Hiburunu 10:27 - ALLALA KUMƐ

²⁷ Min bara to Alla yogenu ye gbɛ, fɔ ka kilan ale la min si na kiti anubɛ ta-belebele la anu halaki tinɛ!

Hiburunu 10:27 ပူးပေါင်းရင်းမြစ်များ

Yaburi 21:9

Mansɛ yisi wa bɔ, a si a yogenu kasara iko tɛ wa nɔrɔn bira. Mari si anu ban ala fondo-bɔɛ la. Ata tɛ si anu mintan gburr!

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Aiseya 33:14

Yerusalɛm hakɛ-tiginu bi yɛrɛyɛrɛnna kilan bolo. Anu bi a fɔla ko, “Marita kiti mani de iko tɛ min ti sa mumɛ! Ta-sufa wo si male do to a niyi la?”

Yɛrɛmaya 4:4

Wo ni wo nyɛrɛ dantɛgɛ Marita wɔlɛ ma. Wo ni ala kumɛ bira wo yisi bɛɛ la. Wole Yerusalɛm kɛnu anubɛ Yuda nyamanta-mɔgɛ bɛɛ, Mari ko wo ni kɛnu ma. A ko ni wo tantanta kɛ do ma, a si wo halaki ata fondo-bɔɛ la min manɛ iko tɛ, ado mɔgɔ ti ke tɛ wo ladufenna ka a tɛgɛ wo sɔn-yogomɛla ko ma.

Isikiyɛli 36:5

Nde, anu Tigi Mari ara sibolo-gbɛrɛnu makuma n sɛbɛ-kuna-wɛ la, katarala Idɔm ma. Anu buira nna kolo-fannu de-nyini-tinɛnu ma ka wonu bi nna mɔgɛnu bolo bɔrɔbɔnteyɛ anubɛ sewɛ la.

Isikiyɛli 38:19

A wa diminya-belebele-wɛ kɛ, a si a ma, dugi ni yɛrɛyɛrɛn Isirɛla nyamanɛ rɔ wo tele nyɛrɛ ma.

Daniyɛli 5:6

a yakɔrɛ sisira, a mɔlɔkɔnta kilan bolo.

Hoseya 10:8

Wola bɛsi-kɔ-tinɛ minnu bi kɔnkɛ kuma Bɛti-Efɛn soe dafɛ, wo si hakɛ kɛ kan min, wonu si kasara pɔ! Nyɔnu si ma wɔnɔ-firɛ anubɛ binyɛ la. Wo ye nala a fɔla kɔnkɛnu ma ko, “Wo ni wo keri ma kuma alako ma wara-koe ni ka-a-la.”

Yowɛli 2:30

A ko a si kabana-koenu yira wo la san-kole rɔ anubɛ dugu-kole kuma. Wo si yele anubɛ ta-mɛlan anubɛ ta-sisi yen wo yɛ la.

Nehami 1:2

Mari Alla ti sɔn a senɛ ma. Minnu bi a rasɛla, a si wonu tɔrɔ. A fonde bɔnɛ si a tayili sara.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Sɛfanaya 3:8

Kɔnɔ Mari ko wo ni a makɔnɔ tun! Lunyɛ do, fɔ a wa sibole bɛɛ kiti. Mari ko a ara ban a latɛgɛla ko a si sibole bɛɛsi ladɛn alako anu ni ata diminyɛ-sɛnbɛ lɔn. A ko ata diminyɛ wo si ma tɛ la min si duninya mumɛ halaki.

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

Yilan-Yilan Koe 16:35

Wo kɔma, Mari ya tɛ layigi mɔgɔ kɛmɛ fila, mɔgɔ bi-loli kuma minnu nara isɛnti la. Tɛ wo ya anu damasi mintan gburr!

Matiyu 13:42

Anu si anu nakɛ ta-feremɛ rɔ, anu si to dila kan min ka anu nyin masɔgɔ dumɛ bolo.

Matiyu 13:50

Anu si a yogomɛnu nakɛ ta-feremɛ rɔ. Anu si di nyɔ ka anu nyin masɔgɔ dumɛ bolo.”

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 3:10

Yende kɔrɔ ara bi ka kɔlɔma-kurinu tɛgɛ anu sulinu tɔ. Kɔlɔma min gbɔɛ ma di, a bɛnta, a ni tɛgɛ ka a lakɛ tɛ rɔ.

Matiyu 3:12

Ala fɛrɛ labɛnnɛ ka ala fui-fan bɛɛ rafɛ gbere-kole ma. A si a bɛrɛ ladɛn ka a layɛlɛ birɛ la kɔnɔ a si a fofe anubɛ a fɔrɔn mintan tɛ la, ado tɛ wo ti dufen dɛɛ!”

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Luka 16:24

Woletɔ a gbele-gbelenta, a ko, ‘N fa Iburayima! Kinikini n ma. I ni Lasarasi sɔ alako a ni a bolo-nɔlɔnɛ don yi rɔ ka n nagan makima bawo n bi duma-ba rɔ tɛ kɛ burɔ.’

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

Luka 21:26

Min bi nala kɛla duninya bɛɛ rɔ, anu bi wo makɔnɔna. Mɔgɛnu kuma si kɔ ha anu ni kirɔn-a-la bawo san-koleta-sɛnbɛnu ta si maga ka bɔ anu gbɛ rɔ.

Luka 23:30

Mɔgɛnu si a fɔ kɔnkɛnu ye wulɔn ko, ‘Wo ni bui ma kuma!’ Anu si a fɔ gburukulinu ye ko, ‘Wo ni ma yamatogon,’

Yɔni 5:29

Anu si bɔ anuna kanbɛnu tɔ. Minnu ya ko-nyimɛ kɛ, wonu si wuli ka niyi sɔrɔn. Minnu ya ko-yogomɛ kɛ, wonu si wuli ka yilikiyi sɔrɔn.”

Tɔn-Fɔɛ-Fila-Nyɔgɛ 32:43

Wole sibolo-gbɛrɛnu, a ko wo ni ale Marita mɔgɛ kɛnu matɔgɔ. Ni minnu ya kɛnu faga, Mari si wonu tɔrɔ. Mari si a tayili sara a yogenu na ka ata mɔgɛ wonu makoto anu hakɛ la.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Hiburunu 12:29

ado mata Alla mani de iko tɛ min si fan bɛɛ mintan gburr!

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.

Hiburunu 9:27

A fɛrɛ sa fɔ mɔgɛ bɛɛ ni faga iko kelen pe, wo kɔma, Alla ni anu kiti tɛgɛ.

Yemesi 5:3

Wola sɛnɛ anubɛ wodi-gbɛ, mɔlɔn sa a la tun. Wo ara nɔnfuli ladɛn tele-laban kɛnu kɔrɔ kɔnɔ wo si ma sereyɛ la wo kan ma ka wo fɛrɛ-bɔnkɛnu don tɛ rɔ pon!

Lankɛnimayɛ 20:15

Mɔgɛ min tɔgɔ sɛbɛni ma mɔgɔ-nimɛnuta buku rɔ, wonu nafilita ta-dalɛ wo rɔ.

1 Samuwɛli 2:25

Ni mɔgɛ ya hakɛ kɛ a hadama-den-nyɔgɛ la, Alla si ke wo tigi latankala le. Kɔnɔ ni mɔgɛ ya hakɛ kɛ Mari la, yon si ala kumɛ fɔ?” Kɔnɔ hali wo, anu ma sɔn anu tole masɔla anu fa la, bayɛ Mari ara ban a latɛgɛla ko fɔ anu ba faga anu hakɛla ko la.