Hiburunu 3:5 - ALLALA KUMƐ

⁵ Nɛbi Musa le wɔli-kɛlɛ wo la min wɔlita Allata mɔgɛnu tɛma a kilɛ fɛ. Alla ye nala min fɔla ma ye yarɔ, ale Musa mara wo misalɛ la.

Hiburunu 3:5 ပူးပေါင်းရင်းမြစ်များ

Nihɛmaya 9:14

Anu si ila Sulen-Tele bira nya min ka a gbiliya, i ya anu karan wo la. I ya ila tɔnnu don ila wɔli-kɛla Nɛbi Musa bolo ka anu karan wo la.

Yaburi 105:26

Wo kɔma, a ya ala wɔli-kɛlɛ Musa lata anubɛ Aruna, a ya min yabɔ, kɔni.

Bɔ-Koe-Iyipiti 14:31

Mari ya ko-makawanɛ minnu kɛ Iyipiti kɛnu na, Isirɛla mɔgɛnu ya wo yen anu nyɛrɛ yɛ la ka kawa ata kabana-koe wonu ma. Anu kilanta Mari la ka a gbiliya. Wo le ya a ma, anu dɛnkɛninyara Mari ma ka la ata wɔli-kɛlɛ Musa la.

Bɔ-Koe-Iyipiti 40:16

Musa ya wo bɛɛ ma iko Mari ya a fɔ a ye nya min.

Yilan-Yilan Koe 12:7

Kɔnɔ nta lanaya-mɔgɛ le Musa la, woletɔ n ya a sigi Isirɛla mɔgɛ bɛɛsi kun na.

Matiyu 24:45

“Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi ara a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Matiyu 25:21

“A tigi ko, ‘Wɔli-kɛla-nyimɛ, lanaya-mɔgɛ, i wara ko-nyimɛ kɛ! I wara lanayɛ kɛ ko-dɔgɔmanɛ rɔ, woletɔ n si a kinama-wɛ don i bolo. I ni don, ma ni sewa ma nyɔgɔn fɛ!’

Luka 12:42

Mari ya a yabi ko, “Wɔli-kɛla-latelennɛ anubɛ hɛnkilimɛ ye yon na wo tɛma? Ale le wo la, min tigi si a sigi wɔli-kɛlɛnu kun na alako a ni anuna dɔn-fan di anu ma a wati-bɛnnɛ rɔ.

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Luka 24:44

Wo kɔma, a ya a fɔ anu ye ko, “N bi wo fɛ tumɛ min nun, n ya koe kɛnu fɔ wo ye nun. Koe min bɛɛ sɛbɛnɛ ndela ko la Nɛbi Musala tɔn rɔ anubɛ nɛbinuna kitabunu tɔ anubɛ Yaburi kitabu rɔ, fɔ wonu ni bɔ-a-la.”

Yɔni 5:39

Wo ye Allata kitabu karanna bawo wo miri ko wo si habadan-nimayɛ sɔrɔn wo rɔ. Kitabu wo ye sereyɛ bɔla n ye fanan!

Kɛwɔlɛnu 28:23

Woletɔ anu ya wati do latɛgɛ Pɔli ye. Pɔli yiyanɛ kan min, anu siyaman nara nyɔ wo tele rɔ. Ka a dabira sɔgɔ ma ha wurɛ la, a ya Allala mansayɛ faranfasi anu ye ka anu kawandi wola ko la. Pɔli ya Musata tɔn karan anubɛ Alla ya min fɔ nɛbinu ye alako mɔgɛnu si dɛnkɛninya Yisa ma nya min.

Kɛwɔlɛnu 7:37

Ale Musa le wo la min ya a fɔ Isirɛla mɔgɛnu ye ko Alla si nɛbi do lana anu ma iko a ya ale lana nya min, ado a si nɛbi wo yabɔ anu denuta mɔgɛnu tɛma.

Romu 3:21

Kɔnɔ kaka, Alla si mɔgɔ latelen a nyɛrɛ ye nya min, wo ti ma tɔn-birɛ fɛ mumɛ! Mɔgɛ si telen Alla ye nya min, Nɛbi Musala tɔn-kitabu anubɛ nɛbinuta kitabunu ya wo ragbɛ ma ye.

