Hiburunu 2:12 - ALLALA KUMƐ

¹² A ya a fɔ Alla ye ko, “E, Alla, nna mɔgɛnu ba anu nadɛn i bato tinɛ tumɛ min, n si ila koe fɔ anu ye ka i tanto-bɛtinu bɔ.”

Hiburunu 2:12 ပူးပေါင်းရင်းမြစ်များ

Yaburi 111:1

N si Mari tanto! N tenbi Allala mɔgɛnu tɛma, n si baraka bira Mari ye n yisi bɛɛ la.

Yaburi 22:22

Nna mɔgɛnu ba anu nadɛn i bato tinɛ tumɛ min, n si n dantɛgɛ anu ye ka i tanto anu bɛɛ yala.

Yaburi 22:25

Ka a tɛgɛ ila ko-nyimɛ ma, n si i tanto mɔgɛ bɛɛ yakɔrɔ Bato-Bɔn la. N bara lanyiri kiri sarakɛ minnu bara-koe la, n si wonu bɔ i ye bɛɛ yala.

Yaburi 40:10

I ya ma lakisi nya min, n ma wo fɔɛ dogon n yisi rɔ. I ya ma dɛnbɛ nya min, n tora wobɛ ila lanayɛ wara-koe rakaranna mɔgɛnu ye. N tora ita lanayɛ anubɛ ila keninteya-dannatɛgɛbɛlɛ wara-koe fɔla ita mɔgɛnu ye ladɛn-wɛ rɔ. N ma n tade muk!

Yɔni 18:20

Yisa ya a yabi ko, “N bara kuma gbɛ rɔ mɔgɛ bɛɛ ye. N bara mɔgɛnu karan dina-bɔnnu na anubɛ Alla-Bato-Bɔn la, Yahudiya bɛɛ la si dɛn kan min. N ma fenfen fɔ dogɔn rɔ.

Hiburunu 12:23

Wo ara na bɛn Allata den-fɔlɔtɛnuna ladiyɛ ma. Wonu damasi tɔgɛ sɛbɛnɛ Arinyɛni tɔ. Alla siginɛ soe wo le burɔ, mɔgɛ bɛɛ Kitilɛ, kɔni. Mɔgɔ-nyimɛ minnu kanbalinɛ Alla yala, wonu bi a fɛ nyɔ.