Hiburunu 7:1 - ALLALA KUMƐ

¹ Mɛlikisidaki ye so-tigiyɛ le la Selam soe burɔ nun. A ye saraka-masɔlayɛ fanan na Alla ye, Alla Min Bi Fan Bɛɛ Kun Na, kɔni. Ma benba Iburayima bɔnɛ mansɛ doinu nɔ tinɛ kɛlɛ rɔ, anubɛ Mɛlikisidaki bɛnta kilɛ la. Ale Mɛlikisidaki duwara Iburayima ye.

Hiburunu 7:1 ပူးပေါင်းရင်းမြစ်များ

Yaburi 57:2

Alla Min Bi Fan Bɛɛ Kun Na, n ba wo rakele, ado a ye n makoe bɛɛ nyinyala,

Yaburi 76:2

Bɔn ye a bolo Yerusalɛm soe burɔ. A si a mayigi ala kɔnkɔ-sɛnimɛ kuma nyɔ le.

Yaburi 78:35

Anu ya anu miri a ma tun ko anuna kanannɛ le ale Alla la. Anu ya anu miri ko Alla Sɛnbɛ-Bɛɛ-Tigi le wara na anu dɛnbɛ.

Yaburi 78:56

Hali wo, anu murutiyara Alla Sɛnbɛ-Bɛɛ-Tigi ma ka don a kɔrɔbɔɛ rɔ. Anu ma ata tɔnnu bira mumɛ!

Daniyɛli 4:2

Alla Min Bi Fan Bɛɛ Kun Na, wo ara kabana-ko-siyaman yira n na. Wo ni wo tole masɔ. A di n ye, n ni wonu takaran wo ye.

Daniyɛli 5:18

“Alla Min Bi Fan Bɛɛ Kun Na, wo ya i fa Nɛbukanasa ma mansa-sɛnbɛ-tigi la. A ya a ma, mɔgɛnu ya a matɔgɔ ka a gbiliya.

Daniyɛli 5:21

Mɔgɛnu ya a gben anu kurun tɔ. A hɛnkili mara iko sogenutɛ. A tora tagamana sogenu fɛ binyɛ rɔ ka binyɛ dɔn iko ninki. A tora kila gbɛkole ma. Duri tora yigila a ma nyɔ. Kɔnɔ tɔ-a-la, a sɔnta ko Alla Min Bi Fan Bɛɛ Kun Na, wo le ye duninya-mansɛ-bɛɛ kun na. Min ba diya a ye, a si mansayɛ di le wo ma.

Maika 6:6

Isirɛla mɔgɛnu ya a fɔ anu nyɔgɛ ye ko, “Mari Alla min bi Arinyɛni tɔ, male si na nfen na ale ye a bato-tinɛ min si a hɛnɛ? Ni ma nara san kelen ninki-den-hakikɛnu na ka anu ma saraka-mintantɛnu na, wo si a bɔ?

Maraka 5:7

Yisa ya a fɔ nyinɛ wo ye ko, “Nyina-yogomɛ, bɔ kei kɛ fɛ!” A gbele-gbelenta a kulu-mayɛlɛnɛ la ko, “Alla min bi Fan Bɛɛ Kun Na, wola dan Yisa, i ye nyinina nfen ma n bolo? I keli ko i ti n tɔrɔ!”

Kɛwɔlɛnu 16:17

Wo bilara mabɛ Pɔli fɛ. A ye gbele-gbelenna ko, “Alla Min Bi Fan Bɛɛ Kun Na, wola wɔli-kɛlɛ le kɛnu na. Wo si kisi nya min, anu bi wo le fɔla wo ye!”

Hiburunu 6:20

Yisa ara ta ma yarɔ nyɔ malela ko la. A ara ma saraka-masɔla-kun-tigi-wɛ la habadan iko Mɛlikisidaki.

Hiburunu 7:2

Iburayima ya nɔnfuli min bɛɛ sɔrɔn kɛlɛ rɔ, a ya wo bɛɛ yaka bɔ ka a di ale so-tigi ma. (Mɛlikisidaki tɔgɔ-kɔrɛ le, “Mansa Latelennɛ.” Ado nfan, Selam soe tɔgɔ-kɔrɛ le, “Yisi Kimɛ,” woletɔ ale so-tigi le “Yisi Kima Mansɛ” la.)

Hiburunu 7:3

Ale Mɛlikisidaki kɛ, fenfen sɛbɛni ma Allala kitabu rɔ a fa anubɛ a nala ko la anubɛ a bɔnsɔn wara-koe rɔ. A sɔrɔn-koe anubɛ a faga-koe fanan ma sɛbɛ. A mani de iko Allala dan bawo a tonɛ saraka-masɔlayɛ la habadan!

Hiburunu 7:6

Mɛlikisidaki kɛ, Lifayi bɔnsɔn ma nun kɔnɔ a ya yaka bira Iburayima bolo. Ale Iburayima min ya Allala lanyiri sɔrɔn, ale Mɛlikisidaki duwara wo ye.