Hiburunu 11:26 - ALLALA KUMƐ

²⁶ A ya a lɔn ko ka tɔrɔ Kirasitila ko la, wo tɔnɛ kolo Iyipiti nɔnfuli bɛɛ ko. A ya a yɛ sɔ barayi-natoenu na.

Hiburunu 11:26 ပူးပေါင်းရင်းမြစ်များ

Yaburi 37:16

Fen-dɔgɔmanɛ min bi mɔgɔ-nyimɛnu bolo, wo fisa karagbɛlɛnuta fen-belebele-wɛ ko

Yaburi 69:20

Anu bi n mamɔɛnna nya min, wo ara n yisi tinya pɔ, ado wo ara a ma, n yigi ara tɛgɛ gbati! N ya a lɔn nun ko do si hina n na nun kɔnɔ n ma mɔgɔ-den-kelen yen min si hina n na anu tɔ.

Yaburi 69:7

Anu bara n mamɔɛn ilela ko la. N bara miliya dɔgɔma-ma-de!

Hɛnkilimaya-Kumɛnu 11:18

Karagbɛlɛnu si sarɛ min sɔrɔn, wo si a baya kɔnɔ mɔgɔ-telennɛta barayi bɛnta a ma.

Hɛnkilimaya-Kumɛnu 23:18

Ni wo mara, i wara-koe si to sabatila dɛɛ.

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Matiyu 10:41

Min ba Allala kilayɛ rabira bawo Allala kilayɛ le, ale fanan si barayi sɔrɔn iko kilayɛ wo. Min ba mɔgɔ-nyimɛ rabira bawo mɔgɔ-nyimɛ le, ale fanan si barayi sɔrɔn iko mɔgɔ-nyimɛ wo.

Matiyu 5:12

Wo ni sewa ka nyagalen bawo barayi-ba maranɛ wo ye Arinyɛni tɔ, ado anu ya fɔlɔ-nɛbinu bira boloko-yogomɛ-kɛ wo nya na le nun.

Matiyu 6:1

Yisa ko, “Wo wa wuli ko-nyimɛ kɛla tumɛ min, wo ni a ma wo fɛrɛma. Wo kana a ma gbɛ rɔ alako mɔgɛnu ni wo yen. Ni wo ya koe kɛnu ma gbɛ rɔ, wo ti barayi sɔrɔn wo Fa Alla bolo Arinyɛni tɔ.

Luka 14:14

Ni i ya wonu kele, i si duwɛ sɔrɔn bawo wonu ti ke a yili sarala i la. Mɔgɔ-telennɛnu nawuli tumɛ ka bɔ sayɛ rɔ, Alla si i sara wulɔn-tele.”

Luka 14:33

Yisa ko, “A ye wo nya na le, wole kelen bɛrɛn ti ke mala nna karan-dan la fɔ a wa a ban a bolo-fan bɛɛ la.

Kɛwɔlɛnu 5:41

Kilayɛnu bɔra mɔgɔ-banu tɛma tumɛ min, anu sewara bɛrɛkɛ, ko Alla ara a fonde lamiri anu ma ko a bɛnnɛ anu ni fɛyɛ sɔrɔn Yisa tɔgɛla ko la.

2 Kɔrɛnti 12:10

Woletɔ n bi fɛrɛta-dumɛ wo kɔrɔ, hali mɔgɛnu ba n manyini wo, gbɛlɛyɛ wa na n ma wo, mɔgɛnu ba n tɔrɔ Kirasitila ko la wo, n sewanɛ wo bɛɛ rɔ. Bawo ni n sɛnbɛ sa tumɛ min, Allata sɛnbɛ ye n tɔ worɔ.

2 Kɔrɛnti 6:10

Hali ma yisi tinyanɛ kɔnɔ ma sewanɛ tolon! Ma lɔnnɛ bolo-kolɔnnu na kɔnɔ ma ara mɔgɔ siyaman ma bana la. Ma manɛ iko fen sa ma bolo kɔnɔ fan bɛɛ ye ma bolo.

