Hiburunu 11:6 - ALLALA KUMƐ

⁶ ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 11:6 ပူးပေါင်းရင်းမြစ်များ

Ko-Dabirɛnu 15:1

Kɛlɛ kɛnu kanɛ a la, Mari ya a yiraka Burama la. A ya Mari kuman-kan lamɔɛn ko, “Burama, i kana kilan. Nde si i latanka ka i barayi boi!”

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

Yobu 21:14

Karagbɛlɛnu bi a fɔla Alla ma ko, “Fara ma la. Ma sa nyinina i wara-koe lɔnna.

Yaburi 106:24

Anu ma la Allata lanyiri la min kɛ, woletɔ anu ya anu ban nyamani-hakikɛ wo la.

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 58:11

Tɔ-a-la, mɔgɛnu si a fɔ ko, “Telenbagɛnu si barayi sɔrɔn yati!” Wo kɔma, anu si a fɔ ko, “Tonyɛ le wo la, yɔ! Alla ye nyɔ min bi duninya kitila.”

Yaburi 73:28

Ni ndetɛ le, a fisa, mɔgɔ ni a gbɛrɛn Alla ma. Nde ara a ma, n tigi Mari ni n nakanan ka to ala kɛwɔli-nyimɛnu takaranna mɔgɛnu ye, wo fanan di n ye.

Yaburi 78:22

bawo anu ma la a la. Anu ma la a la ko a si ke anu kisila le.

Yaburi 78:32

Kɛ damasi rɔ, a mɔgɛ toenu tora hakɛ kɛla tolon! Hali Mari ara ala kabana-koe bɛɛ ma, anu ma la a la.

Hɛnkilimaya-Kumɛnu 11:18

Karagbɛlɛnu si sarɛ min sɔrɔn, wo si a baya kɔnɔ mɔgɔ-telennɛta barayi bɛnta a ma.

Hɛnkilimaya-Kumɛnu 8:17

Ni min ya n keni, wo tigi si diya n ye. Ni min ya n nyini, wo tigi si n yen.

Aiseya 55:3

A ko wole, ata mɔgɛnu, wo ni wo tole masɔ a la ka wo gbɛrɛn a ma. Wo ni wo tole masɔ a la. A si niyi di wo ma. A ko a si habadan-lanyiri kiri wo ye iko a ya Dawuda yili-madiya nya min ata keninteya-dan-natɛgɛbɛlɛ la.

Aiseya 7:9

A ko Isirɛla mɔgɛnu ta ma gbɛlɛ ka ke anuna so-karantan Samariya kɛnu tɔ. Samariya kɛnu fanan ta ma gbɛlɛ ka ke anuna Mansa Peka rɔ. Mari ko ni wo ya a kuman-kan to a gbɛ rɔ, wo si simayɛ sɔrɔn.

Yɛrɛmaya 2:31

Wole Isirɛla mɔgɛnu, wo ni wo tole masɔ ale Mari kan la! A ko a mani ma wo ye nun iko wula-da-rakolɔn. A ko a mani ma wo ye iko nyamani-makilanni-tapinpini-bɛ. A ko nfenna wo rɔ wo ye a fɔla ko min di wole ye, wo ye wo le mala? Nfenna wo ye a fɔla ko wo ti sɛgi a ma tun?

Yilan-Yilan Koe 14:11

Mari ya a fɔ Musa ye ko, “Mɔgɛ kɛnu si anu ban n na ha wati nyamintan? Hali n bara kabana-ko-siyaman min kɛ anu yala kɔnɔ ha bi, mɔgɛ kɛnu ma la n na.

Yilan-Yilan Koe 20:12

Kɔnɔ Mari kumara Musa anubɛ Aruna ma. A ya a fɔ anu ye ko, “Bawo wo ma la n na ka nta kumɛ bira ka nta gbiliyɛ anubɛ nta fanka yira mɔgɛnu na min kɛ, woletɔ wo ti sɔ mɔgɛ kɛnu yarɔ ka ta anu na lanyiri-nyamanɛ rɔ n bara min di wo ma.”

Matiyu 11:26

Ɔnde, n Fa, ado wo bɛɛ ara i wasa ka a ma wo nya.

Matiyu 5:12

Wo ni sewa ka nyagalen bawo barayi-ba maranɛ wo ye Arinyɛni tɔ, ado anu ya fɔlɔ-nɛbinu bira boloko-yogomɛ-kɛ wo nya na le nun.

