Hiburunu 12:3 - ALLALA KUMƐ

³ Yisa ya min bɛɛ ma wo ye, wo ni wo miri wo le ma. A ya a munyu hakɛ-tiginuna wunduyogoyɛ kɔrɔ. Woletɔ wo yigi kana tɛgɛ. Wo kana bandan mumɛ!

Hiburunu 12:3 ပူးပေါင်းရင်းမြစ်များ

Hɛnkilimaya-Kumɛnu 24:10

Mɔgɛ min ti ke a munyuna tɔrɔyɛ rɔ, yutoe le wo tigi la.

Aiseya 50:4

Ma Tigi Mari ya n karan kuma-bole ma alako n ni mɔgɔ-rafaganɛnu tagbɛlɛya. A si n nakunden sɔgɔma-wo-sɔgɔma. A si n karan ka n tole masɔ a la iko karan-dan.

Matiyu 11:19

Nde, Hadama-danla nɛ, n ya fen dɔn ka n min. Bɛɛ ko, ‘Kei kɛ mafɛlɛn! Nugulamɛ anubɛ gbɛɛ-minnɛ le. Duti-makelelɛnu anubɛ hakɛ-tiginu diyana-mɔgɛ le.’ Hali wo, Allata hɛnkilimayɛ ara yen ata kɛwɔli-latelennɛnu fɛ ko tonyɛ le.”

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Matiyu 15:2

“Nfenna ila karan-dannu sa ma benbanuta karan birala? Yanni anu ni fan dɔn, anu ti anu bole laku mumɛ iko a sɛbɛnɛ tɔn rɔ nya min!”

Matiyu 21:23

Yisa tara Alla-Bato-Bɔn la tun. A ye mɔgɛnu karanna tumɛ min, saraka-masɔla-wɛnu anubɛ Yahudiya-kɛmɔgɛnu nara a wara ka a manyinika ko, “I ye koe kɛnu kɛla nfen sɛnbɛ la? Yon ya sɛnbɛ kɛ di i ma?”

Matiyu 21:46

Woletɔ anu ya anu taya a bira-koe ma. Kɔnɔ anu kilanta nyama la minnu bi anu mirila Yisa ma ko nɛbi le.

Matiyu 22:15

Farisinu tara ka gbundu kiri anu si ta Yisa da-kɔrɔbɔ nya na.

Luka 14:1

Sulen-Tele do ma tun, Yisa tara fen dɔn tinɛ Farisi-malɔnnɛ do warɛ. Nba, mɔgɔ siyaman yɛ sɔnɛ Yisa la.

Luka 15:2

Farisinu anubɛ tɔn-karan-mɔgɛnu wulita gbunyala ko, “Kei kɛ ye Alla-batobɛlɛnu tabirala ka fen-dɔn-kɛ anu fɛ!”

Luka 16:14

Farisinu ya kɛ bɛɛ lamɔɛn tumɛ min, anu ya Yisa mayɛlɛn bawo wodi di anu ye kati!

Luka 2:34

Simiyɔn duwara anu ye ka a fɔ a na Mariyama ye ko, “Alla ara dennɛ kɛ yabɔ ka a ma tamasere la min si a ma, Isirɛla mɔgɔ siyaman si bui. Kɔnɔ a si ma kisi-koe la fanan mɔgɔ siyaman ye. Isirɛla mɔgɔ siyaman si anu ban a la.

Luka 5:21

Tɔn-karan-mɔgɛnu anubɛ Farisinu wulita anu nyɔgɔn sɔsɔla ko, “Yon bi kei kɛ la min bi Alla lafɛyala? Mɔgɔ-wo-mɔgɔ ti ke hakɛ makotola fɔ Alla kelen pe!”

Yɔni 10:20

Anu siyaman ya a fɔ ko, “Nyinatoe le! A ara yuwaya! Mɔgɔ si a tole masɔ wo la nfenna?”

Yɔni 18:22

Yisa ya kɛ fɔ tumɛ min, Alla-Bato-Bon kandannɛ minnu bi nyɔ, kelen ya a dɛ ratii. A ko, “I ye kumala saraka-masɔla-kun-tigi-wɛ ye ka le?”

