Hiburunu 6:8 - ALLALA KUMƐ

⁸ Kɔnɔ ni wɔnɛ anubɛ binyɛ gbansan wulita a rɔ, a ti ko-wo-ko nyinya mɔgɔ ma. Tumado lunyɛ do, Alla si a danka, ado tɛ si a halaki.

Hiburunu 6:8 ပူးပေါင်းရင်းမြစ်များ

Ko-Dabirɛnu 4:11

Ile min bara i dɔgɛ faga, i si dankɛ sɔrɔn ka tenbi dugi wo la min bara a dɛ laka ka i dɔgɛ yele lakunu i bolo, ado i ti tɔnɔ sɔrɔn dugi rɔ tun.

Ko-Dabirɛnu 5:29

A ya a tɔgɔ sa Nowa bawo tɔgɛ wo kɔrɛ le iko mɔgɛ wa a fɔ ko, “Lafɛrɛ.” A ko, “Mari ara dugu-kole min danka, Nowa kɛ si na lafɛrɛ la ma ye mala wɔlɛla ko la.”

2 Samuwɛli 23:7

Fɔ nɛgɛ, ni wo ma, tanbɛ, anu si anu madɛn wonu denu na ka anu mintan gburr!”

Yobu 31:40

yanni fui-fan ni fɛrɛn wɔli-kɛ-tinɛ wo rɔ, alamɛ wɔnɛ anubɛ binyɛ le fɛrɛnta nyɔ rɔ. Yobu ya ata kumɛ laban nya min, wo le kɛ la.

Aiseya 27:4

A fondo-magboyani ma sundi wola ko la tun. Ni wɔnɛnu si taran nyɔ a si minnu kɛlɛ, fɔ a wa anu mintan gbur!

Yɛrɛmaya 17:6

Mɔgɛ wo mani de iko fan min kinɛ dugu-ragbalanɛ rɔ, ado a ye kan min, mɔgɛ ti ke sigila nyɔ. Nyɔ kaliyanɛ kodokodo, ado dugu-karakasɛ le. Alla ye ko-nyimɛ minnu niyi la, ale ti wo nya-yen.

Yɛrɛmaya 44:22

Bi, wola nyamanɛ ye tonbonyɛ le la gbɛ! Mɔgɔ sigini sa a rɔ. Mɔgɛnu ba nyɔ yen, anu si anu bole sa anu dɛ la ka kawa. Anu si wo tɔgɛ ma dankali-kɛ-fan la bawo Mari ti ke a munyuna wola karagbɛlɛya-koe kɛnu kɔrɔ muk!

Isikiyɛli 20:47

A fɔ dugula gbɔngbɔn ye ko a ni a tole masɔ a Tigi Mari kan la. Nde si tɛ tugu a la. Tɛ si kɔlɔma bɛɛ mintan, a kuran wo, a gbalanɛ wo. Mɔgɔ-wo-mɔgɔ ti ke tɛ kɛ ladufenna. Tɛ wo si ta gbɔngbɔn mintanna ka bɔ dugi la ha ka ke kan tɔ. Wo wuyan si ke bɛɛ ma.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 3:10

Yende kɔrɔ ara bi ka kɔlɔma-kurinu tɛgɛ anu sulinu tɔ. Kɔlɔma min gbɔɛ ma di, a bɛnta, a ni tɛgɛ ka a lakɛ tɛ rɔ.

Matiyu 7:19

Kɔlɔma minna gbɔɛ ti mɔgɛ munanfaga, wo kuri si tɛgɛ ka a lakɛ tɛ rɔ.

Maraka 11:14

Yisa ya a fɔ toro-kuri ye ko, “Mɔgɔ-wo-mɔgɔ ti i gbɔɛ dɔn tun!” Ala karan-dannu ya a kuman-kan wo lamɔɛn.

Maraka 11:21

Min kera nun, Pita ya a hɛnkili to wo ko. A ya a fɔ Yisa ye ko, “Karan-mɔgɔ, i ya toro-kuri min danka, wo mafɛlɛn, a la ara gbala feu!”

Yɔni 15:6

Minnu ti to nde rɔ, n Fa Alla si wonu nakɛ a rɔ iko mɔgɛ si kɔlɔma-bolon-gbalɛnu nadɛn nya min. Anu si to gbalala. Mɔgɛnu si bolɔn wonu nadɛn ka anu nakɛ tɛ rɔ anu si mintan kan min.

Tɔn-Fɔɛ-Fila-Nyɔgɛ 29:28

Marita fondo-belebele bɔra anu kuma ka anu wurun ka anu nabui nyamani-gbɛrɛnu tɔ fugbu! Anu bi nyɔ ha bi.’

Hiburunu 10:27

Min bara to Alla yogenu ye gbɛ, fɔ ka kilan ale la min si na kiti anubɛ ta-belebele la anu halaki tinɛ!

Hiburunu 12:17

A banta wo mala tumɛ min, a ye nyinina a fa ni duwa a ye kɔnɔ a fa ma sɔn. A ara min ma nun, fɛrɛ sa a ye ka wo yɛlɛma tun. Hali a ya-yi bɔra biribiri, a ti ke wo sɔrɔnna tun.

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.