Hiburunu 13:8 - ALLALA KUMƐ

⁸ Yisa Kirasiti ye nya min kunu, a ye wo nya na bi, ado a si to wo nya na burubukai!

Hiburunu 13:8 ပူးပေါင်းရင်းမြစ်များ

Ko-Dabirɛnu 21:33

Iburayima ya kɔlɔma-nɛ do ki Biri-Siba dafɛ ka habadan-Mari-Alla bato nyɔ.

Yaburi 103:17

Kɔnɔ minnu bi Mari gbiliyala, ala keninteyɛ ti ban wonu ye mumɛ! Ata nyimayɛ dan sa wonubɛ anu kegeyɛnu bara la.

Yaburi 90:2

Yanni i ni duninya dan anubɛ kɔnkɛ minnu bi a rɔ, ile ye habadan-Allayɛ la, ado habadan-Alla le ile la.

Yaburi 90:4

San waga kelan mani de ile yala iko tele kelan. A manɛ iko kunu min bara belen, ado a mani de fanan i yala iko kinɔgɔ-kun-kelan.

Bɔ-Koe-Iyipiti 3:14

Alla ya a fɔ Musa ye ko,

Aiseya 41:4

Yon bi kɛ dama mala? Koe minnu bara tenbi nun kɔrɔma la, yon bi wonu kun na? Nde, Mari le nyɔ nun kebi hun, ado nde, Mari si taran nyɔ fanan ha wati-laban.

Aiseya 44:6

Mari min bi maralɛ kɛla ka male Isirɛla mɔgɛnu kumafunfan, Mari Sɛnbɛ-Bɛɛ-Tigi, kɔni, wo ko, Alla fɔlɔtɛ anubɛ a laban le ale la. Alla-wo-alla sa nyɔ ale kɔma.

Malakayi 3:6

Mari ko Mari le ale la. A ti yɛlɛma muk! Ka a tɛgɛ wo ma, a ko wole Yakoba kegeyɛnu, wo la ma ban natola wɛ.

2 Kɔrɛnti 1:19

Sailasi anubɛ Timoti anubɛ nde nyɛrɛ ya Yisa Kirasiti Allala danta kawandili bɔ wo tɛma. Yisa, nagan-fila-tigi ma. Kan-kelen-tigi le ale la.

2 Kɔrɛnti 1:20

Kirasiti le Allata lanyiri bɛɛ lakanbalila. Wo le ya a to, ma ye a fɔla ko, “Amina” Yisa Kirasiti baraka rɔ Allata gbiliyɛla ko la.

Hiburunu 1:12

Anu ta si kunbɛn iko duruki. Anu si yɛlɛma iko mɔgɔ si ala kurɛ mayɛlɛma nya min. Kɔnɔ ile ti yɛlɛma muk! I ti kɔrɔya mumɛ!”

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

Yude 1:25

Alla kelen pe, ma kisilɛ, kɔni, wotɛ ye mansayɛ anubɛ gbiliyɛ anubɛ sɛnbɛ la Yisa Kirasiti baraka rɔ kebi fɔlɔ ma, ha ka a sigi kaka la, ha habadan! Amina.

Lankɛnimayɛ 1:11

A ko, “I ye nala min yenna, i ni wo sɛbɛ. I wa ban wo sɛbɛla, i ni kitabu wo lata chɔchi wɔrɔnfilɛ kɛnu ma, Ɛfɛsa wo, Simirina wo, Pɛragama wo, Tayataira wo, Sadisi wo, Filadɛlifiya anubɛ Leyodisiya.”

Lankɛnimayɛ 1:4

Nde, Yɔni le ye kɛ sɛbɛla ka a lata chɔchi wɔrɔnfilɛnu ma minnu bi Esiya nyamanɛ rɔ. Alla min bi yan kaka, a ye nyɔ kebi fɔlɔ, ado a ye nala le, alamɛ wo ya hinɛ anubɛ yisi-kimɛ di wole chɔchinu ma ka bɔ Allata Ni-wɔrɔnfila rɔ minnu bi ala mansaya-sigi-fan yakɔrɔ.

Lankɛnimayɛ 1:8

Mari Alla min bi yan kaka, a ye nyɔ kebi fɔlɔ, ado a ye nala le, Sɛnbɛ-Bɛɛ-Tigi, kɔni, wo ye a fɔla ko a fɔlɔtɛ anubɛ a laban le ale la.