Hiburunu 13:18 - ALLALA KUMƐ

¹⁸ Wo ni to Alla matarala ma ye. Ma lanɛ a la ko ma sɔndɔmɛ gbɛnɛ le feu, bawo ma ye a fɛ ka ko-latelennɛ kɛ wati bɛɛ.

Hiburunu 13:18 ပူးပေါင်းရင်းမြစ်များ

Kɛwɔlɛnu 23:1

Pɔli ya Yahudiyanuna kun-tiginu mafɛlɛn sin! A ko, “N kɔrɔnu! N bara wɔlɛ min bɛɛ kɛ Alla yala, fɛɛ sa n na wo la feu! Ha bi, n sɔndɔmɛ ma n yiliki ko-yogomɛ kɛla ko la hali!”

Kɛwɔlɛnu 24:16

Woletɔ n bi n bɛrɛmɛ kɛla tuma-wo-tuma ko n sɔndɔmɛ yilikibɛlɛ ni to Alla anubɛ mɔgɛnu yala.

Romu 12:17

Ni mɔgɛ do ya ko-yogomɛ ma wo la, wo kana wo tayili sara ko-yogomɛ la. Koe minnu kin mɔgɛ bɛɛ yala, wo ni wo raya koe wonu ma tinɛ.

Romu 13:13

Ma ni mala ko-ladan-nyanu natelen iko mɔgɛ minnu tonɛ waan rɔ. Manamanatoyɛ wo, gbɛɛ-min-wɛ wo, yɛlɛnyɛ wo, kisimiriya-koe wo, nyɔgɔn-tiran wo, keliyɛ wo, ma kana basan wonu fenfen na.

Romu 15:30

N na-kelen-nyɔgɛnu, ka a tɛgɛ mala dɛnkɛninyɛ ma ma Mari Yisa, Allata-Mɔgɔ-Yabɔnɛ ma anubɛ ata Ni-Sɛnimɛ ye keninteyɛ min dila ma ma, n bi wo madiyala ko wo ni wo raya n fɛ Alla madiya tinɛ nde ye.

2 Kɔrɛnti 1:12

Ma wasinɛ minna ko la, wo le kɛ la. Ma sɔndɔmɛ ye ma sere la ko mala tagama-nya duninya kɛ rɔ, katarala wole wara la, ma ya wo bɛɛ kɛ Allala hinɛ le baraka rɔ. A ma kɛ mɔgɔya-hɛnkili fɛ. Alla le ya a ma, ma ma ko-wo-ko dogon wo ma. Ma ya tonyɛ fɔ ma sɔndɔmɛ bɛɛ la.

Filipai 4:8

Ala ban, n na-kelen-nyɔgɛnu, tonyɛ ye koe min bɛɛ la wo, tantolɛ ye min tɔ wo, koe min bɛɛ telennɛ wo, koe min bɛɛ sɛnima wo, koe min bɛɛ kin wo, koe min bɛɛ bɛnnɛ wo, koe min bɛɛ kɛndɛ wo, gbiliyɛ ye min bɛɛ rɔ wo, wo ni wo hɛnkili to wonu denu ma tolon!

Kɔlɔsi 4:3

Wo ni Alla matara male fanan ye alako Alla ni fɛrɛ-nyimɛ di ma ma ka Kirasitila gbundu-koe lake nya min, ado ka a tɛgɛ wo le ma, n bi yele la kaka.

1 Tɛsalonaika 4:12

Wo le ya a to, wo si gbiliyɛ sɔrɔn hali dɛnkɛninyabɛlɛnu bolo. Wo ti wola dunɛ sa mɔgɔ-wo-mɔgɔ kuma worɔ.

1 Tɛsalonaika 5:25

Ma na-kelen-nyɔgɛnu, wo ni Alla matara male fanan ye.

2 Tɛsalonaika 3:1

Ala ban, ma na-kelen-nyɔgɛnu, wo ni Alla matara ma ye. Marita kumɛ ni to nyɛnsɛnna tiriya! Wo si a ma, mɔgɛnu ni ata kumɛ gbiliya iko a mara wo tɛma nya min.

1 Timoti 1:5

Min ya a ma, n bi kɛ fɔla alako keninteya-bɛrɛ ni sabati wo yisi rɔ. Wo ye bɔla yisi-sɛnimɛ anubɛ sɔndɔma-nyimɛ anubɛ dɛnkɛninya-bɛrɛ le tɔ.

1 Pita 2:12

Wo ni wo kɛ-nya-nyimɛ yira Alla-batobɛlɛnu na. Woletɔ anu tenbi wo maburila tumɛ min ko ko-yogoma-kɛlɛ le wole la, anu si wola kɛwɔli-nyimɛnu yen, ado Alla wa na lunyɛ min, anu si a tanto tele wo rɔ.

1 Pita 3:16

Kɔnɔ wo tenbi a faranfasila, wo ni a kɛ dinyɛ anubɛ gbiliyɛ rɔ. Wo sɔndɔma-sɛninyanɛ ni to, woletɔ anu ba wo manyini tumɛ min, minnu bi kuma-yogomɛ fɔla wo ma wo kɛ-nya-nyimɛla ko la Kirasiti rɔ, wonu si miliya anuna kumɛ wonuna ko la,

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.