Hiburunu 3:1 - ALLALA KUMƐ

¹ N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!

Hiburunu 3:1 ပူးပေါင်းရင်းမြစ်များ

Yaburi 110:4

Mari nyɛrɛ ya lanyiri kiri, ado a ti wo tinya muk! A ko ale mansɛ si ma saraka-masɔlɛ la habadan iko Mɛlikisidaki.

Aiseya 1:3

Ninkinu ya anu tigi lɔn, sofɛlɛ fanan ya anu de-nyininɛ lɔn kɔnɔ a ko wonu tenbira wole Isirɛla mɔgɛ kɛnu na. A ko wole, ata mɔgɛnu ma wo tigi lɔn.

Aiseya 41:20

Mɔgɛnu ba wo yen, anu si a fɔ ko fɔ Mari le wara kɛ ma. Anu si na a lɔn wo rɔ ko Isirɛlata Mari-sɛnimɛ le wara kɛ ma ka.

Aiseya 5:12

Wo ye sɔrɔnnu anubɛ bɔlɔnnu anubɛ wasanbɛnu anubɛ fulinu kɛla-a-rɔ wola ladiyɛnu tɔ kɔnɔ katarala gbɛɛ, wo ye nyɔ duk! Wo ma a lɔn Mari ye min kun na lefan

Isikiyɛli 12:3

“Ila mirannu mabɛn iko kɛlɛ-kɔrɔ-maburilɛ. Yanni a la ni fin, i ni tagama dabira. I wa wuli, bɛɛ ni i yen tala. Tumado, mɔgɔ-murutiyanɛ wonu si i yen tala.

Isikiyɛli 18:28

A ya a lɔn a ye min kun na, woletɔ a ya a bɔ wo da kun tɔ. A ti faga kɔnɔ a si to a niyi la.

Hegayi 1:5

Wo sa a yenna min bi mala wo la?

Hegayi 2:15

Mari ko, “Ha bi, wo ma a nya-yen bɛ, wa? Yanni wo ni don Mari Bato-Bɔn kɛ sɔɛ rɔ,

Yɔni 17:3

Ni mɔgɛnu ya ile Alla kelen pe lɔn anubɛ nde, Yisa Kirasiti, i ya min sɔ, wo tigi si habadan-nimayɛ sɔrɔn.

Yɔni 20:21

Wo kɔma, Yisa ya a fɔ anu ye tun ko, “Alamɛ wo ya yisi-kimɛ sɔrɔn. N Fa Alla ya n sɔ nya min, nde fanan bi wo sɔla wo nya le.”

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Kɛwɔlɛnu 1:15

Tele-dande tenbinɛ, dɛnkɛninya-mɔgɛnu bi ladɛn wo rɔ. Anu dama lakofunɛ mɔgɔ kɛmɛ ani mɔgɔ mogan nyɔgɔn (120). Pita ya a lasɔ ka a fɔ anu ye ko,

Romu 11:17

Tumado, ni wola ki-fen-bolɔn donu kerita a la, wo ni firarɔ-kɔn-bolɔn do tugun a la. Wole sibolo-gbɛrɛnu si ma iko fira-kɔn-bolɔn wo. Nba kaka, wobɛ Yahudiyanu bi sɛnbɛ anubɛ niyi sɔrɔnna wo nyɔgɔn fɛ kɔn kelan wo le tɔ.

Romu 15:27

Anu denu denu ya wo latɛgɛ, ado a bɛnnɛ anu ni bolo-kolɔn wonu dɛnbɛ. Nyɔ-Yahudiyanu bara duwɛ donu sɔrɔn sibolo-gbɛrɛnu na min kɛ, woletɔ a bɛnnɛ sibolo-gbɛrɛnu ni Yahudiyanu makoe nyinya anu nyɛrɛ bolo-fannu tɔ.

Romu 15:8

ado n bi a fɔla wo ye ko Kirasiti mara Yahudiyanuna wɔli-kɛlɛ la ka a mayira ko Alla si ala lanyiri latɔnbagaya min kirinɛ ma benbanu ye.

Romu 9:24

ado male le kelenɛ Alla bolo. Donu bɔra Yahudiyanu tɛma, donu bɔra sibolo-gbɛrɛnu fanan tɛma.

1 Kɔrɛnti 1:2

ma ye kɛdi kɛ sɛbɛla wole Allala mɔgɛnu ma minnu bi Kɔrɛnti soe burɔ. Alla ya minnu kele ka ma ata mɔgɔ-sɛnimɛnu na wo, minnu lanɛ Yisa Kirasiti la wo, minnu bi duninya kan tinɛ bɛɛ wo, ma ye kɛdi kɛ sɛbɛla wole ma ma Mari Yisa tɔgɔ rɔ. Mata Mari anubɛ anuta Mari le ale la.

