Hiburunu 5:9 - ALLALA KUMƐ

⁹ ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

Hiburunu 5:9 ပူးပေါင်းရင်းမြစ်များ

Yaburi 45:17

Nna bɛti kɛ si a ma, ila mansaya-mankan ni to koloyala burubukai! Mɔgɛ bɛɛ si to i matɔgɔla habadan!

Yaburi 51:6

Kɔnɔ ile ye nyinina min ma n yisi rɔ fɔ ko-latelennɛ anubɛ tonyɛ dɔrɔn. I ni n sɔndɔmɛ lafa ita hɛnkilimayɛ la.

Yaburi 51:8

Nyagalan anubɛ sewɛ lana n yisi rɔ tun. Hali i wara n tatɛrɛgbɛn, n si sewa i bolo tun, yɔ!

Aiseya 45:22

A ko wole duninyarɔ-mɔgɛnu, wo ni wo ya-lamunun a la, a ni wo kisi. A ko ale kelen pe le ye Allayɛ la.

Aiseya 49:6

Mari ara a fɔ n ye ko, wɔli-belebele ye nde, ata wɔli-kɛlɛla ko la. Isirɛla mɔgɛ toe minnu tonɛ, a si wonu nasɛgi anuta gbiliyɛ rɔ kɔnɔ min kolo wo ko, a ko anu si ma waan la sibolenu ye alako duninya mumɛ la ni kisi.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Sakaraya 6:15

A ko minnu bi wula-yan la pon, wonu si na wo dɛnbɛ Mari Bato-Bon-sɔɛ la. A ko Bato-Bɔn kun ba don tumɛ min, wo ye a lɔnna wo le ma ko Mari Sɛnbɛ-Bɛɛ-Tigi ya nde, Sakaraya sɔ wo ma. Kɛnu si ma, ni wo ya wota Mari Alla kan to a gbɛ rɔ.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Luka 13:32

Yisa ya anu yabi ko, “Wo ta a fɔ suluki wo ye ko, ‘Bi anubɛ sina, n bi nyinɛnu gbenna ka mɔgɛnu dandan. A tele sawa nyɔgɔn, n si ban nna wɔlɛ la.’

Yɔni 19:30

Yisa ya gbɛɛ wo min nya min, a ko, “Koe bɛɛ ara ban!” A ya a salɛ layigi ka a niyi latenbi a Fa ma.

Kɛwɔlɛnu 3:15

Ale min bi ni-bɛrɛ dila mɔgɛnu ma, wole ya wo faga kɔnɔ Alla le ya a lawuli ka bɔ furinu tɛma. Ata sereyɛ le male la.

Kɛwɔlɛnu 4:12

ado Alla ara tɔgɔ kelen pe min di mɔgɛnu ma anu si kisi min fɛ, wo tɔgɔ-gbɛrɛ sa duninya rɔ fɔ ale Yisa tɔgɔ kelen pe.”

Kɛwɔlɛnu 5:32

Koe kɛnu sereyɛ le male la. Alla ara ata Ni-Sɛnimɛ di ata kuma-biralɛnu ma.”

Romu 1:5

Alla ara fɛrɛ di nde, Pɔli ma Yisa baraka rɔ ko n ni ma ata kilayɛ la. A ya wo ma alako sibole bɛɛ ni la ale Yisa la ka ala kumɛ bira.

Romu 10:16

Kɔnɔ bɛɛ ma kibara-nyimɛ bira. Nɛbi Aiseya nyɛrɛ ya a fɔ ko, “Mari, yon bara la mala sarakanɛ la?”

Romu 15:18

N sa kuma-gbɛrɛkɛ fɔla fɔ Kirasiti ya min ke nde warala dɔrɔn. Sibolo-gbɛrɛnu bara Allala kumɛ bira ka a tɛgɛ nde, Pɔlila kawandilɛ anubɛ n kɛ-nya ma.