Ɛfɛsa 1:18

N bi a matarala ko ata wan-takanɛ ni wo hɛnkili-dɛ laka. Wo wa ma tumɛ min, a ya wo kele yigi min ma, wo ni na to wo lɔnna. Wo kɔma, wo ni a lɔn a ara duwa-belebele min kiri wole, ata mɔgɛnu ye.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Filipai 3:7

Hali koe minnu manɛ tɔnɛ la nta miriya rɔ nun, wonu bara ma bɔnɛ la n ye kaka Kirasitila ko la.

Hiburunu 10:33

Wati donu tɔ, wo ya lafɛyalɛ sɔrɔn gbɛ rɔ. Wati donu tɔ, anu ya wo bira boloko-yogomɛ-kɛ. Minnu tɔrɔta wo fɛ wulɔn, wo sɔnta ka sɔ wonu fɛ.

Hiburunu 10:35

Nba, yisi-latɛgɛ min bi wo bolo, wo kana wo boloka bawo barayi-ba bilanɛ a fɛ.

Hiburunu 11:6

ado mɔgɔ-wo-mɔgɔ ti ke Alla hɛnɛna dɛnkɛninyɛ kɔma bawo minnu bi nala Alla wara, wonu ni dɛnkɛninya ko Alla ye nyɔ. Anu ni la a la fanan ko minnu bi Alla nyini tinɛ, a si anuna barayi di anu ma.

Hiburunu 13:13

Nba, male wa tɔrɔyɛ sɔrɔn tumɛ min, ma ni ta Yisa wara Yahudiyanu daga tinɛ kɔma alako ma bɛɛsi ni ala miliyɛ wo sɔrɔn ale fɛ,

Hiburunu 2:2

Alla ya tɔn minnu di ma benbanu ma melikanu baraka rɔ, wonu gbɛlɛ ma kuma, ado minnu ma tagama iko tɔn wo ya a fɔ nya min, a bɛnta, a ni tɔrɔyɛ min nyɔgɛ sɔrɔn, a si wo sɔrɔn.

1 Pita 1:11

Kirasitila Niyi min bi anu tɔ, wo ya wati wola koe fɔ anu ye. Kirasiti si na tɔrɔyɛ minnu sɔrɔn anubɛ gbiliyɛ min si bɔ tɔrɔyɛ wo kɔma, anu ya wo bɛɛ faranfasi. Anu ya anu taya wati wo lɔn-koe ma anubɛ a si na nya min.

1 Pita 4:14

Ni anu ya wo manyini bawo Kirasitila mɔgɛ le wo la, mɔgɔ-sewanɛ le wo la worɔ. Wo kɔrɛ le ko Allala Ni-Sɛnimɛ min gbiliyanɛ, wo ara wo yigi sa wo kuma.

Lankɛnimayɛ 2:9

N ya wole Simirina-chɔchi-mɔgɛnuna tɔrɔyɛ lɔn. Bolo-kolɔn le wole la kɔnɔ nde ya wo lɔn nɔnfulu-tigi-bɛrɛbɛrɛ le la! Donu bi a fɔla ko Yahudiya le anu na wola chɔchi burɔ kɔnɔ anu foni. Wonu bi kuma-yogomɛ min bɛɛ fɔla wo ma, n bi wo bɛɛ kalama. Setanɛta kurɔn le wonu na.

Lankɛnimayɛ 3:18

Nba, n bi wo makawandila ko wo ni sɛnɛ-nyimɛ san n ma alako wo ni ma nɔnfulu-tigi-bɛrɛ la. Wo ni duruku-gbɛ fanan san n ma alako wo ni wo nyɛrɛ rabɛn ka wola gbu-makolonyɛ yamatogon, ado miliya-koe le wo la. Wo ni bɛsɛ do san n ma fanan min si kɛ wo yɛnu ma woletɔ wo si fen yen.

Ruti 2:12

Alamɛ Mari ya i sara wo la. I wara na Isirɛla mɔgɛnuta Mari Alla wara ka don a kanban kɔrɔ i kisi-koe la. Alamɛ Alla ya i sara boi!”