Hiburunu 10:22 - ALLALA KUMƐ

²² ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 10:22 ပူးပေါင်းရင်းမြစ်များ

1 Mansɛnu 15:3

Mansa Abaya fanan ya hakɛ kɛ iko a fa ya a ma nya min. A ma a telen Mari ye iko a benba Mansa Dawuda ya a ma nya min nun.

1 Ko-Kɔrɔta-Karan 12:33

Kɛlɛ-dan minnu bɔra Sɛbulɔn bɔnsɔn rɔ, wonu yatɛ bɛnta mɔgɔ waga bi-loli (50,000) ma. Lanaya-mɔgɛ le anu na Dawuda kɔrɔ, ado anu kusan kɛlɛ-kɛ-fen-su bɛɛ la.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

1 Ko-Kɔrɔta-Karan 29:17

Nta Alla, ile le si mɔgɔ damasi kɔrɔbɔ, ado fɔ mɔgɔ-latelennɛnu, wonu denu bi i hɛnɛna. N bara kɛ damasi latenbi i ma n yisi bɛɛ la. Mɔgɛ min bɛɛsi ladɛnnɛ, anu ya min bɛɛsi labɔ, anu ya a labɔ anu yisi-gbɛnɛ le la.

Yaburi 111:1

N si Mari tanto! N tenbi Allala mɔgɛnu tɛma, n si baraka bira Mari ye n yisi bɛɛ la.

Yaburi 119:10

N si ita tɔnnu bira n yisi bɛɛ la. N masɛgi ita tɔn-birabɛlitayɛ la.

Yaburi 119:145

N ya i rakele n yisi bɛɛ la, n ko, “Mari, n denkun.” Wo si a ma, n si ita sereya bɛɛ bira.

Yaburi 119:2

Duwa-dan le wo tigi la min bi bilala Marita sereyanu fɛ anubɛ min bi ale nyinina a yisi bɛɛ la.

Yaburi 119:34

Ita sereyanu-kɔrɔ-bɛrɛbɛrɛ rakaran n ye. N ti a kelen bɛrɛn boloka. N si a bɛɛ lamara n yisi rɔ.

Yaburi 119:58

N bara i manyinika n yisi bɛɛ la ko i ni kinikini n ma iko i wara lanyiri kiri n ye nya min.

Yaburi 119:69

Mɔgɔ-wasinɛnu bi n dan tinyana ka n kumakiri foninyɛ la kɔnɔ n bi ita karan birala n yisi bɛɛ la.

Yaburi 119:7

I ye kiti tɛgɛla telenbagayɛ la nya min, n tenbi wo nya-yen-koe rɔ, n si i matɔgɔ n yisi-gbɛnɛ la, yɔ!

Yaburi 119:80

Alamɛ n ya ila tɔnnu bira n bolo filɛ le la gben woletɔ n ti miliya n yogenu yakɔrɔ.

Yaburi 32:11

Ile min telennɛ, i ni sewa ka a tɛgɛ Mari ara min kɛ i ye. Ile min bi ala kumɛ tola a gbɛ rɔ, i ni i kuli mayɛlɛ nyagalan bolo.

Yaburi 51:10

E, Alla, n yisi kurakuraya. I ni sɔndɔma-kurɛ ladon n burɔ.

Yaburi 73:28

Ni ndetɛ le, a fisa, mɔgɔ ni a gbɛrɛn Alla ma. Nde ara a ma, n tigi Mari ni n nakanan ka to ala kɛwɔli-nyimɛnu takaranna mɔgɛnu ye, wo fanan di n ye.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 9:1

Mari, n si baraka bira i ye n sɔndɔmɛ bɛɛ la. N si ila wɔli-nyimɛ rakaran mɔgɛ bɛɛ ye.

Yaburi 94:15

I si latelan yen kiti sa tinɛnu tɔ tun. Mɔgɔ-latelennɛ si taran telenbagayɛ rɔ.

Bɔ-Koe-Iyipiti 29:4

I ni ta Aruna anubɛ ala den-keinu na Fani-Bɔn tenbi-bolɔn la ka anu ku yi la nyɔ.

Hɛnkilimaya-Kumɛnu 23:26

Nna den, i yɛ sɔ n na. I ni i sanka n ma ka n kɛ-nya bi.

Aiseya 29:13

Mari ko mɔgɛ kɛnu bi a fɔla anu da rɔ ko ale Mari di anu ye kɔnɔ a wara-koe sa anu yisi-kunyɛ la. Anuna dina manɛ tɔn anubɛ namunya-gbansan le la. Wo le manɛ anu bolo kuntɔ-karan la.

Aiseya 52:15

Kɔnɔ kaka, sibolenu ba a yen, anu si kawa. Mansɛnu ba a yen, anu si anu bole sa anu dɛ la. Anu si koe do nya-yen, anu ma min yen bɛ tele-kelen-bɛrɛni!

