Hiburunu 2:17 - ALLALA KUMƐ

¹⁷ Woletɔ fɔ a ni ma iko male, a na-kelen-nyɔgɛnu, koe bɛɛ rɔ. A ni wo ma alako a si kinikini ma ma nya min ka wɔli Alla ye a yisi bɛɛ la. A mara mala Saraka-Masɔla-Kun-Tigi-Wɛ la min kɛ, a ya sarakɛ bɔ ma ye ma hakɛnuna ko la.

Hiburunu 2:17 ပူးပေါင်းရင်းမြစ်များ

2 Ko-Kɔrɔta-Karan 29:24

Anu ban anu bole sala anu ma, saraka-masɔlɛ wonu ya baa wonu faga. Anu ya wonu yele labɔn saraka-mintan-tinɛ kuma anu hakɛ-sarakayɛ la alako Alla fonde ni kimɛ mansɛ anubɛ ala nyamanita-mɔgɛnuna hakɛnuna ko la nya min.

Aiseya 11:5

A si ala mɔgɛnu mara lanayɛ anubɛ telenbagayɛ la.

Isikiyɛli 45:17

A saraka-mintanta wo, a fui-fen-saraka wo, a minni-saraka wo, mansɛ wo le ye sarakɛ wonu bɔla Isirɛla mumɛ bɛɛ ye. Anu ba anu kundɛn Karɛ-Tele-Fɔlɛ-ladiyɛ rɔ anubɛ Sulen-Tele ma anubɛ ladiyɛ toenu ma, mansɛ wo ye tola sarakɛ wonu bɔla. Wo bɛɛ si ma Isirɛla hakɛ-yamatogon-fan la.

Isikiyɛli 45:20

Karɛ wo tele wɔrɔnfilɛ ma, a si wo sufa ma mɔgɛ bɛɛ ye, hali min ma hakɛ kɛ lawuli a ma, ado a sa a kalama. Ni wo ya wo ma, wo si a ma, Bato-Bɔn sɛninyanɛ ni to.

Daniyɛli 9:24

“Alla ara ban a latɛgɛla nun ko fɔ san bi-wɔrɔnfila sigi tina wɔrɔnfila (490) wa tenbi yanni ila mɔgɛnu anubɛ ila so-sɛnimɛ Yerusalɛm ni bɔ anuna hakɛ kɔrɔ. Wo kɔma, Alla si anu makoto ka telenbagayɛ lasɛgi anu tɛma. Woletɔ ko-rayirɛ anubɛ wɔlɔyiyɛ min kera i ye wo la, wonu na si tɔnbagaya. Wo kɔma, Alla Bato-Bɔn si dantɛgɛ tun.

Saraka-Masɔlɛnuta Tɔnnu 14:18

A si tuli wo toe bi min bi a bolo tɔ ka a sosa kei wo kun-gbana ma. A si sɛninya ka le.

Saraka-Masɔlɛnuta Tɔnnu 6:30

Ni saraka-masɔlɛ tara saraka-yele do la Marita Fani-Bɔn burɔ ka ma mɔgɔ-hakɛ-yamatogon-fan la, mɔgɔ-wo-mɔgɔ kana saraka wo soge bila a dɛ rɔ, fɔ ka soge wo mintan gburr!”

Saraka-Masɔlɛnuta Tɔnnu 8:15

Musa ya a faga ka a bolo-nɔlɔnɛ layigi a yele rɔ ka do sosa saraka-bɔ-tinɛ bolon nanɛ ma ka wo dantɛgɛ Mari ma. A ya a yele-toe bi ka a rawuya dugi ma saraka-mintan-tinɛ kɔrɔ. Wo le ya a ma, a ya saraka-bɔ-tinɛ dantɛgɛ Mari ma ka a sɛninya.

Yilan-Yilan Koe 15:25

Saraka-masɔlɛ si a ma, mɔgɛ bɛɛsila hakɛ yama ni togon iko anuta namu ye nya min. Ni anu ya sarakɛ wo bɔ, wo kɔma, nde, Mari si anu makoto bawo anu nyinara le.

Romu 15:17

N si ke n nyɛrɛ matɔgɔla nta wɔlɛla ko la Alla ye Kirasiti Yisa baraka rɔ.

Romu 5:10

Alla yoge le male la nun kɔnɔ kaka, ma ara ma a diyana-mɔgɛ la ala dan Yisata sayɛ fɛ. Nba, ma ara ma Alla diyana-mɔgɛ la nya min, ma si a lɔn serr, ko ma si kisi Allata tɔrɔyɛ ma fanan ala danta nimayɛ fɛ.

Ɛfɛsa 2:16

Kirasiti ya sɔgɔ-labɔɛ ban ma tɛma ala sayɛ fɛ kɔlɔma ma. A ya ma latugun ma nyɔgɔn na ka ma ma kelen na alako a ni na ma la Alla ma.

