Hiburunu 12:5 - ALLALA KUMƐ

^5-6 Alla ya a fɔ wole, ala dannu ye ko, “Nna dan, nde, Mari tenbi i latelennna, i ni i tole masɔ n na a kin na! N tenbi i makumala, i yisi kana tinya, ado nde, Mari ara min bɛɛ keni, n si wonu bɛɛ kolo. N bi min bɛɛ rabirala iko nna dannu, n bi wonu denu tɔrɔla.” Wo ara nyina makawandili-kumɛ wonu ko, wa?

Hiburunu 12:5 ပူးပေါင်းရင်းမြစ်များ

Yobu 34:31

Nba, n fa Yobu, i wara i sɔn i hakɛ la Alla ye nun, ba? I wara a fɔ a ye nun ko i ti hakɛ kɛ tun?

Yaburi 118:18

A ara n tɔrɔ kosɛbɛ kɔnɔ a ma sɔn, n ni faga.

Yaburi 119:109

N mabɛnnɛ n ni-fili-koe la kɔnɔ hali wo, n ti nyina ita sereyanu ko.

Yaburi 119:16

Ila tɔnnu ya n nanyagalen. N yili ti bɔ ita sereyanu ko muk!

Yaburi 119:67

N sa kila-nyima fɛ nun, woletɔ i ya n tɔrɔ kɔnɔ n bi ita sereyanu birala kaka.

Yaburi 119:75

Mari, n ya a lɔn yati, ko ita kiti-tɛgɛ-nya telennɛ le sekeke! Ni i ye n tɔrɔla kɛ nya, n ya a lɔn ko lanaya-tigi le ile la.

Yaburi 119:83

Fenfen ma nde la. N mani de iko gbolo-bɔrɔ-kɔrɛ. Hali wo, n ma nyina ila tɔnnu ko.

Yaburi 94:12

Mari, ile ya mɔgɛ min nabila, wo sewani de bɛrɛbɛrɛ-wɛ-kɛ, ile ya min karan tɔn ma, kɔni.

Hɛnkilimaya-Kumɛnu 3:1

nna den, i kana nyina nna karan ko. I ni nna kumɛnu namara i yisi rɔ.

Hɛnkilimaya-Kumɛnu 4:5

I si hɛnkilimayɛ anubɛ ko-kɔrɔ-lɔn sɔrɔn. N bara min fɔ i ye, i kana nyina wo ko ka i kan-kɔ sɔ a la.

Yɛrɛmaya 31:18

Mari ko a ara Isirɛla mɔgɛnu karanton-kan lamɔɛn. Anu bi a fɔla ko, “Mari, i wara ma tɔrɔ, ado ma ara hɛnkili sɔrɔn. Ma mani de nun iko ninki-den-kolobɛlɛ. Ta ma la ma warɛ. Ma si sɛgi i ma. Tonya-bɛrɛbɛrɛ, mata Mari Alla le ile la.

Nimisa Koe 3:39

Mari tenbi hadama-dan tɔrɔla a hakɛla ko la, nfenna a ye gbɛngbɛrɛnna?

Luka 24:6

A sa yan. A la ara wuli. Wo ye Kalili tumɛ min, a ya min fɔ wo ye, wo ni wo hɛnkili to wo ko.

Luka 24:8

Wo kɔma, musinu ya anu hɛnkili lamiri Yisala kumɛnu ma.

1 Kɔrɛnti 11:32

Mari ye ma kitila ka ma tɔrɔ kaka alako mabɛ dɛnkɛninyabɛlɛnu kana halaki ma nyɔgɔn fɛ kiti-tɛgɛ-lunyɛ.

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.

1 Timoti 1:20

Wo do le Haimɛneyasi anubɛ Alɛsanda la, n bara minnu nadon Setanɛta sɛnbɛ kɔrɔ. N ya wo ma alako anu ni fara kuma-yogoma-fɔɛ la Alla ma.

Hiburunu 12:7

Wo ye tɔrɔla wo fala kolole min bolo, wo ni wo munyu wo fanan kɔrɔ bawo wo ye tɔrɛ min kun na, wo ye a yirala ko Alla le ye wo birala iko ala dannu. Dan do ye nyɔ, min fa ti a kolo?

Hiburunu 13:22

N na-kelen-nyɔgɛnu, n bi wo madiyala, wo ni wo munyu ka wo tole masɔ makawandili-kumɛ kɛ la. N bara kɛdi min sɛbɛ wo ma kɛ, wo ma yan.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.