Hiburunu 13:20 - ALLALA KUMƐ

²⁰ Yisa mara saga-fɛ-birala-wɛ la ata saya le fɛ, habadan-sarama-kan kirita ata yele min fɛ. Alla ara ma Mari Yisa lawuli ka a bɔ furinu tɛma. Alla kelan min bi yisi-kimɛ dila wo ma,

Hiburunu 13:20 ပူးပေါင်းရင်းမြစ်များ

2 Samuwɛli 23:5

“Alla ara ata duwɛ layigi n kegeyɛnu kuma ka le. A ya habadan-lanyiri kiri n ye. A ya a kiri gben, alako a ma kana na yɛlɛma. N bi nyinina lanyiri wo le dɔrɔn ma. Ni a ya wo latɔnbagaya n ye, wo si nɔlɛ di n ma, ado Alla si wo ma serr!

1 Ko-Kɔrɔta-Karan 16:17

A ya sarama-kan wo le kiri ma benba Yakoba ye fanan, ado wo ti tinya mumɛ!

2 Ko-Kɔrɔta-Karan 30:12

Kɔnɔ hali wo, Alla ye wɔlila Yuda bɔnsɔn-mɔgɛnu yisi rɔ alako anu ni to kan kelen tɔ ka mansɛ anubɛ ala mɔgɔ-banu kan to a gbɛ rɔ.

Yaburi 23:1

Mari si n kandan iko saga-kandannɛ si ala sagɛnu kandan nya min. A ye a mala, fenfen sa dasala n na.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Bɔ-Koe-Iyipiti 24:8

A yele-toe min tora mirannu tɔ, Musa ya wo fanan bi ka wo pusen mɔgɛnu ma. A ko, “Yele kɛ si ma lanyiri-kiri-fan la wobɛ Mari tɛma alako wo ni ata lanyiri latɔnbagaya.”

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Aiseya 61:8

Mari ko telenbagayɛ di a ye. A ko kankanyɛ anubɛ bumalɛ gbo a ye. A ko a si ko-telennɛ ladan ka barayi di ala mɔgɛnu ma. Anubɛ ala mɔgɛnu si sarama-kan kiri min ti bɔ a ma mumɛ!

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Yɛrɛmaya 32:40

A ko a si habadan-sarama-kan kiri anu ye wo le, ko a ti a fara ko-nyima-kɛ la anu ye, ado a ko a si a ma, anu ni to a gbiliyala anu yisi bɛɛ la. Wo si a ma, anu ti anu kan-kɔ sɔ a la tun.

Isikiyɛli 34:23

N si mansɛ di anu ma iko nta wɔli-kɛla Dawuda ye saga-fɛ-birayɛ la nya min nun. Wo kelan si anu fɛ-bira a kin na!

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Isikiyɛli 37:26

Ma si sara koe do ma ma nyɔgɔn tɛma ka a tɛgɛ anuna habadan-sigi lafɛrɛ ma. N si anu ma dugurɛn bɛrɛbɛrɛ la ka anu nasiyaya. N si nta Bato-Bɔn sɔ nyamanɛ wo rɔ, a si to kan min tolon!

Sakaraya 9:11

Mari ko ka a tɛgɛ sarama-kan wo ma ma tɛma min kirita saraka-yele la, wo donu bi biralɛ rɔ nyamani-gbɛrɛkɛnu tɔ minnu manɛ wo yala iko kɔlon-tagbalanɛ, ado a si wo labɔ tɔrɔyɛ wo rɔ.

Matiyu 26:28

bawo n yele le kɛ la Allata sarama-kan kirinɛ min fɛ. N yele bɔnɛ alako mɔgɔ siyaman hakɛ ma si koto nya min.

Maraka 14:24

Yisa ko, “N yele le kɛ la n bara Allata sarama-kan kiri min fɛ. N yele bɔnɛ mɔgɔ siyaman hakɛla ko la.

Luka 22:20

Kima-dɔn banta tumɛ min, a ya nɔnbɔ-gbɔ-yi do bi tun. A ko, “Nɔnbɔ-gbɔ-yi kɛ le Allata sarama-kan-kurɛ tamasere la min kirinɛ wo ye n yele fɛ. Yele wo bɔnnɛ wole le ye.

