Hiburunu 4:11 - ALLALA KUMƐ

¹¹ Nba, ma ni ma raya worɔ alako ma ni sulen tinɛ wo masɔrɔn. Ma fenfen kana ma kuma-birabɛlɛ la iko anu denu ya a ma nya min. Wo le ya a ma, anu foora Allata sulen tinɛ la.

Hiburunu 4:11 ပူးပေါင်းရင်းမြစ်များ

Matiyu 11:12

Ka a dabira Yɔnila kawandili-bɔ-wati ma, ha ka a sigi bi tele nyɛrɛ la, karagbɛlɛnu bi anu tayala Allala mansayɛ kɛlɛla ka ala fanka bi anu nyɛrɛ ye fɔrɔsɛ la.

Matiyu 7:13

“Wo ni don da-dɔgɔmanɛ la bawo kilɛ min bi tala nyahanama rɔ, wo don-dɛ kolo. A tagama-ko ma gbɛlɛ, ado mɔgɔ siyaman bi tala wo le fɛ.

Luka 13:24

“Wo ni wo raya ka don da-dɔgɔmɛ la. N ni a fɔ wo ye, mɔgɔ siyaman si anu taya ka don kɔnɔ anu ti ke donna.

Luka 16:16

“Alla ya tɔn minnu di Musa ma wo, nɛbinu ya kɛdi minnu sɛbɛ wo, mɔgɛnu bi anu tole masɔla wonu na nun ha Yɔni-Batasi-Kɛlɛta wati ma. Kɔnɔ kebi wo tumɛ, mɔgɛnu bi anu tole masɔla Allata mansaya-kibara-nyimɛ la. Mɔgɛ bɛɛ ye a rayala ka don a rɔ.

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Kɛwɔlɛnu 26:19

“Woletɔ Mansa Agaripa, ko-rayirɛ min bɔra san-kole rɔ, n ma wo masɔsɔ.

Ɛfɛsa 2:2

Wo bilanɛ duninya kɛ kila-yogomɛnu fɛ wo wati le tɔ. Ni-yogo-sɛnbɛ-tigi min bi wola minɛ rɔ, wo ya wo leta kilɛ bira, ado ni-yogo kelan wo ye kun-tigiyɛ kɛla Allata kuma-birabɛlɛnu kun na kaka.

Ɛfɛsa 5:6

Wo kana sɔn, mɔgɔ ni wo bolo labira kun-takolonya-kumɛnu na. Allata diminyɛ si na wonu denu kuma minnu ti sɔn ata kumɛ birala.

Filipai 2:12

Woletɔ n na-kelen-nyɔgɛnu, iko wo ara nna kumɛ bira nya min, n bi wo fɛ nyɔ tumɛ min, wo ni a bira wo nya kaka gben, hali n sa wo fɛ nyɔ. Wo ni wo raya ko wola sɔn-nyimayɛ la ni kanbali kilan anubɛ yɛrɛyɛran rɔ.

Kɔlɔsi 3:6

Koe kɛnu bi a mala, Allala diminyɛ si na ala kuma-birabɛlɛnu kan ma.

Taita 1:16

Wonu si a fɔ ko anu ya Alla lɔn kɔnɔ anuna kɛwɔlɛnu bi wo masɔsɔla. Anu makisimiriyanɛ. Kuma-birabɛlɛnu denu bi tolon! Ko-nyima-kɛ ma bɛn anu ma mumɛ!

Taita 3:3

Fɔlɔ-nun, kuntan anubɛ kuma-birabɛlɛ anubɛ ko-yogoma-kɛlɛ le male la. Mɔgɛnu ya ma yanfa ko ma ni ma yɔɔnnu na fɛrɛ-nata anubɛ nyɛrɛ-diyana-ko-sufa-bɛɛ bolo. Ma ya mala wati bɛɛ tinya wunduyogoyɛ anubɛ keliyɛ rɔ. Ma gboyara mɔgɛnu ye, ado anu fanan gboyara ma ye.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

Hiburunu 3:18

Alla ya a keli tumɛ min ko kɛnu ti don nyamanɛ wo rɔ anu si anu sulen kan min, a ya wo fɔ yonnuna ko la nun? Minnu murutiyara a ma nun, a ya wo fɔ wonu denuna ko la.

Hiburunu 4:6

Minnu fɔlɔn ya kibara-nyimɛ lamɔɛn, wonu ma anu sulen tinɛ sɔrɔn bawo anu ma dɛnkɛninya Alla ma. Kɔnɔ donu bi nyɔ minnu si sulen tinɛ sɔrɔn, yɔ!

Hiburunu 6:11

Fananta wo ye wo niyi la, ma ye a fɛ, wo kelen-kelennamɛ-bɛɛ ni to wo rayala dɛɛ. Woletɔ wo yigi ye fan min bɛɛ kuma, wo si wonu sɔrɔn.

Yasowa 7:3

anu nara ka anu dantɛgɛ Yasowa ye ko, “Hali i ma mɔgɔ-siyaman nata. Ni i ya mɔgɔ waga fila, ni wo ma, sawa nyɔgɔn nata, wonu si soe wo nɔ. Nyɔ-mɔgɛnu ma siya.”

2 Pita 2:6

Alla ya Sɔdɔm anubɛ Kɔmɔra soenu kiti ka anu halaki tɛ la. A ya anu ma misalɛ la min si ma ko-yogoma-kɛlɛnu na ka wo yira anu na yarɔ.