Hiburunu 10:36 - ALLALA KUMƐ

³⁶ Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 10:36 ပူးပေါင်းရင်းမြစ်များ

Yaburi 37:7

I muin. I ni Mari makɔni. Hɔnya kana i bira bawo mɔgɛ donu bara-koe ye tala yarɔ. I kana hɔn bawo ko-yogoma-kɛ ara diya ko-yogoma-kɛlɛnu na.

Yaburi 40:1

N mɛra n muinna Marita dɛnbɛnɛ makɔnɔna. A ya a wɔlɔ matɔlɔ n di-kɛ-kan la.

Matiyu 10:22

Wo si gboya mɔgɛ bɛɛ ye ndela ko la kɔnɔ ni min si a munyu ha a laban, wo tigi si kisi.

Matiyu 12:50

N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”

Matiyu 21:31

“Nba, wo filɛ tɛma, yon ya a fa sako kɛ?” Anu ya a yabi ko, “A kinamɛ.” Yisa ya a fɔ anu ye ko, “Nba, wo ni wo hɛnkili to kɛ ko! Duti-makelelɛnu anubɛ yɛlannu si don Allala mansayɛ rɔ wo yarɔ.

Matiyu 24:13

Kɔnɔ min si a munyu ha ala ban, wo si kisi,

Matiyu 7:21

“Min bɛɛ ye a fɔla ko ata Mari le nde la, wo bɛɛ ti don Allala mansayɛ rɔ fɔ minnu bi n Fa diyana-koenu kɛla, n Fa min bi Arinyɛni tɔ, kɔni.

Maraka 3:35

Minnu bi Alla diyana-koe kɛla, n na-kelen-nyɔgɛ anubɛ n na le wonu na.”

Luka 21:19

Wo ni wo sɔ yiri bawo wo si ni-bɛrɛ sɔrɔn wo le fɛ.

Luka 8:15

Sugi min buira dugu-lamonɛ rɔ, wo mani de iko mɔgɛ min bara Allala kumɛ lamɔɛn ka a lamara a yisi-nyimɛ rɔ. A si to ala kumɛ birala ha a si gbɔ.

Yɔni 7:17

N bi mɔgɛnu karanna min na, ni minnu bi a fɛ ka Allala diyana-koe kɛ, wo tigi si a lɔn ni Allatɛ le, ni wo ma, ni n bi kumala n nyɛrɛta miriya rɔ.

Kɛwɔlɛnu 13:22

Wota wati tenbinɛ, Alla ya Dawuda ma anuna mansɛ la. Alla ya kɛ le fɔ Mansa Dawudala ko la, a ko, ‘N bara a yen ko Yɛsila dan Dawuda le si n hɛnɛ kati! Wo le si n diyana-koe bɛɛ kɛ.’

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

Romu 12:12

Yigi min bi wo rɔ, wo ni wo mara sewɛ rɔ. Wo ni wo munyu wola tɔrɔyɛnu kɔrɔ ka Alla madiya tumɛ bɛɛ.

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

Romu 2:7

Mɔgɛ donu bi bonyɛ anubɛ gbiliyɛ anubɛ habadan-nimayɛ nyinina Alla bolo min kɛ, woletɔ anu si to ko-nyimɛ kɛla dɛɛ! Tonyɛ le wo la, Alla si habadan-nimayɛ di wonu denu ma.

Romu 8:25

Kɔnɔ ma ma min yen bɛ, ni ma ya ma yili-madiyɛ sa wo kuma, ma si ma munyu ha ma ni a sɔrɔn.

1 Kɔrɛnti 13:7

Keninteyɛ ti kuri tɔrɔyɛ kɔrɔ mumɛ! A ti ala dɛnkɛninyɛ boloka, ado yisi-latɛgɛ ye a bolo duk! Ko-wo-ko wa ma a la, a si a munyu ha!

Kalesiya 6:9

Ma ni ma tunadiya ko-nyima-kɛ-koe ma bawo ni ma ma bandan, wati si na, ma si ma ko-nyima-kɛ-sarɛ sɔrɔn.