Yɔni 10:11

“Saga-fɛ-birala-nyimɛ le nde la. Saga-fɛ-birala-nyimɛ si sɔn ka faga ala sagɛnuna ko la.

Yɔni 10:14

“Saga-fɛ-birala-nyimɛ le nde la. N Fa Alla ya nde lɔn nya min, nde fanan ya a lɔn wo nya le, ado n ya nna sagɛnu lɔn wo nya na le. Anu fanan ya nde lɔn. N si sɔn ka faga anuna ko la.

Kɛwɔlɛnu 13:30

Kɔnɔ Alla le ya a lawuli ka bɔ furinu tɛma.

Kɛwɔlɛnu 17:31

ado a ara wo tele latɛgɛ a si duninya bɛɛ kiti tɛgɛ lunyɛ min telenbagayɛ la. A ara ale Yisa yabɔ ko ale le ni mɔgɛ bɛɛ kiti a ye. A ara wo yira ma bɛɛ la ata lawuli fɛ ka bɔ furinu tɛma!”

Kɛwɔlɛnu 2:24

Kɔnɔ Alla ya a lawuli ka bɔ furinu tɛma. A ya a hɔrɔya saya-dumɛ ma bawo a ti ke tola biralɛ rɔ sayɛ bolo,

Kɛwɔlɛnu 2:32

Alla ara Yisa nyɛrɛ kɛ lawuli ka a bɔ furinu tɛma. Ma damasi le sereyɛ wo la.

Kɛwɔlɛnu 3:15

Ale min bi ni-bɛrɛ dila mɔgɛnu ma, wole ya wo faga kɔnɔ Alla le ya a lawuli ka bɔ furinu tɛma. Ata sereyɛ le male la.

Kɛwɔlɛnu 4:10

nba, fɔ wobɛ Isirɛla mɔgɛ bɛɛ ni a lɔn ko kei kɛ kɛndɛyanɛ sɔnɛ wo yakɔrɔ yan Yisa Nasarɛti kɛ tɔgɛ sɛnbɛ le tɔ, Allata-Mɔgɔ-Yabɔnɛ, kɔni. Wole ya a gbangban kɔlɔma ma kɔnɔ Alla le ya a lawuli ka bɔ furinu tɛma.

Kɛwɔlɛnu 5:30

Wo ya Yisa le gbangban kɔlɔma ma ka a faga kɔnɔ ma benbanuta Alla le ya a lawuli ka bɔ furinu tɛma.

Romu 1:4

Ata Allayɛ kilɛ fɛ, Allatalata dan le ma Mari Yisa, Allata-Mɔgɔ-Yabɔnɛ la. Alla ya Yisa lawuli ka bɔ furinu tɛma tumɛ min, ata Niyi le ya a sɛnbɛ yira nyɔ le ko Allata dan le ale la.

Romu 10:7

A sɛbɛnɛ fanan ko, “Hali i ma nyinikalɛ kɛ ko, ‘Yon si ta lakira’ ” (ka Kirasiti labɔ furinu tɛma).

Romu 15:33

Alla min bi yisi-kimɛ dila ma ma, alamɛ wo tora wo dama fɛ. Amina!

Romu 16:20

Alla min bi yisi-kimɛ dila ma ma, wo ti mɛ Setanɛ kasarala wo kin kɔrɔ. Ma Mari Yisala hinɛ ni to wo fɛ.

Romu 8:11

Allata Ni-Sɛnimɛ ya ale Yisa lawuli ka bɔ furinu tɛma. Ni ata Niyi siginɛ wo rɔ, ale le si niyi di wo bagbu-faganɛ fanan ma Allala Ni-Sɛnima wo baraka rɔ.

1 Kɔrɛnti 14:33

bawo Alla sa nyinina ko-yabasan ma, fɔ yisi-kimɛ. Allala mɔgɛ bɛɛ wa anu nadɛn chɔchi la,

1 Kɔrɛnti 15:15

Min tenbira wo la, ma ara tɔgɛ sa Alla la bawo ma ara a fɔ ko ale le ya Kirasiti lawuli ka bɔ furinu tɛma. Kɔnɔ ni tonyɛ le ko furinu na ti wuli, nba, Alla ma Kirasiti lawuli worɔ,

1 Kɔrɛnti 6:14

Alla min ya Mari lawuli ka bɔ furinu tɛma, a si male fanan nawuli sɛnbɛ kelan wo le rɔ.