Matiyu 6:16

“Wo wa sunyɛ don tumɛ min, wo kana wo yakɔrɛ sa-a-rɔ iko nyɛrɛ-mayiralɛnu si a ma nya min. Anu kɛnɛna anu nyɛrɛ makinikinina alako mɔgɛnu ni a lɔn ko anu bi sunyɛ le tɔ. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

Maraka 16:17

Tamasere-sɛnbɛmɛ kɛnu si taran dɛnkɛninya-mɔgɛnu fɛ. Anu si nyinɛnu gben n tɔgɛ rɔ. Anu si kan-gbɛrɛnu fɔ.

Luka 12:31

Min fisa, wo ni Allala mansayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Yɔni 14:6

Yisa ya a yabi ko, “Kilɛ le nde la anubɛ tonyɛ anubɛ niyi. Mɔgɔ-wo-mɔgɔ ti ta n Fa Alla warɛ nde kɔma.

Yɔni 8:24

Woletɔ n ya a fɔ ko wo si faga wola hakɛnu tɔ. Nba, ni wo ma la a la ko ale le nde la, wo si faga wola hakɛnu tɔ serr!”

Romu 10:14

Kɔnɔ anu si Mari rakele kama, ni anu ma dɛnkɛninya a ma wɛ? Anu si dɛnkɛninya a ma kama, ni anu ma ala sarakanɛ wo lamɔɛn bɛ? Anu si sarakanɛ wo lamɔɛn kama, ni mɔgɔ ma a fɔ anu ye?

Kalesiya 5:6

ado ni ma lara Yisa Kirasiti la, ma kemininyanɛ anubɛ ma kemininyabɛlɛ, kelen de wonu na. Min kolo, wo le mala dɛnkɛninyɛ min si a ma, keninteyɛ ni to ma tɛma.

Hiburunu 11:26

A ya a lɔn ko ka tɔrɔ Kirasitila ko la, wo tɔnɛ kolo Iyipiti nɔnfuli bɛɛ ko. A ya a yɛ sɔ barayi-natoenu na.

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

Hiburunu 4:2

Male fanan bara kibara-nyimɛ lamɔɛn iko anu denu. Anu ya karan wo lamɔɛn kɔnɔ wo ma ko-wo-ko nyinya anu ma bawo anu ya a lamɔɛn tumɛ min, anu ma la a la nun ko Alla si a ma, anu ni anu sulen.

Hiburunu 4:6

Minnu fɔlɔn ya kibara-nyimɛ lamɔɛn, wonu ma anu sulen tinɛ sɔrɔn bawo anu ma dɛnkɛninya Alla ma. Kɔnɔ donu bi nyɔ minnu si sulen tinɛ sɔrɔn, yɔ!

Hiburunu 7:19

Alla ya tɔn min di Nɛbi Musa ma, wo ma ke ko-wo-ko munanfagala bawo ma ara yigi-bɛrɛ sɔrɔn kaka. Ma dama ye ma gbɛrɛnna Alla ma, wo le baraka rɔ.

Hiburunu 7:25

ado minnu bi nala Alla ma Yisa baraka rɔ, ale le si ke wonu nakisila feu, bawo a ye a kɛndɛ la habadan! A ye Alla madiyala wonu ye tɛban!

2 Pita 1:10

Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!

2 Pita 1:5

Wola ko la, wo ni wo se-koe-bɛɛ kɛ ka nyimayɛ sa wola dɛnkɛninyɛ kuma. Wo ni lɔnnɛ fanan sa wola nyimayɛ kuma.

2 Pita 3:14

Woletɔ n diyana-mɔgɛnu, wo tenbi tele wo makɔnɔna, wo ni wo se-koe-bɛɛ kɛ ka ma mɔgɔ-sɛnimɛnu na Alla yala ka to yisi-kimɛ rɔ a fɛ dɛɛ!

Lankɛnimayɛ 21:8

Kɔnɔ a kilandɔgɔ wo, a lanayabɛlɛ wo, a haramu-ko-kɛla wo, a mɔgɔ-fagala wo, a yɛlan wo, minnu bi duriyɛ kɛla wo, minnu bi bɛsɛnu kɔla wo, anubɛ foninya-fɔlɛ bɛɛ, wonu barɛ le ta-dalɛ wo la. Dalɛ wo ye mintanna tɛ anubɛ munku-gbɛ le la. Sayɛ fila nyɔgɛ le wo la.”

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”