Hiburunu 6:12 - ALLALA KUMƐ

¹² A ma di ma ye, wo ni ma tinya-mansɛ la. Kɔnɔ wo ni ma iko Alla ara lanyiri kiri minnu ye. Anu si anutɛ sɔrɔn dɛnkɛninyɛ anubɛ munyu fɛ.

Hiburunu 6:12 ပူးပေါင်းရင်းမြစ်များ

Hɛnkilimaya-Kumɛnu 12:24

Mɔgɛ min sɛbɛ wɔlɛ ma, wo si sɛnbɛ sɔrɔn mɔgɛnu tɛma kɔnɔ tinya-mansayɛ si mɔgɛ ma yɔɔn la.

Hɛnkilimaya-Kumɛnu 13:4

Fan-sɔgɛ ya tinya-mansɛ bira nya-wo-nya, a ti a sɔrɔn kɔnɔ sɛbɛ-donnɛ nyinita fenfen ma, a si wo sɔrɔn.

Hɛnkilimaya-Kumɛnu 15:19

Tinya-mansɛ ye tala kila-wo-kila fɛ, a si a fɔ ko wɔnɛnu bi kilɛ wo la kɔnɔ mɔgɔ-latelennɛ ye tala kan-bo-kan, wola kilɛ lakani de a yala fagba!

Hɛnkilimaya-Kumɛnu 18:9

Mɔgɛ min ti wɔlɛ kɛ a kin na, wonubɛ kasarante rakɛn de!

Hɛnkilimaya-Kumɛnu 2:20

Woletɔ nna dan, ile ni bila mɔgɔ-nyimɛnuta kilɛ fɛ ka telenbagayɛ kɛ.

Hɛnkilimaya-Kumɛnu 26:14

Wo fanan si to a mayɛlɛma-yɛlɛmana ala sa-fan rɔ iko kankan min na ye kala, a la ye togonna.

Hɛnkilimaya-Kumɛnu 28:10

Mɔgɛ min bi mɔgɔ-latelennɛ labuila hakɛ rɔ, wo tigi si bira a nyɛrɛta gbɛrɛ-lasiginɛ la. Kɔnɔ fɛɛ sa mɔgɛ min na, wo si sabati.

Keninteya-Siginu 1:8

Ile min kin musi bɛɛ ko, ni i ma kan tinɛ wo lɔn, bila sagɛnu kin-gbɛ fɛ dɔrɔn. I ni ila baa-dannu de-nyini saga-kandannɛnuna fani-bɔnnu dafɛ.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Matiyu 22:32

Iburayimata Alla le ale la anubɛ Isiyakata Alla anubɛ Yakobata Alla. Wo kɔrɛ le ko mɔgɔ-nimɛnuta Alla le ale la, furinuta ma.”

Matiyu 25:26

“A tigi ko, ‘Ile, wɔli-kɛla-fuyi! Tinya-mansa-yogomɛ! Ile yala, n bi min tɛgɛla, mɔgɔ-gbɛrɛ le ya wo fui, nyɛ? N ma sugi ki kan min, n bi a gbɔɛ kerila nyɔ, nyɛ?

Luka 16:22

“Bolo-kolɔn wo fagara. Melikanu tara a la Iburayima tɔgɔfɛ Arinyɛni tɔ. Nɔnfulu-tigi fanan fagara. Anu ya a togon.

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Romu 12:11

Wo ni wola wɔlɛ kɛ bɛrɛkɛ! Mɔgɔ kana tinya-mansayɛ kɛ. Wo ni wɔli Mari ye wo yisi bɛɛ la sewɛ rɔ.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Romu 4:12

Minnu kemininyanɛ, wonu fanan benba le ale Iburayima la kɔnɔ ka a tɛgɛ anuna kemininyɛ, wo ma. Iburayima mara anu benba la bawo yanni a ni keminiya tumɛ min, a ye dɛnkɛninyɛ min tɔ nun, anu denu fanan taranta dɛnkɛninya kelan wo rɔ.

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

2 Tɛsalonaika 1:4

Wo le ya a to, ma ye wo matɔgɔla Allala chɔchi doinu na ka a tɛgɛ wola munyɛ ma. Wola nyagbɛ wo bɛɛ rɔ, wola dɛnkɛninyɛ ma dasa hali kelen.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 11:33

Anuna dɛnkɛninyɛ fɛ, wonu ya nyamanɛnu kɛlɛ ka anu nɔ. Alla ya lanyiri kiri minna ko la anu ye, anu ya ko-latelennɛ kɛ ka wonu sɔrɔn Alla bolo. Dɛnkɛninyɛ fɛ, Alla ya yarɛnu dɛ latogon.

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Hiburunu 13:7

Wola kun-tigi-fɔlɔtɛ minnu ya wo karan Allala kumɛ la, wo ni wo hɛnkili to wonu ko. Wonu manɛ nya min ha anu fagara, wo ni wo miri wonu ma ka wo sanka anuna dɛnkɛninyɛ ma.

Hiburunu 5:11

Ko-siyaman bi ma bolo ka a fɔ wo ye ka a bɛn Yisata saraka-masɔlayɛ ma. Kɔnɔ a faranfasi-koe gbɛlɛ wo ye bawo wo ti ke ko nya-yenna tiriya!

Hiburunu 6:15

Iburayima ya a munyu lanyiri wo kɔrɔ. Woletɔ Alla ya lanyiri min kiri, a ya wo sɔrɔn.

Yemesi 1:3

Wo ni a lɔn ko anu ba wo kɔrɔbɔ wola dɛnkɛninyɛla ko la tumɛ min, wo si a ma, wo ni wo munyu.

2 Pita 1:10

Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!

1 Yɔni 2:25

Kirasiti nyɛrɛ ya lanyiri min kiri ma ye, wo le kɛ la. A ko a si habadan-nimayɛ di ma ma.

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)