Hiburunu 11:23 - ALLALA KUMƐ

²³ Musa sɔrɔnta tumɛ min, dɛnkɛninyɛ le fɛ, a sɔrɔnnɛnu ya a dogon karɛ sawa kɔrɔ. Anu ya a yen ko den-kinyɛ le, ado anu ma kilan ka mansɛla tɔn tinya.

Hiburunu 11:23 ပူးပေါင်းရင်းမြစ်များ

Yaburi 118:6

N ti kilan bawo Mari ye n fɛ. Mɔgɛnu si ke nfen mala nde la worɔ?

Yaburi 56:4

N lanɛ ile Alla la min kɛ, woletɔ n ti kilan. N si i tanto bawo lanyiri kirinɛ i bolo n kisi-koe la. Hadama-dan si ke nfen mala nde la worɔ?

Bɔ-Koe-Iyipiti 1:16

“Wo wa ta Hiburu musinu dɛnbɛ tinɛ den sɔrɔn tinɛ, ni min ya a keimɛ sɔrɔn, wo si dan wo faga kɔnɔ ni min ya a musumɛ sɔrɔn, wo kana wo faga de!”

Bɔ-Koe-Iyipiti 1:22

A laban, mansɛ ya a fɔ mɔgɛ bɛɛsi ye ko, “Den-kei minnu ba sɔrɔn, wo ni wonu bi ka ta anu nafili Nayɛli bɛ rɔ ka dunmusinu kɛndɛ to.”

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:14

Mari ko wole a Isirɛla mɔgɛ toenu, hali wo ma siya, wo rafaganɛ. Wo kana kilan bawo a ye wo dɛnbɛna.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Aiseya 51:7

Mari ko wole minnu ya ko-telennɛ lɔn, wo ni wo tole masɔ a la, ala karan ara gbangban wole min yisi rɔ, kɔni. Wo kana kilan wo mamɔɛn-kumɛ anubɛ wo rasɛ-kumɛnu na

Daniyɛli 6:10

Nba, Daniyɛli ya a lamɔɛn ko tɔn-sa-koe kɛ ara ma tonyɛ la, a tara a warɛ bɔn la. A yɛlɛta ala san-bon-burɛ do rɔ min wundan yɛ-lamununnɛ Yerusalɛm waralɛ la. Iko a duruta Alla matarala nya min kinyama sawa tele la, a ya ala wundan-dɛ laka ka Alla matara.

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Kɛwɔlɛnu 7:20

ado Nɛbi Musa sɔrɔnta wo wati le tɔ. Den-hakikɛ le. A tora a fa warɛ karɛ sawa.

Hiburunu 13:6

Nba, ma ni ma yisi latɛgɛ ka a fɔ ko, “N ti kilan bawo Mari le n dɛnbɛnɛ la. Hadama-dan si ke nfen mala n na?”