Hiburunu 11:34 - ALLALA KUMƐ

³⁴ Anuna dɛnkɛninyɛ le ya a ma, ta-belebelenu nadufenta, anu natankara faga-koe ma faan la. Anu sɛnbɛ sa nun kɔnɔ anu mara kɛlɛ-kurugbɛnu na. Anu ya sɛnbɛ sɔrɔn kɛlɛ rɔ hali ka nyamanɛ gbɛrɛkɛnuna kɛlɛ-dannu nɔ.

Hiburunu 11:34 ပူးပေါင်းရင်းမြစ်များ

1 Mansɛnu 19:1

Mansa Ehabu tara a dantɛgɛ ala musi Yɛsɛbɛli ye. Nɛbi Ilaya ya koe min bɛɛsi ma anubɛ a ya Beyalita nɛbinu faga nya min, a ya wo bɛɛ rakaran a ye.

1 Mansɛnu 19:3

Nɛbi Ilaya kilanta dɔgɔma-ma-de! A ya a buri. Anubɛ ala wɔli-kɛlɛ tara Biri-Siba soe burɔ Yuda nyamanɛ rɔ. Anu ke nyɔ, a ya ala wɔli-kɛlɛ wo to nyɔ.

2 Mansɛnu 6:1

Lunyɛ do, Nɛbi Ilaisala karan-den donu nara anu masigima-koe fɔ a ye ko, “Mala bɔn radɔgɔ.

2 Mansɛnu 6:32

Mansɛ wo ya mɔgɛ do lata Nɛbi Ilaisa ma. Wo wati ya a taran, Nɛbi Ilaisa anubɛ mɔgɔ-ba donu siginɛ ale Nɛbi Ilaisala bɔn la. Yanni mɔgɛ wo ni ke, a ya a fɔ mɔgɔ-ba wonu ye ko, “Mansɛ mɔgɔ-fagalɛ, ala mɔgɛ wo ara na n kunyɛ tɛgɛ tinɛ a la. Ni a kera yan, wo ni kɛ dɛ ma ka a latogon gbuturu! Wo kana sɔn, a ni don n kuma muk! Ale mansɛ nyɛrɛ ye nala a kɔma serr!”

Yobu 42:10

Yobu ban madiyali kɛla a diyana-mɔgɔ sawɛ wonuna ko la, Mari ya a ma, ale Yobu mara-a-la tun. Ala nɔnfuli min tinyanta a bolo nun, a ya wo nyɔgɔn sigi tina fila sɔrɔn.

Yobu 5:20

A si kɔnkɔ-fitinɛ latenbi i kun na. A si i lakisi kɛlɛ rɔ.

Yaburi 124:7

Ma kunyɛ bɔra a rɔ iko kona wa a porokɔlɔ gbɛrɛ la nya min. Gbɛrɛ-yili wa tɛgɛ, ma la ara fɛrɛ.

Yaburi 144:10

I ye nɔlɛ dila mansɛnu ma ka nde, ila wɔli-kɛlɛ Dawuda latanka.

Yaburi 6:8

Wole ko-yogoma-kɛlɛnu, wo ni wo bɔ n fɛ bawo Mari ara n di-kɛ-kan lamɔɛn.

Yaburi 66:12

I ya a ma, ma yogenu ya ma ratɛntɛn anu kian la. Ma tɔrɔta nun iko mɔgɛ min bi tɔrɔya-dagɛ rɔ. Kɔnɔ kaka gbɛ, i wara na ma la ma lafɛrɛ tinɛ.

Aiseya 43:2

A ko ma tenbi dumɛ tɛma, a ye ma fɛ nyɔ rɔ. Ma kunyɛ ti to tɔrɔyɛ wo rɔ. Hali ma tenbi tɛ tɛma, a ko ma ti mintan. Ma kunyɛ ti to gbɛlɛyɛ wo rɔ.

Yɛrɛmaya 26:24

Kɔnɔ Safanna den Ahaikam ye nde, Yɛrɛmaya dɛnbɛna min kɛ, anu ma n don wole bolo ka n faga.

Luka 21:24

Donu si faga faan la. Donu si ta yɔɔnyɛ rɔ nyamanɛ bɛɛ rɔ. Sibolo-gbɛrɛnu si Yerusalɛm radɔn ha anuta wati ban tumɛ.

1 Pita 4:12

N diyana-mɔgɛnu, wo ye tɔrɔya-belebele min sɔrɔnna kɔrɔbɔlɛ rɔ, wo kana kawa wola ko la. Ko-kura ma wo la iko min nyɔgɔn ma duri kɛla.

Kɛlɛ-Kurugbɛnu 15:8

A kɛra anu ma wuyan, ka anu siyaman faga. Wo kɔma, a tara mɛ Itam faran la.

1 Samuwɛli 18:11

Mansa Sɔli ya a miri a yisi rɔ ko a si Dawuda gbangban dandan ma ala tanbɛ wo la. A ya tanbɛ lakɛ Dawuda ma iko fila kɔnɔ hali wo, Dawuda ya a bɔ wonu kɔrɔ.

1 Samuwɛli 19:10

Mansa Sɔli ya tanbɛ fili Dawuda ma alako ka a gbangban dandan ma kɔnɔ Dawuda ya a bɔ tanbɛ wo kɔrɔ ka a buri. Tanbɛ wo gbangbannɛ tora dandan ma.

1 Samuwɛli 20:1

Rema soe tɔnkɔn do min tɔgɛ Neyɔti, Dawuda bɔra nyɔ. A tara Yonatan warɛ. A ke nyɔ, a ya a manyinika ko, “N ya nfen ma? N bara nfen ko-sufa tinya? N bara nfen ko-yogoma ma i fa la min bi a tola n faga-sɔgɛ ye a la?”