Hiburunu 7:11 - ALLALA KUMƐ

¹¹ Nɛbi Musata tɔnnu anubɛ Lifayi bɔnsɔnta saraka-masɔlayɛ ye wɔlila anu nyɔgɔn fɛ. Nba, Lifayi bɔnsɔn saraka-masɔlɛnu, ni wonuna tɔnnu si ke mɔgɛnu natelenna le nun, ma mako ti taran saraka-masɔla-gbɛrɛ la nun. Kɔnɔ ma mako ye saraka-masɔla-gbɛrɛ la, Mɛlikisidaki su, kɔni, Aruna su ma de,

Hiburunu 7:11 ပူးပေါင်းရင်းမြစ်များ

Kalesiya 2:21

N ti n kan-kɔ sɔ Allala hinɛ la mumɛ! Ni mɔgɛ si ke telenna Alla ye tɔn-birɛ fɛ, Kirasiti fagara le worɔ fufafu!

Kalesiya 4:3

Male fanan, yanni ma ni koloya tumɛ min, ma taranta yɔɔnyɛ rɔ wo nya na duninya-nyina-kun-tiginu kɔrɔ.

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

Hiburunu 5:10

Alla ya a ma saraka-masɔla-kun-tigi-wɛ la wo nya iko Mɛlikisidaki.

Hiburunu 5:6

A sɛbɛnɛ kan-tina-gbɛrɛ rɔ fanan ko, “I si saraka-masɔ-wɔlɛ kɛ tolon, iko Mɛlikisidaki ya a ma nya min.”

Hiburunu 6:20

Yisa ara ta ma yarɔ nyɔ malela ko la. A ara ma saraka-masɔla-kun-tigi-wɛ la habadan iko Mɛlikisidaki.

Hiburunu 7:10

Hali Lifayi ma sɔrɔn bɛ nun, a ye a benba Iburayima fɛrɛ rɔ, ma si ke a fɔla le wo rɔ ko a ye nyɔ nun, ado Mɛlikisidaki ya Iburayima labɛn tumɛ min, Lifayi ye nyɔ nun.

Hiburunu 7:12

ado saraka-masɔla-su-gbɛrɛ wa na tumɛ min, a fɛrɛ sa fɔ tɔn fanan ni yɛlɛma ka a bɛn wo ma.

Hiburunu 7:13

Nba, ma ye koe kɛnu fɔla ma Mari Yisa minna ko la, wo bɔra bɔnsɔn-gbɛrɛ le rɔ, Yuda bɔnsɔn, kɔni, ado Yuda bɔnsɔn fenfen ma saraka-masɔ-wɔlɛ kɛ.

Hiburunu 7:15

Koe kɛ ara gbɛ feu! Saraka-masɔla-gbɛrɛ ara bɔ gbɛ rɔ min manɛ iko Mɛlikisidaki ye nya min nun.

Hiburunu 8:7

Ni fɛɛ ma taran sarama-kan-kɔrɔmɛ wo la nun, mɔgɔ mako ti taran a kurɛ la nun.

Hiburunu 9:6

Wonu bɛɛ siginɛ fani-bɔn burɔ a kilɛ fɛ tumɛ min, saraka-masɔlɛnu si don fani-bɔn dinkira-fɔlɔtɛ wo burɔ tele-wo-tele ka anuta wɔlɛ kɛ nyɔ.