Yɛrɛmaya 24:7

A ko a si a ma, ale Mari-lɔn-sɔgɛ ni anu bira. Anu si ma ata mɔgɛnu na. Ale fanan si ma anuta Alla la. A ko ni i ya a yen, a ye wo mala bawo anu ba sɛgi anuna nyamanɛ rɔ tumɛ min, anu si sɛgi ale ma anu yisi bɛɛ la.

Yɛrɛmaya 3:10

ado Isirɛla tirisan-musu-wunduyoge kɛ ma sɛgi n ma a yisi bɛɛ la. A ya nyɛrɛmankolayɛ le dɔrɔn ma.”

Yɛrɛmaya 30:21

Wola kun-tigi si bɔ wo nyɛrɛ rɔ. Wola mɔgɔ-bɛrɛbɛrɛ le wo lamarala. Mari ko a wa kun-tigi wo rakele, wo si a gbɛrɛn a ma, ado yon si ke a gbɛrɛnna ale Mari ma, ni a ma min takele? A ko wole si ma ata mɔgɛnu na, ale si ma wota Alla la. Ale Mari kan le kɛ la.

Isikiyɛli 16:9

N ya i ku yi la ka i sɔrɔn-yele wo bɔ i ma. Wo kɔma, n ya tuli don i ma.

Isikiyɛli 36:25

N si yi-sɛnimɛ purupuru anu ma alako anu ni sɛninya bɛsi-kɔ-koe anubɛ anu kɛ-nya-yogomɛ bɛɛ ma min bara anu natinya.

Saraka-Masɔlɛnuta Tɔnnu 14:7

A si yele wo do bi min basannɛ yi wo la ka a pusen kirayato-kɔrɛ wo ma iko wɔrɔnfila. Saraka-masɔlɛ si a fɔ worɔ ko a sɛninyanɛ de kɔnɔ a toe tonɛ a la. Wo kɔma, saraka-masɔlɛ ya kona min sa yele anubɛ yi wo rɔ, a si wo bi ka wo kɛndɛ boloka. Wo si ta a ye pon!

Saraka-Masɔlɛnuta Tɔnnu 16:4

Mari ya tɔn kɛnu fanan di Musa ma ko, “Yanni Aruna ni ta Sɛnima-Sɛnima-Tinɛ rɔ, a si a ku ka ala saraka-masɔ-kurɛnu don a kan na, wo le kurusi-kundi anubɛ duruku-ba-wɛ anubɛ a butɛ-kiri-fan anubɛ duruki wo fulɛ.

Saraka-Masɔlɛnuta Tɔnnu 8:6

Musa ya Aruna anubɛ ala den-keminɛnu sɔ mɔgɛnu yakɔrɔ. A ya a fɔ anu ye ko anu ni anu nyɛrɛ ku iko tɔn ya a fɔ nya min.

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Yilan-Yilan Koe 8:7

Ka anu tabɛn, i ni nde, Marita sɛninya-yi doni bi ka a purupuru anu ma, wo le si anu hakɛ bɔ anu ma. Wo kɔma, anu ni anu nyɛrɛ fɛrɛ mumɛ masii, anubɛ ka anuna kurɛnu ku. Wo ko sawɛ wa ban tumɛ min, anu si sɛninya nde, Mari yala wo rɔ.

Matiyu 3:11

“N bi wo batasila yi rɔ alako mɔgɛnu ni a lɔn ko wo ara tubi ka wo kɛ-nyanu yɛlɛma. Kɔnɔ ale min bi nala nde kɔma, wo si wo batasi Allala Ni-Sɛnimɛ la anubɛ tɛ min si wo sɛninya. A makawara nde ko pirr! Nde ma bɛn, hali ka ala sanbarɛ bi a ye.

Luka 1:1

N diyana-mɔgɛ Tiyofilasi, koe kɛ min bɛɛ ara ma mɔgɛnu tɛma, mɔgɔ siyaman bara wuli wonu sɛbɛ tinɛ.

Yɔni 3:5

Yisa ya a yabi ko, “N bi tonyɛ fɔla i ye, mɔgɔ-wo-mɔgɔ ti ke donna Allala mansayɛ rɔ, fɔ ni a sɔrɔnta yi anubɛ Allala Ni-Sɛnimɛ la.

Yɔni 8:9

Anu ya kɛ lamɔɛn tumɛ min, anu dama bɔra kelen-kelenyɛ ma ka a dabira kinanu ma ka yigi. Yisa kelen pe le tora anubɛ musi wo sɔnɛ a yakɔrɔ.

Kɛwɔlɛnu 22:16

Nba kaka, i ye nfen makɔnɔna tun? I lasɔ ka batasi. I ni Alla matara Yisa tɔgɛ rɔ alako i hakɛ bɛɛ ni yesi ka ban feu!’

