ko, “N yele le kɛ la n bara Allata sarama-kan kiri min fɛ. N yele bɔnɛ mɔgɔ siyaman hakɛla ko la.

Luka 22:20

Kima-dɔn banta tumɛ min, a ya nɔnbɔ-gbɔ-yi do bi tun. A ko, “Nɔnbɔ-gbɔ-yi kɛ le Allata sarama-kan-kurɛ tamasere la min kirinɛ wo ye n yele fɛ. Yele wo bɔnnɛ wole le ye.

1 Kɔrɛnti 11:25

Anu ban biredi wo dɔnna, Yisa ya yi-lafɛ fanan bi wo nya. A ko, “Allatalata sarama-kan-kurɛ min kirinɛ n yelela ko la, wo le kɛ la. Wo ni kɛ min alako wo ni to wo mirila n ma nya min.”

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Hiburunu 13:20

Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Hiburunu 7:23

Dan-nafara-gbɛrɛ ye nyɔ tun. Saraka-masɔlɛ wonu siya nun bawo anu kɛnɛna fagala. Saraka-masɔla-gbɛrɛ si to ala wɔlɛ kɛla.

Hiburunu 8:13

Alla ya sarama-kan-kurɛ kiri min kɛ, a fɔlɔtɛ ara ma a kɔrɔmɛ la, ado fan min bara kɔrɔya ka tinya, wo ti mɛ tununa yen!