Hiburunu 7:14 - ALLALA KUMƐ

¹⁴ Bɛɛ ya a lɔn ko Mari sɔrɔnta Yuda bɔnsɔn le tɔ, ado Nɛbi Musa ya saraka-masɔya-koe fɔ tumɛ min, a ma bɔnsɔn wola ko fɔ.

Hiburunu 7:14 ပူးပေါင်းရင်းမြစ်များ

Ko-Dabirɛnu 46:12

Yakobala den Yuda wo tara ala den-kei mɔgɔ sawɛ la a bolo, Sela wo, Pɛrɛsi wo, anubɛ Sera. Kɔnɔ Pɛrɛsi wo tara ala den-kei mɔgɔ fila la a bolo, Hɛsirɔn anubɛ Hamula. Kɔnɔ Yudala den-kei mɔgɔ filɛ, Ɛra anubɛ Onan, wonu fagara Kenan nyamanɛ rɔ.

Ko-Dabirɛnu 49:10

Ile Yuda, i bɔnsɔn si ma wo nya na le. Mɔgɔ-wo-mɔgɔ ti sisi i sɔ tinɛ bɔla i bolo. Mansayɛ ti bɔ ile Yuda bɔnsɔn bolo ha Mansa-bɛrɛbɛrɛ si na, duninya bɛɛ si min gbiliya.

Aiseya 11:1

Dawudata mansaya-bɔn manɛ iko kɔlɔma min tɛgɛnɛ a la, a kɔn-kundi tonɛ dugi rɔ. Iko kɔn-kundi wo ye a matiila nya min, mansɛ do si fɛrɛn Dawuda kegeyɛ rɔ wo nya na le.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Yilan-Yilan Koe 24:17

‘N bi wula-yanna-koenu yenna nala kɔnɔ a ma ke wɛ fɔlɔn. N bi mansɛ do yenna nala ka bɔ Isirɛla mɔgɛnu tɛma kɔnɔ a fɛ-yan fɔlɔn. A ye malanna iko lolo-malanni-wɛnu. A si Mohabu kun-tiginu kunyɛ ratii. A si mɔgɔ-wasinɛnu anubɛ kɛlɛ-tɛgɛlɛ kɛnu tinya feu!

Matiyu 2:6

‘Ile Bɛtalehɛm soe, so dɔgɔmanɛ ma i la tun Yuda nyamanɛ rɔ bawo kun-tigi do si bɔ ile rɔ min si kun-tigiyɛ kɛ Isirɛla mɔgɛnu kun na, Marita mɔgɛnu, kɔni.’ ”

Luka 1:43

Ko n Mari na ara na n kɔndɔn tinɛ, ko-wɛ kɛ mara n ye kama?

Luka 3:33

Neson fanan fa le Aminadabu la, Aminadabu fanan fa le Adimin la, Adimin fanan fa le Arani la, Arani fanan fa le Hɛsirɔm la, Hɛsirɔm fanan fa le Parɛsi la, Parɛsi fanan fa le Yuda la,

Yɔni 20:13

Anu ya a manyinika ko, “N na, i ye dila nfenna?” A ya anu yabi ko, “Anu bara n Mari labɔ yan. Anu bara a sa kan min, n ma nyɔ lɔn!”

Yɔni 20:28

Tamasi ya a yabi ko, “N Mari anubɛ nta Alla!”

Romu 1:3

Kibara-nyimɛ wo tɛgɛnɛ Yisa le ma, Allala den-kei, kɔni, min sɔrɔnta Dawuda bɔnsɔn rɔ hadama-danta kilɛ fɛ.

Romu 2:3

Kɔnɔ n bɔnu, wole min bi wo dɛ bilala mɔgɛnuna koe rɔ, wole nyɛrɛ ye ko-sufa wonu mala. Wo miri ko wo si porokɔlɔ Allala kiti kɔrɔ, wa?

Ɛfɛsa 1:3

Ma ni baraka bira ma Mari Yisa Kirasiti, wo Fa Alla ye dɛɛ bawo duwɛ min bɛɛsi ye Arinyɛni tɔ, Alla ara wonu di ma ma. Ma ya wonu sɔrɔn Kirasiti baraka le tɔ.

Filipai 3:8

Wo koenu dɔrɔn ma. N bara ko-koron-bɛɛ lɔn bɔnɛ la feu! Koe min tenbinɛ kɛ dama la, wo le ka Kirasiti Yisa lɔn n Mari la, kɔni. N bara koe wo bɛɛ boloka ale Yisala ko la ka wo bɛɛ lɔn yefe-gbalɛ la alako n ni Kirasiti sɔrɔn.

Hiburunu 7:13

Nba, ma ye koe kɛnu fɔla ma Mari Yisa minna ko la, wo bɔra bɔnsɔn-gbɛrɛ le rɔ, Yuda bɔnsɔn, kɔni, ado Yuda bɔnsɔn fenfen ma saraka-masɔ-wɔlɛ kɛ.

Hiburunu 7:15

Koe kɛ ara gbɛ feu! Saraka-masɔla-gbɛrɛ ara bɔ gbɛ rɔ min manɛ iko Mɛlikisidaki ye nya min nun.

Lankɛnimayɛ 22:16

Yisa ko, “Nde, Yisa ara nta melika sɔ ka koe kɛnu fɔ wo ye chɔchinu tɔ. Dawuda-bɔnsɔn-kinama-wɛ le nde la. Banda-ka-da-lole malannɛ le nde la.”

Lankɛnimayɛ 5:5

Nba, kɛmɔgɔ kelen ya a fɔ n ye ko, “I kana di! I yɛ lata! Yarɛ min bɔnɛ Yuda bɔnsɔn rɔ, Dawuda bɔnsɔn malɔnnɛ, kɔni, wo ara nɔ-koe sɔrɔn a yogenu ma. Wo si ke li-kɛɛn wɔrɔnfilɛ wonu bɔla gbolo-lamininɛ wo ma ka a lafulen.”