Hiburunu 11:7 - ALLALA KUMƐ

⁷ Dɛnkɛninyɛ le fɛ, Nowa ya Allata kawandilɛnu namɔɛn ka a bɛn koe minnu bi nala yarɔ, a ti ke minnu yenna. A ya Allala kumɛ bira ka kulɔn ladan, anubɛ ala denbayɛ kisira min tɔ. Ata kuma-birɛ le ya a ma, Alla ya duninya bɛɛ halaki, ado Nowa ya telenbagayɛ sɔrɔn Alla bolo dɛnkɛninyɛ le fɛ.

Hiburunu 11:7 ပူးပေါင်းရင်းမြစ်များ

Ko-Dabirɛnu 19:14

Lɔti bɔra ka ta a fɔ a birannu ye minnu bara ala dunmusu filɛ mabira nun ko, “Wo ni wo bɔ yan soe kɛ burɔ kamasɔrɔn Mari si soe kɛ halaki.” Anu ya a lɔn nun ko a ye yokaliyɛ le la.

Ko-Dabirɛnu 6:13

Alla ya a fɔ Nowa ye ko, “Mɔgɛ bɛɛ lato-wati ara ke kamasɔrɔn duninya bɛɛ fanɛ karagbɛlɛyɛ la. N si mɔgɛ bɛɛ halaki duninya rɔ anubɛ fan min bɛɛsi ye dugu-kole kuma.”

Ko-Dabirɛnu 6:22

Nowa ya a ma iko Alla ya a fɔ a ye nya min.

Ko-Dabirɛnu 6:9

Den-kei mɔgɔ sawa ye Nowa bolo nun, Sɛma wo, Hama wo, anubɛ Yefɛti. Duninya fanɛ wunduyogoyɛ anubɛ karagbɛlɛyɛ la kɔnɔ wo wati rɔ, Nowa kelan le mɔgɔ-latelennɛ la Alla yala duninya rɔ. Nowa tora Allala kilɛ fɛ.

Ko-Dabirɛnu 7:5

Nowa ya a ma iko Mari ya a fɔ a ye nya min.

Ko-Dabirɛnu 8:16

“Wobɛ ila musi ni bɔ kulɔn rɔ anubɛ ila den mɔgɔ sawɛ anubɛ wonuna musu mɔgɔ sawɛ.

2 Mansɛnu 4:5

Anu tara miran wonu sinka iko nɛbi wo ya a fɔ a ye nya min. Anu donta bɔn la ka dɛ latogon. Ala dan wonu tenbi miran minnu sigila, ale ye tuli kɛla wonu tɔ ka bɔ ala tulu-bara-dɔgɔmanɛ wo rɔ.

Yobu 35:8

I hakɛ ye i hadama-den-nyɔgɛnu denu tɔrɔla dɔrɔn. I ya ko-nyima wo ko-nyima ma, wo tɔnɛ si to wonu denu ye.

Hɛnkilimaya-Kumɛnu 22:3

Hɛnkilimɛ si tɔrɔyɛ yen nala yarɔ, a ni a masangba. Kɔnɔ kun-takolɔn wo pɔrɔka-pɔrɔkɛ le ye tala a kun fɛ ka ta a kian layigi nanparan rɔ sokobo! Yarɔ gbɛ, a ni nimisa.

Hɛnkilimaya-Kumɛnu 27:12

Hɛnkilimɛ si tɔrɔyɛ yen nala yarɔ, a ni a masangba. Kɔnɔ kun-takolɔn wo ye tala a kun fɛ pɔrɔka-pɔrɔkɛ ka ta a kian layigi nanparan rɔ sogobo! Fɔ yarɔ gbɛ, a ni na to nimisala.

Isikiyɛli 14:14

Nowa wo, Danɛli wo, Yobu wo, ni wonu denu bi nyamanɛ wo rɔ nun, anuna kɛwɔli-nyimɛ ti mɔgɔ-wo-mɔgɔ kisi fɔ anu nyɛrɛ. Nde, wo Tigi Mari kan le kɛ la.

Isikiyɛli 14:20

Ni n ya wo ma, hali Nowa anubɛ Danɛli anubɛ Yobu taranta nyamanɛ wo rɔ nun, n bara n keli n nyɛrɛ rɔ ko hali anuna dannu, anu ti ke wonu nakisila fɔ anuna telenbagayɛ, wo le ye anu kisila.”

Isikiyɛli 33:5

A gbɛ le ala fagalɛ wo la bawo a ya a tengberenya le. Ni a ma a tengberenya, bole ti sa a rɔ.

Matiyu 2:12

Kɔnɔ Alla ya hɛnkilimɛ wonu nalɔn kiyo rɔ ko anu kana sɛgi Mansa Hɛrodi wara tun, woletɔ anu sɛgira anu barɛ kila-gbɛrɛ fɛ.

Matiyu 24:15

“Nɛbi Daniyɛli ya kisimiriya-koe minna ko fɔ, wo si wo sɔnɛ yen Kan-Tina-Sɛnimɛ rɔ Alla-Bato-Bɔn la. (Minnu bi kɛ karanna, anu ni anu taya a kɔrɛ-lɔn-koe ma!)

Matiyu 24:25

Wo ni wo tole masɔ! N bara kɛ fɔ wo ye yanni a wati ni ke.

Matiyu 24:38

Yanni yi-belebele ni na, mɔgɛnu bi fan dɔnna ka anu min. Keinu bi musinu furula. Anu bi musinu dila keinu ma, ha Nowa donta kulɔn rɔ tele min tɔ.