Ɛfɛsa 6:6

Wo ni wola wɔlɛ kɛ wo sɛbɛ la hali anu kɔma. Wo kana a ma alako anu ni wo matɔgɔ. Wo ni Alla-diyana-koenu kɛ wo yisi bɛɛ la iko wo ye wɔlila Kirasiti ye nya min.

Kɔlɔsi 1:11

Ma ye a matarala fanan ko wo ni sɛnbɛ sɔrɔn bɛrɛkɛ ka bɔ ata sɛnbɛ-makawanɛ rɔ. Wo le si a ma, wo ni ke a birala wo rɔ ka wo munyu koe bɛɛ rɔ, ado wo bɛɛ rɔ, wo

Kɔlɔsi 3:24

Wo ni wo hɛnkili to kɛ ko. Mari ya barayi min namara wo ye gben, a si wo di wo ma le! Wo tigi-bɛrɛbɛrɛ le Mari la, wo ye wɔlila min ye, kɔni.

Kɔlɔsi 4:12

Wo ta-nyɔgɛ Ɛpafarasi ye wo kɔndɔnna. Yisa Kirasitita wɔli-kɛlɛ le ale fanan na. A si a raya madiyalɛ ma wo ye tumɛ bɛɛ. A ye Alla matarala ko wo kanbalinɛ ni to sɔnɛ yiri, ka Alla sako bira koe bɛɛ rɔ.

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

Hiburunu 11:39

Mɔgɛ wo bɛɛ malɔnnɛ anuna dɛnkɛninyɛla ko la. Hali wo, Alla ya lanyiri kiri anu ye fan minna ko la, anu ma ke wo sɔrɔnna

Hiburunu 12:1

Nba, ma ara mɔgɛ min bɛɛla ko fɔ wo ye nun, ma lafoonɛ wonu na. Anu bara anuna dɛnkɛninyɛ lagbɛ ma ye. Woletɔ koe min bɛɛ si a ma, ma ni bui, ma ni wonu boloka. Hakɛ min bara ma bira gben, ma ni wo bɛɛ boloka! Nyɔgɔn-to-buri min bi ma yarɔ, ma ni ma tunadiya wo ma wona.

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

Hiburunu 6:12

A ma di ma ye, wo ni ma tinya-mansɛ la. Kɔnɔ wo ni ma iko Alla ara lanyiri kiri minnu ye. Anu si anutɛ sɔrɔn dɛnkɛninyɛ anubɛ munyu fɛ.

Hiburunu 6:15

Iburayima ya a munyu lanyiri wo kɔrɔ. Woletɔ Alla ya lanyiri min kiri, a ya wo sɔrɔn.

Hiburunu 6:17

Ni Alla ye a fɛ ka a gbɛ minnu ye ko ala lanyiri-latɛgɛnɛ wo ti tinya, a si kelili sa lanyiri wo kuma,

Hiburunu 9:15

Kirasiti ye sarama-kan-kurɛ rabɛnna Alla anubɛ ata mɔgɛnu tɛma. Kirasiti ya wo ma alako minnu kelenɛ Alla bolo, Alla ya lanyiri kiri habadan-duwɛ minna ko la, wonu si wo sɔrɔn. Minnu bara sarama-kan-kɔrɔmɛ tinya hakɛ fɛ, Kirasiti fagara alako wonu ni hɔrɔya nya min.

1 Pita 1:9

Wo ye nala wola dɛnkɛninya-kunyɛ sɔrɔnna, wo niyi kisi-koe, kɔni.

1 Yɔni 2:17

Duninya anubɛ fan min bɛɛ ye a rɔ, min sɔgɛ si mɔgɔ bira, wonu bi tenbila le. Kɔnɔ ale min bi Alla diyana-koe kɛla, wo ye tola le habadan!

Lankɛnimayɛ 13:10

Min si ma yɔɔn la, wonu si ma yɔɔn la serr! Min si faga, wonu si faga serr! Allata mɔgɛnu ni anu munyu ka to dɛnkɛninyɛ rɔ koe kɛ bɛɛ rɔ.)

Lankɛnimayɛ 14:12

Allala mɔgɛnu ni anu munyu, ado anu ni to Allala tɔnnu birala ka lanayɛ kɛ Yisa ye.