2 Kɔrɛnti 13:11

Nba, n na-kelen-nyɔgɛnu, Alla ni to wo fɛ! Wo ni wo raya alako wo kanbalinɛ ni taran. N bara min fɔ wo ye, wo ni wo bira. Sɔn kelen ni taran wo bolo. Wo ni to yisi-kimɛ rɔ. Nba, Alla min bi keninteyɛ anubɛ yisi-kimɛ dila ma ma, wo ni to wo fɛ.

2 Kɔrɛnti 4:14

ma ya a lɔn ko Alla min ya Mari Yisa lawuli ka bɔ sayɛ rɔ, wo si male fanan nawuli. A si ma lawuli bawo mabɛ Yisa ye kan kelen tɔ. A si ma dama ladɛn ma nyɔgɔn fɛ a yakɔrɔ.

Kalesiya 1:1

Nde, Pɔli le ye kɛdi kɛ sɛbɛla, ado mɔgɔ ma n sɔ wɔlɛ kɛ la. Mɔgɔ ma n ma kilayɛ la fɔ Yisa Kirasiti anubɛ ma Fa Alla min ya Yisa lawuli ka bɔ furinu tɛma.

Ɛfɛsa 1:20

sɛnbɛ kelan wo le ya Kirasiti lawuli ka bɔ furinu tɛma. Sɛnbɛ kelan wo ya Kirasiti sigi Alla kɔɛn-nyimɛ rɔ Arinyɛni tɔ.

Filipai 4:9

Wo ara koe minnu karan nde bolo, wo ni wonu kɛ. Ni a mara kumɛ la wo ya min namɔɛn n bolo wo, ni ko do le wo ya n yen min mala wo, alako dɔrɔn, wo ni wonu kɛ tun! Alla min bi yisi-kimɛ dila ma ma, wo si to wo fɛ.

Kɔlɔsi 2:12

Wo batasira tumɛ min, wo togonta Kirasiti fɛ. Wobɛ Kirasiti lawulita wo nyɔgɔn fɛ fanan batasilɛ rɔ bawo wo dɛnkɛninyanɛ ale Kirasiti le ma. Allata sɛnbɛ le ya a lawuli ka bɔ furinu tɛma.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

1 Tɛsalonaika 5:23

Alla min bi yisi-kimɛ dila wo ma, alamɛ wo ya wo dɛnbɛ ka wo nyɛrɛ mara feu! Wo niyi wo, wo sɔndɔmɛ wo, wo fɛrɛ-bɔnkɛ wo, alamɛ wo ya wo bɛɛ mara a kin na! Ma Mari Yisa, Allata-Mɔgɔ-Yabɔnɛ wa na tumɛ min, a ni wo taran, fɛɛ-wo-fɛɛ sa wo la.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!

Hiburunu 9:20

Nɛbi Musa ko, “Yele kɛ si ma sarama-kan-kiri-fan la wobɛ Mari tɛma.”

1 Pita 1:21

Wo dɛnkɛninyanɛ Alla ma ale le baraka rɔ. Alla min ya a lawuli ka a bɔ furinu tɛma, wo le ya gbiliyɛ di ale ma. Woletɔ wola dɛnkɛninyɛ anubɛ wo yigi sanɛ ale Alla kuma.

1 Pita 2:25

Wo mani de nun iko sagɛ minnu tanɛ anu kun fɛ kɔnɔ wo ara sɛgi gbɛ kaka alako wo si bila Saga-Fɛ-Biralɛ fɛ nya min, wo niyi Kandannɛ, kɔni.

1 Pita 5:4

Saga-Fɛ-Birala-kun-tigi wa bɔ gbɛ rɔ tumɛ min, a si mansaya-fulɛ di wo ma minna kinyɛ ti bɔ a su la mumɛ!