Matiyu 3:7

Yɔni ya Farisi anubɛ Sadusi siyaman yen nala a wara tumɛ min anu batasi-koe la, a ya a fɔ anu ye ko, “Wo sɔn yogo iko duguma-fannu. Allala diminyɛ min bi nala, yon ya a fɔ wo ye ko wo si ke bɔla wo kɔrɔ?

Luka 17:26

Nde, Hadama-dan ta wati si ma iko koe minnu kera Nowata wati rɔ.

Romu 1:17

Kibara-nyimɛ ye a ragbɛla ko Alla ye mɔgɛnu natelenna a nyɛrɛ ye dɛnkɛninyɛ le fɛ. A da si bira dɛnkɛninyɛ fɛ, ado a la si ban dɛnkɛninyɛ ma. Iko a sɛbɛnɛ Allala kitabu rɔ nya min, a ko, “Alla si mɔgɛ min natelen a nyɛrɛ ye dɛnkɛninyɛ fɛ, wo le si habadan-nimayɛ sɔrɔn.”

Romu 10:6

Kɔnɔ min sɛbɛnɛ Allala kitabu rɔ ka a bɛn latelen-koe ma Alla yala dɛnkɛninyɛ fɛ, wo kɛ-koe ma gbɛlɛ. A ko, “Hali i ma nyinikalɛ kɛ ko, ‘Yon si ta Arinyɛni tɔ’ ” (ka na Kirasiti la duninya kɛ rɔ).

Romu 3:22

A si bɛɛ latelen dɛnkɛninyɛ fɛ Yisa, Allata-Mɔgɔ-Yabɔnɛ ma, kɔni. Mɔgɛ bɛɛ kelen Alla ya la bawo

Romu 4:11

Iburayima telenta Alla yala ka a tɛgɛ ata dɛnkɛninyɛ ma. Wo kɔma, a kemininyara alako ala kemininyɛ ni ma koe kɛnu tamasere la. Woletɔ minnu bara dɛnkɛninya Alla ma, Iburayima mara wonu bɛɛsi benba la. Alla ara wonu lɔn mɔgɔ-latelennɛ la, hali anu kemininyabɛlɛ.

Romu 4:13

Alla ya lanyiri kiri Iburayima anubɛ a bɔnsɔn ye ko duninya si ma anutɛ la. Ka a fɔ ko a ya lanyiri kɛ kiri bawo Iburayima ya Allata tɔn-kitabu bira, wo ma. Kɔnɔ a kirita ala dɛnkɛninyɛla ko la. Woletɔ Alla ya a lɔn mɔgɔ-latelennɛ la,

Romu 9:30

Ma si nfen fɔ worɔ? Sibolo-gbɛrɛ minnu sa anu tayala nun ka anu nyɛrɛ latelen Alla ye, wonu denu bara telen a ye dɛnkɛninyɛ baraka rɔ.

Kalesiya 5:5

Male min tonɛ Allata Ni-Sɛnimɛ baraka rɔ, Alla ara fan min lanyiri kiri, ma gbarannɛ ma nyɛrɛ la wo bɛɛ-sɔrɔn-koe la. A ya lanyiri wo kiri anu ye minnu telennɛ a ye dɛnkɛninyɛ fɛ,

Filipai 3:9

N bi a fɛ, n ni tugun ale la feu! N nyɛrɛta telenbagayɛ wo fenfen sa n bolo tun. Mɔgɛ si tɔnɛ sɔrɔn koe minnu fɛ iko tɔn-birɛ, n bara n kan-kɔ sɔ wonu na. N bara telenbagayɛ min sɔrɔn Kirasiti rɔ, wo le ye n bolo kaka. Telenbagayɛ wo bɔnɛ Alla le bolo. A suli ye dɛnkɛninyɛ le tɔ.

Hiburunu 11:1

Minnu dɛnkɛninyanɛ Alla ma, anu lanɛ a la ko anu yigi sanɛ fan min kuma, Alla le si wo di anu ma. Anu ma min yen bɛ, anu lanɛ wo la ko Alla le si wo di anu ma feu!

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

Hiburunu 8:5

Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”

1 Pita 3:20

Wo tumɛ Nowa ye kulɔn ladanna, Alla ya a munyu mɔgɔ wonu kɔrɔ kati, bawo anu ma sɔn ala kumɛ birala. Mɔgɔ siyaman ma don kulɔn wo rɔ fɔ anu mɔgɔ segin pe minnu kisira yi-fɛ wo ma,

2 Pita 1:1

Nde, Saimon Pita ye kɛdi kɛ sɛbɛla, nde min bi Yisa Kirasitila wɔli-kɛlɛ anubɛ kilayɛ la, kɔni. Minnu bara dɛnkɛninya-bɛrɛbɛrɛ-wɛ sɔrɔn iko male, n bi kɛ sɛbɛla wonu denu ma. Anu ya wo sɔrɔn ma Kisilɛ Yisa Kirasitila telenbagayɛ baraka le tɔ, mata Alla, kɔni.

2 Pita 2:5

Alla ma fɔlɔ-mɔgɛnu fanan yamasansan. A ya yi-wa-belebele lana mɔgɔ-yogomɛ wonu kuma. A ya minnu kisi, fɔ Nowa anubɛ ala denbayɛ mɔgɔ wɔrɔnfila. Nowa ya kawandili bɔ ka a bɛn telenbagayɛ ma.

2 Pita 3:6

Duninya-kɔrɔmɛ wo halakira yi kelan wo fanan na, yi-wa-belebele, kɔni.