Yɔni 5:16

Ka a tɛgɛ wo ma, Yahudiyanuna kun-tiginu ya a lagbɛlɛyɛ dabira Yisa ma bawo a ya mɔgɛ lakɛndɛya Sulen-Tele ma.

Yɔni 7:12

Nyama wo ye sɔsɔli sala anu nyɔgɔn tɛma wɛwɛ-kumɛ rɔ. Donu ko, “Mɔgɔ-nyimɛ le.” Donu ko, “Ade, yanfante le dɔrɔn.”

Yɔni 8:13

Farisinu ya a fɔ a ye ko, “I ye sereyɛ le bɔla i nyɛrɛla ko la kɛ la. I ye kuma-fuyi le fɔla wo la.”

Yɔni 8:52

Yahudiyanuna kun-tiginu ya a fɔ a ye ko, “Ma ara la a la serr, ko nyinatoe le ile la. Iburayima ara faga, nɛbinu bara faga, hali wo, ile ko min ba ila kumɛ bira, wo ti faga habadan!

Yɔni 8:59

Anu ya kurinu bi ko ka a mabon kɔnɔ Yisa ya a dogon anu ma. A bɔra Alla-Bato-Bɔn la.

Yɔni 9:40

Farisi minnu bi a fɛ nyɔ, wo donu ya a kan lamɔɛn kɛ fɔla. Anu ya a manyinika ko, “A ye i kɔntɔ ko male fanan, fiyɔn le?”

1 Kɔrɛnti 15:58

Woletɔ n na-kelen-nyɔgɛnu, wo ni wo sɔ gben! Wo ni to wɔlila Mari ye tuma-wo-tuma bawo wo ya a lɔn ko wo ye min kɛla Marita wɔlɛ rɔ, wo ti ma fuyi la mumɛ!

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

2 Kɔrɛnti 4:16

Ka a tɛgɛ wo ma, ma ti bandan, ado hali ma bagbuyi ye fagala doni-doninyɛ ma, ma niyi min bi ma rɔ, wo ye kurayala tele-wo-tele.

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.

Tɔn-Fɔɛ-Fila-Nyɔgɛ 20:3

‘Wole Isirɛla mɔgɛnu, wo ni wo tole masɔ n kuman-kan la. Wo ni wo yisi gbɛlɛya. Wo kana kilan wo yogenu na ka wo buri anu kɔrɔ.

2 Tɛsalonaika 3:13

Kɔnɔ ma na-kelen-nyɔgɛnu, wo kana bandan ko-nyima-kɛ la.

Hiburunu 12:2

Ma ni la Yisa la dɛɛ bawo ale le ye mala dɛnkɛninyɛ dabirɛ anubɛ ala ban la. A ma a ban faga-koe ma kɔlɔma ma! Miliyɛ wo bɔrɔ ma taran a ye. A fonde latɛgɛnɛ sewɛ wola ko la min siginɛ a yarɔ, ado a siginɛ Alla kɔɛn-nyimɛ rɔ kaka.

Hiburunu 12:5

Alla ya a fɔ wole, ala dannu ye ko, “Nna dan, nde, Mari tenbi i latelennna, i ni i tole masɔ n na a kin na! N tenbi i makumala, i yisi kana tinya, ado nde, Mari ara min bɛɛ keni, n si wonu bɛɛ kolo. N bi min bɛɛ rabirala iko nna dannu, n bi wonu denu tɔrɔla.” Wo ara nyina makawandili-kumɛ wonu ko, wa?

Hiburunu 3:1

N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!

1 Pita 2:23

Anu ya a lafɛya tumɛ min, a ma atɛ lasɛgi ka anu fanan nafɛya. A tɔrɔta tumɛ min, a ma a kɔnkɔn fɔ ka a yigi sa Alla rɔ, bɛɛta kiti-tɛgɛla-latelennɛ, kɔni.

Lankɛnimayɛ 2:3

Wo ara wo munyu nyagbɛ kɔrɔ ka tɔrɔyɛ sɔrɔn ndela ko la. Wo ma kuri.

1 Samuwɛli 12:24

Wo ni Marila tɔnnu bira ka ata wɔlɛ kɛ wo yisi bɛɛ la. A ya ko-makawanɛ minnu ma wo ye nun, wo ni wo miri wonu ma.