Hiburunu 2:2 - ALLALA KUMƐ

² Alla ya tɔn minnu di ma benbanu ma melikanu baraka rɔ, wonu gbɛlɛ ma kuma, ado minnu ma tagama iko tɔn wo ya a fɔ nya min, a bɛnta, a ni tɔrɔyɛ min nyɔgɛ sɔrɔn, a si wo sɔrɔn.

Hiburunu 2:2 ပူးပေါင်းရင်းမြစ်များ

Yaburi 68:17

N tigi ye bɔla Sinayi wulɛ rɔ ka ta a Bato-Bɔn la. A si na kirindi waga-yirika-siyaman na a bolo.

Yilan-Yilan Koe 11:33

Wondere-gbalɛ kɛ ma ban bɛ, Mari fonde bɔra anu kuma. A ya kiraya-yogoma-belebele layigi anu kuma. Mɔgɔ siyaman fagara.

Yilan-Yilan Koe 16:49

Mɔgɛ minnu fagara Kora fɛ, ni anu ma wonu sa mɔgɛ kɛnu kuma minnu fagara kiraya-fitinɛ bolo, mɔgɛ kɛnu yatɛ si ma mɔgɔ waga tan-ni-nani mɔgɔ kɛmɛ wɔrɔnfila (14,700) la.

Yilan-Yilan Koe 21:6

Woletɔ Mari ya duguma-fen-yogomɛnu nata anu tɛma. Wonu ya mɔgɔ-siyaman kin ka anu faga.

Yilan-Yilan Koe 25:9

Kɔnɔ samani tɔn ni sigi anuna tɔrɔyɛ la, mɔgɔ waga mogan-ni-nani (24,000) nyɔgɔn bara faga.

Kɛwɔlɛnu 7:53

Wole le ya Allala tɔn sɔrɔn melikanu bolo. Kɔnɔ hali wo, wo ma sɔn a birala!”

Kalesiya 3:19

Nba, Nɛbi Musata tɔn-kitabu dira nfenna worɔ? A kofura lanyiri ma le alako ka mala ko-yogomɛnu nabɔ gbɛ ma, ado tɔn-kitabu wo ni to ha lanyiri kirita Iburayima bɔnsɔn minna ko la, wo ni na tumɛ min. Alla ya ata tɔn-kitabu di melikanu ma alako anu ni a don Nɛbi Musa bolo. Ale le ya a latenbi mɔgɛnu ma.

Tɔn-Fɔɛ-Fila-Nyɔgɛ 17:12

Ni min ya a tui ka kun-tigi kɛnu kuman-kan masɔsɔ, wo si wo tigi faga. Woletɔ mɔgɔ-gbɛrɛkɛ minnu bi wo sufa rayenna, wonu si kilan ka wo nyɔgɔn ko sufa ma. Ni wo ya mɔgɔ-sufa wo faga, wo si karagbɛlɛyɛ wo sufa ban de Isirɛla mɔgɛnu tɛma.

Tɔn-Fɔɛ-Fila-Nyɔgɛ 17:2

“Mari ye nala lanyiri-nyamanɛ min dila wo ma, wo wa ban wo sigi-bole rabɛnna nyɔ, bɛsɛ wo, tele wo, lole wo, karɛ wo, ni mɔgɛ do ya wo fenfen kɔ wo tɛma nyɔ, wo tigi ara hakɛ kɛ Mari la ka ata tɔn anubɛ lanyiri tinya min bi ale anubɛ wole tɛma.

Tɔn-Fɔɛ-Fila-Nyɔgɛ 17:5

wo si mɔgɛ wo bi ka bɔ a la soe kɔma ka a mabon kuri la. A ni faga don!

Tɔn-Fɔɛ-Fila-Nyɔgɛ 27:26

“ ‘Alamɛ Allata dankɛ taranta wo mɔgɛnu kuma minnu ti sɔn tɔn kɛnu bira-koe ma.’ “Anu si a labira ko, ‘Amina.’ ”

Tɔn-Fɔɛ-Fila-Nyɔgɛ 32:2

Nta karan si bui iko banda-yi. A si sigi mɔgɔ yisi rɔ iko kunbi si sigi binyɛ la nya min. Nta kumɛ si na iko banda-tɔnɔnamɛ. Nta kumɛ manɛ le iko bandɛ min si ki-fan-yi sa a rɔ.

Hiburunu 1:1

Fɔlɔ-nun, Alla kumara ma benbanu ye wati siyaman anubɛ nya-siyaman ma nɛbinu baraka rɔ

Hiburunu 10:28

Ni sere fila, ni wo ma, sawa ya mɔgɔ bira Nɛbi Musata tɔn tinya tinɛ, anu ti kinikini wo tigi ma, fɔ anu ni a faga.

Hiburunu 10:35

Nba, yisi-latɛgɛ min bi wo bolo, wo kana wo boloka bawo barayi-ba bilanɛ a fɛ.

Hiburunu 11:26

A ya a lɔn ko ka tɔrɔ Kirasitila ko la, wo tɔnɛ kolo Iyipiti nɔnfuli bɛɛ ko. A ya a yɛ sɔ barayi-natoenu na.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

2 Pita 1:19

Woletɔ nɛbinu ya kumɛ min fɔ, ma lanɛ wo la bɛrɛkɛ! Ni wo si wo tole masɔ wo la, wo si bɛn bawo a mani de iko lɛnpu min malannɛ pinpi rɔ ha Kirasiti wa na wati min ata wan-takani-wɛ la ka to malanna wo yisi rɔ.

Yude 1:5

Hali wo ya koe kɛ bɛɛ lɔn, n bi a fɛ ka wo hɛnkili bila wola ko la. Alla ya Isirɛla mɔgɛnu kisi ka anu bɔ Iyipiti nyamanɛ rɔ kɔnɔ wo kɔma, a ya wonu halaki minnu dɛnkɛninyani ma a ma.