Hiburunu 5:2 - ALLALA KUMƐ

² Nba, saraka-masɔlɛ-yisi rafaganɛ nya siyaman ma min kɛ, a si ke ka dinyɛ yira a hadama-den-nyɔgɛnu na. Anu hɛnkili sa, ado anu si sama iko ale.

Hiburunu 5:2 ပူးပေါင်းရင်းမြစ်များ

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Aiseya 29:24

Kun-takolɔnnu si wuli ko-nya-yenna. Min bi gbunyala karan kɔrɔ, wonu si sewa karan la.

Aiseya 30:11

I bɔ ma lagbaranna. Ma sa nyinina ita Isirɛla mɔgɛnuta Alla-sɛnimɛ wara-koe ma.”

Luka 22:32

Kɔnɔ Saimon, n bara Alla madiya ile ye ko ila dɛnkɛninyɛ kana ban. I wa sɛgi nde ma tumɛ min, i ni i na-kelen-nyɔgɛnu sɛnbɛ don.”

2 Kɔrɛnti 11:30

Ni fɔ n ba n nyɛrɛ matɔgɔ le, n si n nyɛrɛ matɔgɔ wo koenu tɔ minnu si nna sɛnbɛbɔninyɛ yira.

2 Kɔrɛnti 12:5

Woletɔ n si n nyɛrɛ matɔgɔ mɔgɛ wo rɔ kɔnɔ n ti matɔgɔlɛ kɛ n nyɛrɛla ko la. Koe minnu si nna sɛnbɛbɔninyɛ yira, n si n nyɛrɛ matɔgɔ wonu tɔ.

Kalesiya 4:13

N ya kawandili bɔ wo ye a fɔlɔtɛ rɔ, wo ma ko-yogoma ma n na nun. Wo ya a lɔn ko nna kirayɛ le ya a ma, n tara wo tɛma.

Ɛfɛsa 4:18

Anu hɛnkili ye pinpi rɔ. Alla ye nimayɛ min dila male ma, anuta fenfen sa wo rɔ bawo anu ma ko-wo-ko nya-yen anuna yisi-gbɛlɛyɛ bolo.

1 Timoti 1:13

N bara kuma-yogomɛ fɔ Alla ma nun ka ala mɔgɛnu kɛlɛ hali ka wunduyogoyɛ sigi anu na. Kɔnɔ Alla kinikinita n ma bawo n ya wo bɛɛ kɛ dɛnkɛninyabɛlitayɛ le tɔ. N bi min kɛla nun, n ma wo lɔn.

Hiburunu 12:13

Wo ni tagama kila-latelennɛnu fɛ, woletɔ minnu kian ra ma gbɛlɛ, wonu kana bui, ado anu kiannu ta si gbɛlɛya.

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

Hiburunu 2:18

Nba, minnu bi magbɛrɛnkɛ rɔ kaka, a si ke wonu dɛnbɛna bawo a nyɛrɛ magbɛrɛnkɛnta ka tɔrɔ.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

Hiburunu 7:28

Alla ya tɔn min di Nɛbi Musa ma, wo ya mɔgɛnu yatɔnbɔn alako anu ni ma saraka-masɔla-kun-tigi-wɛnu na hali anu ma telen wo nya. Kɔnɔ Allata kelili sanɛ lanyiri min kuma, wo nara Nɛbi Musala tɔn kɔma le. Wo ye ata dan le yabɔla min si Allata ko-latɛgɛnɛ kanbali habadan!

Hiburunu 9:7

Kɔnɔ fɔ saraka-masɔla-kun-tigi-wɛ kelen pe, wo le si don fani-bon-burɔtɛ wo burɔ, ado a si don nyɔ iko kelen pe san kɔrɔ. A tenbi donna fɔ a ni don saraka-yele la a bolo. Mɔgɛnu ma hakɛ minnu nawuli a ma, a ye yele wo bɔla Alla ye a nyɛrɛta hakɛla ko la anubɛ mɔgɛnutɛ.

Yemesi 5:19

N na-kelen-nyɔgɛnu, ni do samara wo tɛma ka tonyɛ boloka, ni mɔgɔ-gbɛrɛ ya a lasɛgi tonya-kilɛ ma tun,

1 Pita 2:25

Wo mani de nun iko sagɛ minnu tanɛ anu kun fɛ kɔnɔ wo ara sɛgi gbɛ kaka alako wo si bila Saga-Fɛ-Biralɛ fɛ nya min, wo niyi Kandannɛ, kɔni.

Kɛlɛ-Kurugbɛnu 2:17

Kɔnɔ hali wo, kɛlɛ-kurugbɛ wonu bɔrɔ ti taran Isirɛla mɔgɛnu ye. Isirɛla mɔgɛnu si to mala tolo-gbɛlɛnu na ka bila bɛsɛnu fɛ. Hali anu fa kɛmɔgɛnu taranta Marila kumɛ birala nun, a ti mɛ lefan anuna dannu si bɔ Marita kilɛ fɛ.