Hiburunu 3:8 - ALLALA KUMƐ

⁸ wo kana ma tengberannu na iko wo benbanu murutiyara n ma nya min. Anu ya n kɔrɔbɔ wulɛ rɔ nya min, wo kana wo yisi gbɛlɛya wo nya na tun.

Hiburunu 3:8 ပူးပေါင်းရင်းမြစ်များ

2 Mansɛnu 17:14

Kɔnɔ hali wo, Isirɛla mɔgɛnu ma sɔn Marita kumɛ tola a gbɛ rɔ. Anu tole gberenɛ iko anu benbanu bawo wonu ma la anuta Mari Alla la.

2 Ko-Kɔrɔta-Karan 30:8

Wo kana wo tole gbere iko anu denu. Wo ni Marita kumɛ bira. Wo na Marita Bon-sɛnimɛ la Yerusalɛm soe burɔ, wota Mari Alla ara min ma kan-tina-sɛnimɛ la, kɔni. Wo ni to Mari batola, woletɔ a ti to diminyala wo ma.

2 Ko-Kɔrɔta-Karan 36:13

Babilɔn mansɛ ya a ma, a ni a keli Alla tɔgɛ rɔ ko Yuda Mansa Sɛdɛkaya ni to a fɛ. Kɔnɔ ale Mansa Sɛdɛkaya murutiyara Babilɔn Mansa Nɛbukanasa ma. Wo kɔma, a ya a ban bila-koe ma Isirɛlata Mari Alla fɛ.

Nihɛmaya 9:16

Kɔnɔ ma benbanu mara wasintenu anubɛ tolo-gberenu na. Anu ya anu ban ita kumɛnu bira-koe ma.

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 106:14

Mɛyɛ ya anu bira wula-da-rakolɔn rɔ dɔgɔma-ma-de ha anu ya Alla kɔrɔbɔ.

Yaburi 78:18

Anu ya a lawuli a ma ka Alla kɔrɔbɔ alako anu si anu nyɛrɛ diyana-dɔn-fan sɔrɔn nya min.

Yaburi 78:56

Hali wo, anu murutiyara Alla Sɛnbɛ-Bɛɛ-Tigi ma ka don a kɔrɔbɔɛ rɔ. Anu ma ata tɔnnu bira mumɛ!

Yaburi 95:8

A ko wo kana ma tengberannu na iko wo benbanu mara nya min Sɔnkɔ-Sɔnkɔ-Tenke dafɛ, iko anu ya a ma nya min fanan Kɔrɔbɔ tinɛ wula-da-rakolɔn rɔ.

Bɔ-Koe-Iyipiti 17:7

Isirɛla mɔgɛnu ya gbunya-kumɛ dabira Mari ma a kɔrɔbɔ-koe la min kɛ alako ka a lɔn ni Mari ye anu tɛma, ka, ni a sa anu tɛma. Woletɔ a ya kan tinɛ wo tɔgɔ sa Kɔrɔbɔ Tinɛ anubɛ Sɔnkɔ-Sɔnkɔya.

Bɔ-Koe-Iyipiti 8:15

Kɔnɔ ale mansɛ ya a yen nkɛkuna, tɔrɔyɛ ara bɔ a kuma, a ya a yisi gbɛlɛya tun gbon! Mari kuman-kan bɔra-a-la iko a ya a fɔ nya min. A ma sɔn anuna kumɛ birala. (3) Muruntu-mɛrɛntɛnu Bara-Koe

Hɛnkilimaya-Kumɛnu 28:14

Mɔgɛ min bi tola Mari gbiliyala, wo tigi si sewa. Kɔnɔ min bi tola a yisi gbɛlɛyala, wo tigi si tinya pɔ!

Hɛnkilimaya-Kumɛnu 29:1

Mɔgɛ min ti sɔn a sɔn-boloka-koe ma hali anu bi a makawandila, mɔgɛ wo dɛnbɛn-kila ti taran, ado a si tinya pɔ!

Yɛrɛmaya 7:26

Kɔnɔ a ko wo benbanu ma sɔn anu tole masɔla nɛbi wonu na ka anu kuman-kan bira. Kɔnɔ wole karagbɛlɛ ka tenbi wo benbanu na.

Daniyɛli 5:20

Kɔnɔ bawo a wasira ka ma tolo-gbɛlɛ anubɛ wunduyoge la, woletɔ Alla ya a bɔ ata sɔ tinɛ rɔ. A foora ala gbiliyɛ dama la.

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Matiyu 13:15

Fan do ara sa mɔgɛnu miriya ya ma. Anu bara anu tole gbere. Anu bara fan sa anu yɛ ma alako anu kana na ko ragbɛ anu yɛ la. Anu kana ko lamɔɛn anu tole la. Anu kana ko nya-yen anu hɛnkili la. Ni wonu ma ma nun, anu si anu ya-lamunun nde, Mari la anu nakɛndɛya-koe la.’

Kɛwɔlɛnu 19:9

Kɔnɔ anu donu yisi gbɛlɛyanɛ. Anu ma sɔn dɛnkɛninya-koe ma. Anu ya Marita kilɛ lafɛya nyama bɛɛ yala. Woletɔ Pɔli bɔra anu fɛ ka ta Marita mɔgɛnu na a bolo Tairanala karan-bɔn la. Tele-wo-tele, a ye anu makawandila nyɔ nun.

Kɛwɔlɛnu 7:36

A ya mɔgɛnu nabɔ Iyipiti nyamanɛ rɔ ka tamaserenu anubɛ kabana-koenu kɛ Iyipiti anubɛ Kɔgɔ-Yi-Wulan dafɛ. San bi-nani kɔrɔ, a ya ko-makawanɛ kɛ anu ye wula-da-rakolɔn rɔ.

1 Kɔrɛnti 10:9

Ma kana Mari kɔrɔbɔ wona iko wo do ya a ma nya min, ha duguma-fannu ya anu faga.

Tɔn-Fɔɛ-Fila-Nyɔgɛ 6:16

“Wo kana wota Mari Alla kɔrɔbɔ iko wo ya a ma nya min Kɔrɔbɔ-Tinɛ wulɔn.

1 Samuwɛli 6:6

Nfenna wo ye wo yisi gbɛlɛyala iko Iyipiti kɛnu anubɛ anuna mansɛ ya a ma nya min fɔlɔ nun? Iko wo ya a lɔn nya min, Alla ya anu bolo labira ha Isirɛla mɔgɛnu ya anu sɔrɔn anu na.