Hiburunu 7:16 - ALLALA KUMƐ

¹⁶ A ma ma saraka-masɔlɛ la hadama-danta tɔn fɛ min ko a ni bɔ bɔnsɔn do rɔ. A mara saraka-masɔlɛ la ka a tɛgɛ ata habadan-nimayɛ ma.

Hiburunu 7:16 ပူးပေါင်းရင်းမြစ်များ

Romu 7:14

Ma ya a lɔn ko Alla le ya tɔn-kitabu di n ma kɔnɔ mɔgɔni-gbuyi le nde la. A manɛ iko n bi yɔɔnyɛ la hakɛ bolo.

Kalesiya 4:3

Male fanan, yanni ma ni koloya tumɛ min, ma taranta yɔɔnyɛ rɔ wo nya na duninya-nyina-kun-tiginu kɔrɔ.

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

Kɔlɔsi 2:14

Ma hakɛ minnu sɛbɛnɛ ma kan ma nun anubɛ ma kirinɛ tɔn minnu na, Alla ara wonu gbangban Yisata kɔlɔma ma ka anu ban feu!

Kɔlɔsi 2:20

Wobɛ Kirasiti ara faga wo nyɔgɔn fɛ worɔ. Ale ya wo hɔrɔya ka wo bɔ nyina-kun-tiginu fanka kɔrɔ duninya kɛ rɔ. Nfenna worɔ, wo ye ko ladanna iko duninya kɛtɛ le wole la? Nfenna wo ye tɔn kɛ sufanu birala? Wo ye a fɔla ko—

Hiburunu 10:1

Ko-nyimɛ minnu bi nala yarɔ, Yahudiyanuna tɔn mamunnɛ le wo la. A bɛrɛbɛrɛ-wɛ ma tɔn wo la. Mɔgɛnu bi saraka-su kelan wo bɔla san-bo-san tolon! Minnu bi nyinina nala Alla wara, sɛnbɛ sa saraka-su wonu na ka anu kanbali Alla ye.

Hiburunu 7:15

Koe kɛ ara gbɛ feu! Saraka-masɔla-gbɛrɛ ara bɔ gbɛ rɔ min manɛ iko Mɛlikisidaki ye nya min nun.

Hiburunu 7:17

A sɛbɛnɛ Allala kitabu rɔ ko, “Ile si ma saraka-masɔlɛ la tolon iko Mɛlikisidaki.”

Hiburunu 7:28

Alla ya tɔn min di Nɛbi Musa ma, wo ya mɔgɛnu yatɔnbɔn alako anu ni ma saraka-masɔla-kun-tigi-wɛnu na hali anu ma telen wo nya. Kɔnɔ Allata kelili sanɛ lanyiri min kuma, wo nara Nɛbi Musala tɔn kɔma le. Wo ye ata dan le yabɔla min si Allata ko-latɛgɛnɛ kanbali habadan!

Hiburunu 7:3

Ale Mɛlikisidaki kɛ, fenfen sɛbɛni ma Allala kitabu rɔ a fa anubɛ a nala ko la anubɛ a bɔnsɔn wara-koe rɔ. A sɔrɔn-koe anubɛ a faga-koe fanan ma sɛbɛ. A mani de iko Allala dan bawo a tonɛ saraka-masɔlayɛ la habadan!

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.