Hiburunu 12:9 - ALLALA KUMƐ

⁹ Ma fa minnu bi duninya kɛ rɔ, wonu bi ma kolola, ado ma ye wonu gbiliyala. Ni ma ye wonu gbiliyala, ma fa min bi Arinyɛni tɔ don? A fisa, ma ni ma famayigi wo kɔrɔ alako ma si ni-bɛrɛ sɔrɔn nya min.

Hiburunu 12:9 ပူးပေါင်းရင်းမြစ်များ

Yobu 12:10

Nima-fan bɛɛ niyi ye Alla le bolo. Hadama-dan fanan niyi ye ata sɛnbɛ kɔrɔ.

Bɔ-Koe-Iyipiti 20:12

“Wo ni wo fanu anubɛ wo nanu gbiliya. Woletɔ n bara wo yili-madiya nyamanɛ min na, wo si simayɛ sɔrɔn wo rɔ.

Hɛnkilimaya-Kumɛnu 30:17

Mɔgɛ min bi a na anubɛ a fa bɔrɔbɔla, a bɛnta, a furi-bolokanɛ ni to. Mansa-wala-kona anubɛ dogɛnu ni a furi dɔn.

Makawandili Kumɛnu 12:7

Ma fɛrɛ si sɛgi bɔnkɛ rɔ. Ma niyi wo si sɛgi Alla ma a bɔra kan min.

Aiseya 38:16

Mari, mɔgɛnu bi nyɔ i kelen pe lela ko la. N nakɛndɛya. N ni to n niyi la.

Aiseya 42:5

Alla ya san-kole dan ka a rafulen san ma. A ya dugu-kole dan anubɛ a rakɛ-fannu. A ya niyi di mɔgɛ bɛɛ ma. Mari Alla ye a fɔla ala wɔli-kɛlɛ ye ko

Aiseya 45:10

Dan si ke a fɔla a sɔrɔnnɛnu ma ko, “Nfenna ko la wo ya n nadan ka?”

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Isikiyɛli 22:7

Mɔgɔ-wo-mɔgɔ sa Yerusalɛm soe burɔ min si a sɔrɔnnɛnu gbiliya. Ala mɔgɛnu bi sundannu bolo labirala. Anu bi kelennɛnu anubɛ kɛɛ-musinu bolo labirala.

Saraka-Masɔlɛnuta Tɔnnu 19:3

Wo ni wo fanu anubɛ wo nanu gbiliya iko n ya a fɔ nya min wati tenbinɛ rɔ. Wo ni Sulen-Tele ma tele-latankanɛ la fanan. Nde, wota Mari Alla ya kɛ le fɔ wo ye.

Sakaraya 12:1

Mari min ya san-kole rafulen ka dugu-kole ladan ka hadama-dan-niyi bila a rɔ, Mari kelan wo le ya kumɛ kɛ fɔ Isirɛla ko la.

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Yilan-Yilan Koe 16:22

Kɔnɔ Musa anubɛ Aruna ya anu maburun dugi ma ka Mari madiya ko, “E, Mari, ma ya a lɔn ko Allatala le ile la. Ile le ya mɔgɔ niyi dan. I si ke ka mɔgɔ niyi bi. Kɔnɔ i si na mɔgɛ kɛ bɛɛ niyi tinya mɔgɔ kelen peta hakɛla ko la, wa?”

Yilan-Yilan Koe 27:16

“E, Allatala, ile min si niyi di mɔgɔ ma anubɛ ile min si niyi bɔ mɔgɔ rɔ, n bi i manyinikala ko kelen pe lela ko la. I ni ita mɔgɛ do yabɔ min si sɔ Isirɛla mɔgɛ kɛnu yarɔ kɛlɛ rɔ.

Luka 18:2

A ko, “Kiti-tɛgɛlɛ do taranta soe do rɔ nun. Ale ma kilan Allatala la, ado mɔgɛ fanan bɔrɔ sa a ye.

Luka 18:4

A mɛra, kiti-tɛgɛlɛ ma sɔn kɔnɔ tɔ-a-la, a ya a fɔ a nyɛrɛ ma ko, ‘Hali n kilanni ma Allatala la, ado mɔgɔ bɔrɔ sa n ye

Yɔni 3:6

Mɔgɔni-finyɛ si mɔgɔni-finyɛ sɔrɔn. Kɔnɔ Allata Ni-Sɛnimɛ le si niyi di mɔgɛ ma.

Kɛwɔlɛnu 2:30

Kɔnɔ nɛbi le nun. Alla ya lanyiri min kiri a ye, a ya wo lɔn. Alla ya a keli ko a si ale Dawuda bɔnsɔn do ma mansɛ la iko ale Dawuda ye nya min nun.

Romu 1:3

Kibara-nyimɛ wo tɛgɛnɛ Yisa le ma, Allala den-kei, kɔni, min sɔrɔnta Dawuda bɔnsɔn rɔ hadama-danta kilɛ fɛ.

Romu 9:5

Anu bɔra anu benbanu benba-tɔgɔlamɛnu denu tɔ, ado Allata-Mɔgɔ-Yabɔnɛ bɔra sibole kɛ le tɔ hadama-danta kilɛ fɛ. Alla min bi mansayɛ kɛla bɛɛ kuma, alamɛ wo ya tantolɛ sɔrɔn habadan, amina!

Tɔn-Fɔɛ-Fila-Nyɔgɛ 27:16

“ ‘Alamɛ Allata dankɛ taranta wo mɔgɛnu kuma minnu ti sɔn anu fa anubɛ anu na gbiliya-koe ma.’ “Anu si a labira ko, ‘Amina.’

Yemesi 4:10

Wo ni wo famayigi Alla ye. Ni min ya wo ma, a si wo mɔgɛ layɛlɛ.

Yemesi 4:7

Woletɔ wo ni wo famayigi Alla ye ka wo kan-kɔ sɔ Setanɛ la. Setanɛ si a buri wo kɔrɔ.

1 Pita 5:6

Nba, wo ni wo famayigi Alla-sɛnbɛmɛ-kɔɛn kɔrɔ, woletɔ a si wo layɛlɛ a wati-latɛgɛnɛ rɔ.

Lankɛnimayɛ 22:6

Wo kɔma, melika ya a fɔ n ye ko, “Kumɛ kɛnu, tonyɛ le. Mɔgɛnu si la wonu na. Mari Alla min ya ata Ni-Sɛnimɛ di nɛbinu ma, wo le ya ala melika sɔ ala wɔli-kɛlɛnu ma ka koe wonu yira anu na minnu bi nala mala tiriya!”