Romu 2:8

Kɔnɔ donu si anu nyɛrɛ keni dɔrɔn ka anu ban ko-telennɛ-kɛ-koe ma. Koe minnu ma telen, anu bilanɛ wonu denu fɛ. Alla si ala diminyɛ anubɛ ala mɔninyɛ rawuya wonu kuma.

Romu 6:17

Fɔlɔ-nun, wo ye yɔɔnyɛ rɔ hakɛ kɔrɔ kɔnɔ kaka, ma si Alla tanto! Wo ara karan min sɔrɔn Alla wara-koe rɔ, wo ye wo birala wo yisi bɛɛ la.

2 Kɔrɛnti 10:5

anubɛ anu wasinɛ fan min bɛɛ la, minnu si a ma, mɔgɔ kana na Alla lɔn, ma ye wonu kasarala le pɔ! Ma ye kɛlɛ-kɛ-fan wonu nawɔlila ka miriya bɛɛ ladon Kirasitita marɛ kɔrɔ alako anu ni ala kumɛ bira nya min.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

2 Tɛsalonaika 2:16

Alamɛ ma Mari Yisa, Allata-Mɔgɔ-Yabɔnɛ-nyɛrɛ anubɛ ma Fa Alla ya wo sɛnbɛ don. Alla ya ma keni ka habadan-yisi-kimɛ anubɛ yigi-nyimɛ di ma ma ala hinɛ le tɔ.

2 Timoti 2:10

Wo le ya a to, n bi n muinna koe bɛɛ kɔrɔ Allata mɔgɔ-yabɔnɛnuna ko la. Yisa Kirasiti ni anu fanan kisi alako anu ni sigi Alla fɛ habadan-gbiliyɛ rɔ nya min.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Hiburunu 11:40

bawo Alla ara a latɛgɛ ma ye nun ko ka ko-nyima-nyimɛ rabɛn male ye min tenbira wo la. Alla ye a fɛ, mabɛ wonu ni kanbali ma nyɔgɔn fɛ.

Hiburunu 11:8

Dɛnkɛninyɛ le fɛ, Iburayima ya Allata kumɛ bira ka ta nyamani-gbɛrɛ rɔ, Alla ya lanyiri kiri minna ko la ko a si wo di a ma. A yirindira ka bɔ a nyɛrɛta nyamanɛ rɔ, hali a ma a lɔn a ye tala kan min.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 2:10

Alla min bi dali-mansɛ la, a bɛnta ko a ni Yisa lakanbali tɔrɔyɛ fɛ. A ya wo ma alako Allata den siyamɛnu si ata gbiliyɛ sɔrɔn a fɛ nya min, ado Yisa le sɔra anu yarɔ anu kisi-koe la.

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.

Hiburunu 9:12

Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 1:22

Nba, wo nyɛrɛta sɛninyɛ kɛra tonya-birɛ le fɛ. Keninteya-bɛrɛ ye wo yisi rɔ wo ta-nyɔgɛ dɛnkɛninya-mɔgɛnu ye. Wo ni to wo nyɔgɔn kenina bɛrɛkɛ wo yisi bɛɛ la.

1 Yɔni 5:20

Min tugunnɛ wo la, ma ya a lɔn ko Allala dan ara na nun, ado a ara hɛnkili di ma ma alako ma ni Alla-bɛrɛ lɔn. Wo ara a yira ko mabɛ Alla anubɛ ala den Yisa Kirasiti min bi Allayɛ la, ma ara tugun ma nyɔgɔn na ka to ko kelen tɔ. Habadan-nimayɛ le ale la fanan.

Yude 1:21

Wo ni to Allala keninteyɛ rɔ. Wo ye ma Mari Yisa, Allata-Mɔgɔ-Yabɔnɛ makɔnɔna alako a ni habadan-nimayɛ di wo ma ala kinikini-wɛ fɛ.