Hiburunu 13:12 - ALLALA KUMƐ

¹² Wo le ya a to, Yisa fanan fagara soe kɔma alako mɔgɛnu ni sɛninya anu hakɛ ma Yisa nyɛrɛ yele fɛ nya min.

Hiburunu 13:12 ပူးပေါင်းရင်းမြစ်များ

Saraka-Masɔlɛnuta Tɔnnu 24:23

Mari ban kɛnu fɔla Musa ye, a ya kuman-kan kɛnu natenbi mɔgɛnu ma. A ban, anu ya a ma iko Mari ya a fɔ Musa ye nya min. Anu ya Selemetila den-keminɛ wo bi ka bɔ a la dagɛ kɔma ka a mabon kuri la ha a fagara.

Yilan-Yilan Koe 15:36

Woletɔ Isirɛla mɔgɛnu ya a bi ka ta a la dagɛ kɔma ka a mabon. Anu ya a faga iko Mari ya a fɔ Musa ye nya min.

Luka 4:29

Anu ya anu nasɔ ka Yisa gben ko a ni bɔ soe burɔ. Anuna soe sɔnɛ kuru-gbilɔn-ba min kuma, anu tara Yisa la nyɔ alako anu ni a labui filon rɔ.

Yɔni 17:19

N bara n nyɛrɛ dantɛgɛ i ma anuna ko la alako anu fanan ni ma itɛ la fasai!

Yɔni 19:34

Hali wo, kɛlɛ-dan do ya tanbɛ bi ka Yisa sɔgɔ a tɔnkɔn rɔ. Yele anubɛ yi tugura anu nyɔgɔn fɛ.

Kɛwɔlɛnu 7:58

Anu ya a labɔ soe kɔma ka a mabon kuri la. Minnu ya sereyɛ bɔ a kan ma, wonu ya anuna durukinu to keminɛ do bolo min tɔgɛ Sɔli.

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Hiburunu 10:10

Yisa Kirasiti ya a fa Alla sako kɛ min kɛ, ma dama sɛninyara ka bɔ hakɛ rɔ wo le fɛ. A ya a nyɛrɛ fɛrɛ-bɔnkɛ ni sarakayɛ la iko kelen pe ka dan wo ma.

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!

Hiburunu 2:11

A ye mɔgɛnu sɛninyala ka anu bɔ anuna hakɛnu tɔ. Nba, Yisa wo, a ye minnu sɛninyala wo, anu dama Fa kelen de anu na. Woletɔ a ma miliya ka anu kele ko a na-kelen-nyɔgɛnu.

Yasowa 7:24

Ale Ekan wo, duruki wo, sɛnɛ wo, wodi-gbɛ wo, ala dannu wo, ala ninkinu wo, ala sofɛlɛnu wo, ala sagɛnu wo, ala fani-bon wo, anubɛ min bɛɛsi ye a bolo, Yasowa anubɛ Isirɛla mɔgɛ bɛɛ tara wo bɛɛ la Nanparan folo-wɛ la.

Lankɛnimayɛ 14:20

Anu ya nɔnbɔ-gbɔɛ radɔn soe kɔma. Yele bɔra nɔnbɔ-gbɔɛ radɔn tinɛ wo rɔ. A fara ka yɛlɛ iko bɛ. Ala yanyɛ si mɛli kɛmɛ fila bɔ. A rayanyɛ si nunkan-nya nani bɔ.