Kɔlɔsi 1:21

Fɔlɔ-nun, wo gbɛrɛnni ma Alla ma! Wola kɛwɔli-yogomɛ anubɛ wo miriyanu ya a ma, wo mara a yogenu na.

Hiburunu 10:21

Saraka-masɔla-kun-tigi-wɛ ye ma bolo Allala mɔgɛnu kun na min kɛ,

Hiburunu 2:11

A ye mɔgɛnu sɛninyala ka anu bɔ anuna hakɛnu tɔ. Nba, Yisa wo, a ye minnu sɛninyala wo, anu dama Fa kelen de anu na. Woletɔ a ma miliya ka anu kele ko a na-kelen-nyɔgɛnu.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

Hiburunu 2:16

A gbɛnɛ ko Yisa ma na melikanu dɛnbɛn-tinɛ bawo a sɛbɛnɛ Allala kitabu rɔ ko, “A ye Iburayima bɔnsɔnnu denu dɛnbɛna.”

Hiburunu 3:1

N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!

Hiburunu 3:2

Alla ya Yisa yabɔ ata wɔlɛla ko la, ado lanaya-mɔgɛ le ale la iko Nɛbi Musa mara lanaya-mɔgɛ la nya min Allata mɔgɛnu ye.

Hiburunu 3:5

Nɛbi Musa le wɔli-kɛlɛ wo la min wɔlita Allata mɔgɛnu tɛma a kilɛ fɛ. Alla ye nala min fɔla ma ye yarɔ, ale Musa mara wo misalɛ la.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

Hiburunu 5:1

Alla si saraka-masɔla-kun-tigi-wɛ bɛɛ yabɔ ka bɔ a ta-nyɔgɔ-saraka-masɔlɛnu tɛma. Ata wɔlɛ ye min na, wo le ka a sɔ Alla anubɛ mɔgɛnu tɛma. A ye kɔ-fannu anubɛ sarakɛnu bɔla anuna hakɛla ko la.

Hiburunu 5:10

Alla ya a ma saraka-masɔla-kun-tigi-wɛ la wo nya iko Mɛlikisidaki.

Hiburunu 5:2

Nba, saraka-masɔlɛ-yisi rafaganɛ nya siyaman ma min kɛ, a si ke ka dinyɛ yira a hadama-den-nyɔgɛnu na. Anu hɛnkili sa, ado anu si sama iko ale.

Hiburunu 5:5

A mara wo nya Kirasiti fanan ye. A ma a nyɛrɛ ma saraka-masɔla-kun-tigi-wɛ la. A ma gbiliyɛ bi a nyɛrɛ ye kɔnɔ Alla le ya a fɔ a ye ko, “Nna dan le ile la. N bara ma i fa la bi.”

Hiburunu 6:20

Yisa ara ta ma yarɔ nyɔ malela ko la. A ara ma saraka-masɔla-kun-tigi-wɛ la habadan iko Mɛlikisidaki.

Hiburunu 7:26

Nba, mala Saraka-Masɔla-Kun-Tigi-Wɛ Yisa si ma makoe bɛɛ nyinya! A sɛnima! Fɛɛ-wo-fɛɛ sa a la, ado a ma hakɛ si kɛ! A sa iko male hakɛ-tiginu feu! A layɛlɛta san-kole bɛɛ kuma pon!

Hiburunu 7:28

Alla ya tɔn min di Nɛbi Musa ma, wo ya mɔgɛnu yatɔnbɔn alako anu ni ma saraka-masɔla-kun-tigi-wɛnu na hali anu ma telen wo nya. Kɔnɔ Allata kelili sanɛ lanyiri min kuma, wo nara Nɛbi Musala tɔn kɔma le. Wo ye ata dan le yabɔla min si Allata ko-latɛgɛnɛ kanbali habadan!

Hiburunu 8:1

Ma ye koe min fɔ tinɛ wo ye kɛ la, wo kunyɛ le kɛ la. Saraka-masɔla-kun-tigi-wɛ ye ma bolo min siginɛ Allata mansaya-waganɛ kɔɛn-nyimɛ rɔ Arinyɛni tɔ.

Hiburunu 8:3

Saraka-masɔla-kun-tigi-wɛ bɛɛta wɔlɛ ye min na, wo le ka kɔ-fannu anubɛ sarakɛnu masɔ Alla ye. Woletɔ fɔ fan do ni taran mata saraka-masɔla-kun-tigi-wɛ fanan bolo a si min bɔ.

Hiburunu 9:11

Fen-nyimɛ minnu bi nyɔ kaka, Kirasiti nara tumɛ min, a nara saraka-masɔla-kun-tigi-wayɛ la wonu denu kuma. A ye wɔlila fani-bɔn min na, wo kolo, ado a kanbalita feu! Mɔgɔ ma a ladan, ado duninya kɛta ma wo la.