Hiburunu 11:19 - ALLALA KUMƐ

¹⁹ Iburayima ya a lɔn ko ni Isiyaka fagara, Alla si ke a niyi lasɛgila a rɔ le, ado a kɔrɔbɔɛ kɔma, a ya a yen, Isiyakala niyi ye a rɔ.

Hiburunu 11:19 ပူးပေါင်းရင်းမြစ်များ

Ko-Dabirɛnu 22:13

Iburayima ya a yɛ lata gbɔfɔ-nɛ kɔrɔ ka saga-yigi yen a kere gbarannɛ nyansankalan rɔ. Iburayima tara ka saga-yigi wo bi ka a ma saraka-mintantɛ la ala dan wo gbɛ rɔ.

Matiyu 12:36

“Nba, n ni a fɔ wo ye, kiti-tɛgɛ-lunyɛ, mɔgɛnu bi kuntanya-kumɛ min bɛɛ fɔla, anu si anu dantɛgɛ Alla ye wo bɛɛla ko la.

Matiyu 9:28

Yisa donta bɔn la tumɛ min, kei-fiyon filɛ wonu nara a wara. A ya anu manyinika ko, “Wo lanɛ a la ko n si ke wo yɛ lakala, wa?” Anu ya a yabi ko, “Ma tigi, ɔnde!”

Romu 5:14

Kɔnɔ ka a dabira ma benba Hadamata wati ma, ha ka a sigi Nɛbi Musata wati la, sayɛ mara mansɛ la mɔgɛ bɛɛ kuma. Hali minnu ma hakɛ kɛ iko ma benba Hadama ya hakɛ kɛ nya min, wonu denu ya Allala kumɛ tinya. Yisa min nara tɔ-a-la, ma benba Hadama mara wo misalɛ la,

Ɛfɛsa 3:20

Nba, Alla si ke ka ko-belebele-wɛ kɛ ka tenbi mala taralɛ anubɛ ma miriyanu na iko ata sɛnbɛ ye wɔlila ma rɔ nya min.

Hiburunu 9:24

Kirasiti ma don Kan-Tina-Sɛnimɛ rɔ min nadannɛ hadama-dan bolo. Min bi Arinyɛni tɔ, fani-bɔn wola muninyɛ le wo la dɔrɔn. Kirasiti tara Arinyɛnɛ nyɛrɛ le tɔ, a ye Alla yakɔrɔ kan min kaka ma dɛnbɛn-koe la.

Hiburunu 9:9

Misalɛ le kɛ la ka a bɛn wati kɛ ma. Wo kɔrɛ le ko kɔ-fan anubɛ sarakɛ minnu dinɛ Alla ma, wonu ti ke a batolɛnu sɔndɔmɛ sɛninyala