1 Kɔrɛnti 10:17

Hali ma siyayanɛ, ma bɛɛ ara ma bagbu kelen na bawo ma damasi ara biredi-gbu kelen dɔn.

1 Kɔrɛnti 9:23

N bi wo bɛɛ kɛla kibara-nyimɛ lela ko la alako mabɛ wonu ni barayi sɔrɔn ma nyɔgɔn fɛ.

2 Kɔrɛnti 1:7

Woletɔ ma yigi ma tɛgɛ wola ko la mumɛ! Ma ya a lɔn ko wo ye tɔrɔyɛ sɔrɔnna nya min, wo si dɛnbɛnɛ fanan sɔrɔn wo nya na le Alla bolo iko male.

2 Kɔrɛnti 9:13

Wola ko-nyima-kɛ si wola dɛnkɛninyɛ yira Kirasitita kibara-nyimɛ rɔ, wo lanɛ min na, kɔni. Wo ye Kirasitila kumɛ birala min kɛ, mɔgɔ siyaman bi Alla tantola wola ko la. Wo ye anu dɛnbɛna foninsereyɛ la anubɛ mɔgɔ-gbɛrɛnu fanan.

Ɛfɛsa 3:6

Gbundu-koe wo le kɛ la. Wole sibolo-gbɛrɛnu bara wotɛ sɔrɔn Allala duwɛ rɔ iko male Isirɛla mɔgɛnu. Kibara-nyimɛ le ya a ma, wo ya a sɔrɔn. Ma bɛɛsi ara ma bagbu kelen na, ado Alla ya lanyiri min kiri Kirasiti Yisala ko la, wo ara wotɛ sɔrɔn lanyiri kelan wo rɔ.

Ɛfɛsa 4:1

Woletɔ nde, Pɔli min bi yele la Marita wɔlɛla ko la, n bi wo madiyala ko wo ni tagama iko a bɛnta, Allata mɔgɔ-yabɔnɛnu ni tagama nya min.

Ɛfɛsa 4:4

Bagbu kelen de ma dama la, ado ata Ni-Sɛnimɛ kelen de ma bolo. Alla ara ma kele yigi kelen de ma.

Filipai 3:14

Alla wa n kele ko n ni yɛlɛ san ma ka habadan-nimayɛ kɛ Yisa Kirasiti baraka rɔ, nta barayi le wo la. Woletɔ n bi n burila ka n telen dan wo la, yɔ!

Kɔlɔsi 1:12

ye baraka birala n Fa Alla ye sewɛ rɔ. A ara ko-rabɛn-kɛ ko wo ni wotɛ sɔrɔn min maranɛ ala mɔgɛnu ye, ado wo siginɛ ata mansaya-waan kɔrɔ.

Kɔlɔsi 1:22

Kɔnɔ kaka gbɛ, Alla ara wo ma a diyana-mɔgɛnu na ala danta sayɛ fɛ. A ye a fɛ, a ni na wo la a fa Alla ma, wo sɛninyanɛ de worɔ. Fɛɛ-wo-fɛɛ sa wo la, ado wo ara ma mɔgɔ-magbalanɛ la.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

1 Tɛsalonaika 5:27

N bi wo madiyala ma Mari tɔgɔ rɔ ko wo ni kɛdi kɛ karan dɛnkɛninya-mɔgɛ bɛɛ ye.

2 Tɛsalonaika 1:11

Wo le ya a to, ma ye Alla matarala wo ye tumɛ bɛɛ. Ma ye a tarala ko a ara wo kele nimaya-su min ma, wo kɛ-nya ni bɛn wo ma. Ko-nyimɛ min bɛɛ kɛ-sɔgɛ ye wo la, alamɛ ata sɛnbɛ ya wo dɛnbɛ wo rɔ ka wola kɛwɔlɛnu dafa.

2 Tɛsalonaika 2:14

Ma ya kibara-nyimɛ min nake wo ma, wo sebu le ya wo kele Alla wara. A ya wo kele alako wo ni wotɛ sɔrɔn Mari Yisa, Allata-Mɔgɔ-Yabɔnɛta gbiliyɛ rɔ.

1 Timoti 6:12

I ni i se-koe-bɛɛ kɛ ka ta yarɔ dɛnkɛninya-koe rɔ, woletɔ i si habadan-nimayɛ bira i bolo filɛ la i nyɛrɛ ye. Alla ya i kele niyi wo le ma, wo tumɛ i ya sereya-nyimɛ yira dɛnkɛninya-koe rɔ sereya-siyaman yala.

