Hiburunu 4:4 - ALLALA KUMƐ

⁴ Sulen-Tele-koe wo sɛbɛnɛ Allata kitabu kan tinɛ do rɔ. A ko, “Alla ya a sulen ala wɔlɛ bɛɛ ma a tele wɔrɔnfila nyɔgɛ ma.”

Hiburunu 4:4 ပူးပေါင်းရင်းမြစ်များ

Bɔ-Koe-Iyipiti 20:11

Nde, Mari le ya san-kole dan anubɛ dugu-kole anubɛ kɔgɔ-yi anubɛ fan min bɛɛsi ye duninya rɔ. N ya wo bɛɛ dan tele wɔrɔ le kɔrɔ ka n sulen a tele wɔrɔnfila nyɔgɛ ma. Woletɔ nde, Mari ya nta duwɛ to a tele wɔrɔnfila nyɔgɛ ma ka a ma tele-sɛnimɛ la.

Bɔ-Koe-Iyipiti 31:17

Habadan-tamasere le kɛ la min bi mabɛ wole Isirɛla mɔgɛnu tɛma. Nde, Mari ya san-kole anubɛ dugu-kole dan tele wɔrɔ kɔrɔ. A tele wɔrɔnfila nyɔgɔn ma, n ya n sulen.”

Tɔn-Fɔɛ-Fila-Nyɔgɛ 5:14

A tele wɔrɔnfila nyɔgɛ si ma Sulen-Tele la Mari Alla ye. Wo kana wɔli-wo-wɔli kɛ wulɔn-tele ma. Wola dannu wo, wola yɔɔnnu wo, wola sundannu wo, hali wola kolo-fannu, wonu fenfen kana wɔlɛ kɛ. Min ya a to, a ya a fɔ wo ye ko wo ni wo sulen tele wo ma, a ko wo ni wo miri a ma ko wole fanan bi yɔɔnyɛ rɔ nun Iyipiti. Ale le ya wo labɔ nyɔ ata kabana-ko-sɛnbɛ la. Woletɔ wobɛ wola yɔɔnnu ni wo sulen wo tele nyɛrɛ ma fanan.

Hiburunu 2:6

Kɔnɔ iko a sɛbɛnɛ Allata kitabu kan tinɛ do rɔ nya min, a ko, “E, Alla, nfen bi hadama-dan la min bi a tola, i ye i mirila a ma? Nfenna gbu, i miriya ye kɛla mɔgɔni-finyɛ ma?

Hiburunu 4:10

Mɔgɔ-wo-mɔgɔ wa ata wɔli ban ka don Allata sulen tinɛ, wo si a sulen ala wɔlɛ ma iko Alla ya a sulen atɛ ma nya min.