Hiburunu 13:6 - ALLALA KUMƐ

⁶ Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”

Hiburunu 13:6 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

1 Mansɛnu 17:8

Yi-nɛ wo gbalata min kɛ, Mari ya a fɔ Nɛbi Ilaya ye ko,

Yaburi 124:8

Mari min ya san-kole anubɛ dugu-kole dan, wo le ye ma dɛnbɛna.

Yaburi 146:3

I kana i yigi sa kun-tiginu tɔ. Wo fenfen ti ke i kisila.

Yaburi 27:9

I kana i nyɛrɛ dogon n ma. I kana diminya n ma ka n gben. Kebi fɔlɔ, n dɛnbɛnɛ le ile la woletɔ i kana n boloka. E, Alla, nna kisilɛ le ile la.

Yaburi 33:20

Ma yigi bɛɛ bɛnnɛ Mari le ma. Ma dɛnbɛlɛ anubɛ ma latankalɛ le Mari la.

Yaburi 40:17

N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.

Yaburi 54:4

Kɔnɔ n dɛnbɛnɛ le ile Alla la. N fɛkalɛ le ile, n tigi la.

Yaburi 56:4

N lanɛ ile Alla la min kɛ, woletɔ n ti kilan. N si i tanto bawo lanyiri kirinɛ i bolo n kisi-koe la. Hadama-dan si ke nfen mala nde la worɔ?

Yaburi 63:7

bawo i wara n dɛnbɛ kati! N tenbi i kanban-ninɛ la, n si siginu sa i ye.

Yaburi 94:17

Ni Marila dɛnbɛnɛ ma, anu bi n bara-koe kala-a-la le nun.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Ɛfɛsa 3:12

Nba, wola ko la, ma si ke ka ma madon Alla la dɛnkɛninyɛ fɛ yili-latɛgɛ la ma bolo Yisa Kirasiti baraka rɔ.

Tɔn-Fɔɛ-Fila-Nyɔgɛ 33:26

“Alla dogbɛrɛ sa nyɔ min manɛ iko male Isirɛla mɔgɛnuta Alla, ale min bi tagamana san-kole rɔ, kɔni. Ale le ye bɔla banda-finyɛ rɔ ka wo dɛnbɛ.

Tɔn-Fɔɛ-Fila-Nyɔgɛ 33:29

Wole Isirɛla mɔgɛnu, duwa-dan le wole la. Sibolo-gbɛrɛkɛ sa minnu bi iko wole bawo Alla ya wole kisi. Wo kandan-fan le Mari la anubɛ wola kɛlɛ-kɛ-faan. A ye wo tankala ka nɔlɛ di wo ma. Wo yogenu si kilan wo la ka dɛgɛ min wo ye. Wo si anuna bɛsɛ kɔ tinɛnu tinya.”

Hiburunu 10:19

Nba, ma na-kelen-nyɔgɛnu, ma si ke donna Sɛnima-Sɛnima-Tinɛ rɔ gbɛ Yisala sayɛ baraka rɔ. Ma ti kilan nyɔ la tun.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

1 Samuwɛli 23:17

Yonatan ya a fɔ Dawuda ye tun ko, “I kana kilan. N fa ti ko-wo-ko ma i la. A ya a lɔn serr, ko ile le ye mala Isirɛla mɔgɛnuna mansɛ la, ado a ya a lɔn fanan ko nde le ye mala ila kandɛ la.”