Hiburunu 2:18 - ALLALA KUMƐ

¹⁸ Nba, minnu bi magbɛrɛnkɛ rɔ kaka, a si ke wonu dɛnbɛna bawo a nyɛrɛ magbɛrɛnkɛnta ka tɔrɔ.

Hiburunu 2:18 ပူးပေါင်းရင်းမြစ်များ

Luka 22:28

“Wo ara to n fɛ nna kɔrɔbɔɛ bɛɛ kɔrɔ.

Luka 22:53

N taranta wo fɛ wati bɛɛ Alla-Bato-Bɔn la, wo ma wo raya n bira-koe la. Wota wati le kɛ la. Pinpi ara ban sɛnbɛ sɔrɔnna wo kuma.”

Yɔni 10:29

N Fa Alla min ya anu don n bolo, wo kolo bɛɛ ko. Nba, mɔgɔ-wo-mɔgɔ ti ke anu fɔrɔnna n Fa Alla bolo.

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

Filipai 3:21

A si ma bagbu-rakolɔn kɛnu yɛlɛma ka anu ma iko a nyɛrɛ bagbu-sɛninyanɛ ye nya min. A si ata sɛnbɛ lawɔli alako a si fan bɛɛ don a nyɛrɛ fanka kɔrɔ nya min.

2 Timoti 1:12

Wo le ya a to, n tɔrɔnɛ ka. Kɔnɔ n miliyani ma Yisala ko la bawo n bara dɛnkɛninya ale min ma, n ya wo lɔn. N lanɛ a la ko a ara tonyɛ min kerifa n na, ale si ke wo marala ha tele-laban-lunyɛ.

Hiburunu 5:2

Nba, saraka-masɔlɛ-yisi rafaganɛ nya siyaman ma min kɛ, a si ke ka dinyɛ yira a hadama-den-nyɔgɛnu na. Anu hɛnkili sa, ado anu si sama iko ale.

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.