1 Kɔrɛnti 4:2

ado fan kerifanɛ min na, a bɛnta, wo ni lanayɛ kɛ a tigi ye.

Tɔn-Fɔɛ-Fila-Nyɔgɛ 3:24

‘Allatala, n ya a lɔn ko i ye ko-nyimɛ minnu kɛla ma ye yarɔma, i wara a fɔlɔtɛ yira n na ita kabana-koe fɛ kaka. Alla-gbɛrɛkɛ sa san-kole anubɛ dugu-kole ma min si ke kabana-koe ladanna iko ile.

Tɔn-Fɔɛ-Fila-Nyɔgɛ 34:5

Wo kɔma, Marita wɔli-kɛlɛ Musa fagara Mohabu nyamanɛ rɔ nyɔ iko Mari ya a fɔ nya min.

1 Timoti 1:12

N bi baraka birala ma Mari Yisa, Allata-Mɔgɔ-Yabɔnɛ ye min bara sɛnbɛ di n ma ata wɔlɛla ko la. N bi baraka birala a ye bawo a ara a miri nde ma ko n bɛnnɛ ka ata wɔlɛ kɛ katarala a ara n sɔ ata wɔlɛ kɛ min na.

Hiburunu 1:1

Fɔlɔ-nun, Alla kumara ma benbanu ye wati siyaman anubɛ nya-siyaman ma nɛbinu baraka rɔ

Hiburunu 3:2

Alla ya Yisa yabɔ ata wɔlɛla ko la, ado lanaya-mɔgɛ le ale la iko Nɛbi Musa mara lanaya-mɔgɛ la nya min Allata mɔgɛnu ye.

Hiburunu 3:4

Bon kelen-kelennamɛ-bɛɛ sɔra mɔgɛ le bolo, ado Alla le wara fan bɛɛ dan.

Hiburunu 8:5

Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.

Yasowa 1:15

ha anu ni anuta nyamanɛ sɔrɔn yisi-kimɛ rɔ. Wo kɔma, wo ni sɛgi wo warɛ Yorodan bɛ kɔma yan.”

Yasowa 1:2

“Nna wɔli-kɛla Musa ara so-sɛgi-kɛ nyina. Wobɛ Isirɛla mɔgɛnu ni wo rabɛn kaka ka Yorodan bɛ kɛ tɛgɛ. N bi nala nyamanɛ min dila wo ma, wo ni ta wo rɔ.

Yasowa 1:7

I ni i yisi gbɛlɛya ka i wakila. I ni nna kumɛ bira iko n ya tɔnnu fɔ Musa ye nya min. Hali tɔn kelen, i kana nyina wo ko. I wa ta kan-bo-kan wo rɔ, n si to i fɛ ka i wara-koe sabati.

Yasowa 8:31

A ya a ma iko Marila wɔli-kɛla Musa ya a fɔ Isirɛla mɔgɛnu ye nya min, ado Marila tɔn sɛbɛnɛ ko, “I ni saraka-masɔ-tinɛ ladan kuri la min malɛsɛni ma nɛgɛ-lasulennɛ la.” Anu ya saraka-mintantɛnu anubɛ yisi-kima-sarakɛnu bɔ Mari ye.

Yasowa 8:33

A mɔgɔ-ba wo, a kun-tigi wo, a kiti-tɛgɛla wo, a sundan minnu bi anu tɛma wo, Isirɛla mɔgɛ bɛɛ sɔra kɔnkɔ filɛ tɛma. Donu kan-kɔ sɔnɛ Kɛrisim kɔnkɛ la, donu kan-kɔ sɔnɛ Ebali kɔnkɛ la. Anu yɛ lamununnɛ tɔn-kenkirɛ la anubɛ saraka-masɔlɛ minnu nara a la. Mɔgɛnuna duwa-bole le kɛ la iko Musa ya a fɔ nya min nun.

Lankɛnimayɛ 15:3

Anu bi Allala wɔli-kɛlɛ, Nɛbi Musa, anubɛ saga-danta bɛti bɔla ko, “Mari Alla Sɛnbɛ Bɛɛ Tigi, ila kɛwɔlɛnu kolo. Anu makilanta! Sibole bɛɛta Mansɛ, i kɛ-nyanu telennɛ. Tonya-kilɛ le anu na.