Hiburunu 13:16 - ALLALA KUMƐ

¹⁶ Wo kana nyina ka ko-nyimɛ kɛ wo nyɔgɔn dɛnbɛn tinɛ bawo sarakɛ le wo la min di Alla ye.

Hiburunu 13:16 ပူးပေါင်းရင်းမြစ်များ

Yaburi 37:3

La Mari la. I ni ko-nyimɛ kɛ. Wo si a ma, i ni sigi i fanbolo ila nyamanɛ rɔ.

Yaburi 51:19

Wo kɔma, i ni na to sewala saraka-mabɛnnɛnu na. Mata saraka-mintan-sumɛ si a diya don i rɔ tun. Ma si turɛnu mintan ila saraka-mintan-tinɛ kuma gburr!

Luka 18:22

Yisa ya kɛ lamɔɛn tumɛ min, a ya a fɔ a ye ko, “A tonɛ ko-kelen-pe le ma gbɛ, ta i bolo-fan bɛɛ fere ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 9:36

Musi do fanan bi Yapa soe burɔ nun, wo tɔgɛ Tabita. Dɛnkɛninya-mɔgɛ le. (Kiriki-kan rɔ, a tɔgɛ le Dɔrɔkasi. Wo kɔrɛ le “Mina.”) A ya ala wati bɛɛ kɛ ko-nyimɛ kɛ-koe la bolo-kolɔnnu dɛnbɛn tinɛ.

Romu 12:13

Dɛnkɛninya-mɔgɔ bolo-kolɔn minnu bi wo tɛma, wo ni hɔn wonu na. Wo ni sundannu tabira.

Kalesiya 6:10

Woletɔ ma wa fɛrɛ sɔrɔn tumɛ min, ma ni ko-nyimɛ kɛ mɔgɛ bɛɛ ye kɔnɔ katarala ma na-kelen-nyɔgɛnu ma dɛnkɛninyɛ rɔ.

Kalesiya 6:6

Wole min bi karan-denyɛ la Allala kumɛ rɔ, wo ni wo karan-mɔgɛnu kɔ wola fen-nyimɛnu tɔ.

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

Filipai 4:14

Hali wo, wo ya n dɛnbɛ nta tɔrɔyɛ rɔ min kɛ, wo bɛnta kati!

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

1 Tɛsalonaika 5:15

Wo kana sɔn, mɔgɔ-wo-mɔgɔ ni ko-yoge sara ko-yoge la. Tuma-wo-tuma, wo ni to ko-nyimɛ kɛla wo nyɔgɔn ye anubɛ mɔgɛ bɛɛ.

2 Tɛsalonaika 3:13

Kɔnɔ ma na-kelen-nyɔgɛnu, wo kana bandan ko-nyima-kɛ la.

1 Timoti 6:18

I ni anu makawandi ko anu ni ko-nyimɛ kɛ anuna wodi rɔ. Anu ni ma nɔnfulu-tiginu na anuna kɛwɔli-nyimɛnu tɔ. Anu fanan ni foninsereyɛ kɛ ka mɔgɛnu kɔ.

Failiman 1:6

N bi Alla madiyala ko ma ye ta-nyɔgɔnyɛ min kɛla i fɛ dɛnkɛninyɛ rɔ, wo ni a ma, i ni Allata duwɛ bɛɛ nya-yen, ado Alla ya min bɛɛ ma ma ye, wo ye ma bolo Kirasiti baraka rɔ.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

3 Yɔni 1:11

N diyana-mɔgɛ, i kana bila ko-yogomɛ fɛ fɔ ka ko-nyimɛ ma wola misalɛ la. Min bi ko-nyimɛ kɛla, Allatɛ le wo tigi la. Min bi ko-yogomɛ kɛla, wo tigi ma Alla lɔn.