1 Timoti 6:2

Wole minnu bi dɛnkɛninya-mɔgɛnu kɔrɔ, wo kana wo tiginu nafɛya bawo wo na-kelen-nyɔgɛ le wonu na. Wo ni wɔli kɛ anu ye bɛrɛkɛ, bawo anu bi tɔnɛ sɔrɔnna wola wɔlɛ wonu fɛ, ado wo diyana-dɛnkɛninya-mɔgɛ le wonu na. I ni koe kɛnu karan ka mɔgɛnu makawandi.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

2 Timoti 2:7

N bi min fɔla, i miri wo ma bawo Mari si i dɛnbɛn ka koe bɛɛ nya-yen.

Hiburunu 10:19

Nba, ma na-kelen-nyɔgɛnu, ma si ke donna Sɛnima-Sɛnima-Tinɛ rɔ gbɛ Yisala sayɛ baraka rɔ. Ma ti kilan nyɔ la tun.

Hiburunu 10:21

Saraka-masɔla-kun-tigi-wɛ ye ma bolo Allala mɔgɛnu kun na min kɛ,

Hiburunu 10:23

Ma ye yigi minna ko fɔla, ma ni wo bira gben, bawo ma lanɛ Alla la ko a si ata lanyiri kanbali.

Hiburunu 13:22

N na-kelen-nyɔgɛnu, n bi wo madiyala, wo ni wo munyu ka wo tole masɔ makawandili-kumɛ kɛ la. N bara kɛdi min sɛbɛ wo ma kɛ, wo ma yan.

Hiburunu 2:11

A ye mɔgɛnu sɛninyala ka anu bɔ anuna hakɛnu tɔ. Nba, Yisa wo, a ye minnu sɛninyala wo, anu dama Fa kelen de anu na. Woletɔ a ma miliya ka anu kele ko a na-kelen-nyɔgɛnu.

Hiburunu 2:17

Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

Hiburunu 3:14

Ni ma tora lanayɛ kɛla ka bi a fɔlɔtɛ ha ala ban, ma dama ye ta-nyɔgɔnyɛ kɛla Kirasiti fɛ worɔ.

Hiburunu 6:20

Yisa ara ta ma yarɔ nyɔ malela ko la. A ara ma saraka-masɔla-kun-tigi-wɛ la habadan iko Mɛlikisidaki.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

Hiburunu 7:28

Alla ya tɔn min di Nɛbi Musa ma, wo ya mɔgɛnu yatɔnbɔn alako anu ni ma saraka-masɔla-kun-tigi-wɛnu na hali anu ma telen wo nya. Kɔnɔ Allata kelili sanɛ lanyiri min kuma, wo nara Nɛbi Musala tɔn kɔma le. Wo ye ata dan le yabɔla min si Allata ko-latɛgɛnɛ kanbali habadan!

Hiburunu 9:11

Fen-nyimɛ minnu bi nyɔ kaka, Kirasiti nara tumɛ min, a nara saraka-masɔla-kun-tigi-wayɛ la wonu denu kuma. A ye wɔlila fani-bɔn min na, wo kolo, ado a kanbalita feu! Mɔgɔ ma a ladan, ado duninya kɛta ma wo la.

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

1 Pita 3:5

Ado nfan, musu-sɛnimɛ minnu ya anu yigi sa Alla kuma fɔlɔ-nun, wonu sɔnnayara anuna keinu ye.

1 Pita 5:1

Wole chɔchi-mɔgɔ-banu, n bi kɛ sɛbɛla ka wo kɔntɔ-diya. Chɔchi-mɔgɔ-ba le nde fanan na, ado Kirasiti ara tɔrɔyɛ minnu sɔrɔn, wo sereyɛ le nde la. Nde fanan si bɛn gbiliyɛ wo rɔ min si na bɔ gbɛ ma.

1 Pita 5:10

Kɔnɔ wo wa tɔrɔ wati-kundu-ni kɔrɔ, hinɛ-bɛɛ-tigi Alla min bi wo kelela ala habadan-gbiliyɛ ma Kirasiti rɔ, ale nyɛrɛ si wo kanbali ka wo sɔ-bole rabɛn gben!

1 Yɔni 1:3

Ma ara min yen ka a lamɔɛn, ma ye wo lela ko fɔla wo ye alako wo si kofu ma ma nya min. Ta-nyɔgɔnyɛ ye ma bolo ma Fa Alla anubɛ ala den Yisa Kirasiti fɛ gben!

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!