Hiburunu 4:15 - ALLALA KUMƐ

¹⁵ ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

Hiburunu 4:15 ပူးပေါင်းရင်းမြစ်များ

Bɔ-Koe-Iyipiti 23:9

“Wo kana sundannu tɔrɔ kamasɔrɔn wo ya a lɔn sundanyɛ ye nya min. Wo ni a lɔn ko wole fanan bi sundanyɛ la Iyipiti nyamanɛ rɔ nun.

Aiseya 53:9

Anu ya a togon karagbɛlɛnu dafɛ. Anu ya a sa nɔnfulu-tigita kanbɛ rɔ. A ma karagbɛlɛya kɛ tele-kelen-bɛrɛni! Ado nfan, yanfanteya-kuma-wo-kuma sa a da rɔ.

Hoseya 11:8

“N si ile Isirɛla don bolo tɔ kama? N si wo boloka kama? N si wo kasara kama iko n ya a ma nya min Adima anubɛ Sebom soe la? N ti sɔn wo kasara-koe ma. Nta keninteyɛ da rakolo wo ye.

Matiyu 12:20

Fanka sa mɔgɛ min na, a ti tɔrɔya sa wo kuma. Yigi sa mɔgɛ min na, a ti wo yisi tinya. A si to ko-nyimɛ kɛla ha telenbagayɛ ni nɔlɛ kɛ.

Matiyu 4:1

Wo kɔma, Allala Ni-Sɛnimɛ tara Yisa la wulɛ rɔ a kɔrɔbɔ-koe la Setanɛ bolo.

Luka 22:28

“Wo ara to n fɛ nna kɔrɔbɔɛ bɛɛ kɔrɔ.

Luka 4:2

Tele bi-nani kɔrɔ, Setanɛ ya a magbɛrɛnkɛ nyɔ. Wati wo bɛɛ kɔrɔ, Yisa ma fenfen dɔn, woletɔ kɔnkɛ ya a bira bɛrɛkɛ!

Yɔni 8:46

Yon bi wo tɛma min si a lagbɛ ko n bara hakɛ kɛ? N bi tonyɛ fɔla wo ye min kɛ, nfenna wo ma la n na?

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

2 Kɔrɛnti 5:21

Kirasiti ma hakɛ-wo-hakɛ kɛ kɔnɔ Alla ya a bira iko hakɛ-tigi ma hakɛnuna ko la alako ma ni ma mɔgɔ-latelennɛ la Alla yala.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

Hiburunu 5:2

Nba, saraka-masɔlɛ-yisi rafaganɛ nya siyaman ma min kɛ, a si ke ka dinyɛ yira a hadama-den-nyɔgɛnu na. Anu hɛnkili sa, ado anu si sama iko ale.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 2:22

A ma hakɛ-wo-hakɛ kɛ! A ma foninya-wo-foninya fɔ mumɛ!

1 Yɔni 3:5

Iko wo ya a lɔn nya min, Kirasiti bɔra gbɛ rɔ alako a ni ma hakɛ bɔ ma ma, ado ale nyɛrɛ ma hakɛ kɛ mumɛ!