Kɛwɔlɛnu 8:21

Ita mumɛ sa mala wɔlɛ rɔ bawo i yisi ma telen Alla yala.

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

2 Kɔrɛnti 7:1

N diyana-mɔgɛnu, lanyiri kɛ bɛɛ kirinɛ male le ye! Woletɔ koe min bɛɛ si fɛrɛ-bɔnkɛ anubɛ niyi latinya, ma ni ma nyɛrɛ sɛninya wonu ma. Ma ni ko-sɛnimɛ nyini ka to kilanna Alla la.

Ɛfɛsa 3:12

Nba, wola ko la, ma si ke ka ma madon Alla la dɛnkɛninyɛ fɛ yili-latɛgɛ la ma bolo Yisa Kirasiti baraka rɔ.

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Ɛfɛsa 6:5

Wole yɔɔnnu, wo ni wo tiginuna kumɛ bira kilan anubɛ yɛrɛyɛran rɔ. Wo ni wola wɔlɛ kɛ wo yisi bɛɛ la iko wo ye a kɛla Kirasiti ye nya min.

1 Timoti 4:2

Yanfantenu si foninya-karan wo nyɛnsɛn. Anu sɔndɔmɛ faganɛ iko fɛrɛ min bara mintan kɔrɔma la nɛgɛ-kalamɛ bolo. Woletɔ anu ti ko-nyimɛ anubɛ ko-yogomɛ dan-nafarɛ lɔn.

Taita 3:5

a ya ma kisi. A ma ma kisi ka a tɛgɛ ma nyɛrɛta kɛwɔli-nyimɛnuna ko la de! A ya wo ma ala kinikinɛ lela ko la. A ya ma kisi ata Ni-Sɛnimɛ baraka rɔ min bi sɔrɔn-nya-kurɛ anubɛ ni-kurɛ dila ma ma. Ale le si mɔgɔ yisi ku ka a sɔn sɛninya,

Hiburunu 10:1

Ko-nyimɛ minnu bi nala yarɔ, Yahudiyanuna tɔn mamunnɛ le wo la. A bɛrɛbɛrɛ-wɛ ma tɔn wo la. Mɔgɛnu bi saraka-su kelan wo bɔla san-bo-san tolon! Minnu bi nyinina nala Alla wara, sɛnbɛ sa saraka-su wonu na ka anu kanbali Alla ye.

Hiburunu 10:19

Nba, ma na-kelen-nyɔgɛnu, ma si ke donna Sɛnima-Sɛnima-Tinɛ rɔ gbɛ Yisala sayɛ baraka rɔ. Ma ti kilan nyɔ la tun.

Hiburunu 11:28

Dɛnkɛninyɛ le fɛ, a ya Kanan-Ko-Ladiyɛ dabira mɔgɛnu tɛma ka yele purupuru bonda-dɛnu ma alako niyi-tɛgɛ-melika kana Isirɛla mɔgɛnuna sarɛnu faga.

Hiburunu 12:24

Sarama-kan-kurɛ ara kiri Yisa yele min fɛ, wo ara ke wo fanan ma, ado a yele-purupurunɛ tenbira Ebɛli yele la.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

Hiburunu 6:11

Fananta wo ye wo niyi la, ma ye a fɛ, wo kelen-kelennamɛ-bɛɛ ni to wo rayala dɛɛ. Woletɔ wo yigi ye fan min bɛɛ kuma, wo si wonu sɔrɔn.

Hiburunu 7:19

Alla ya tɔn min di Nɛbi Musa ma, wo ma ke ko-wo-ko munanfagala bawo ma ara yigi-bɛrɛ sɔrɔn kaka. Ma dama ye ma gbɛrɛnna Alla ma, wo le baraka rɔ.

Hiburunu 9:10

bawo wonu bi dɔn-fen-koe anubɛ minni-fen-koe anubɛ fɛrɛ-sɛninya-koe denuna ko la dɔrɔn. Tɔn le wonu na dɔrɔn minnu siginɛ ha Alla ni koe bɛɛ yɛlɛma tumɛ min.

Hiburunu 9:19

Nɛbi Musa ya tɔn bɛɛ rakaran mɔgɛnu ye iko a sɛbɛnɛ Allata tɔn rɔ nya min. Wo kɔma, a ya tura-yele bi anubɛ baa-yele ka wonu tabasan yi la. A ya yanba-kunyɛ bi min tɔgɛ hisɔpu anubɛ saga-siyi anu bara min nawulen alako a si yele wo purupuru Tɔn-Kitabu anubɛ mɔgɛ bɛɛ ma nya min.

Yemesi 1:6

Kɔnɔ wo wa Alla matara tumɛ min, wo ni wola lanayɛ sa a kuma feu! Wo kana sika hali, ado ni min bara sika, wo tigi mani de iko kɔgɔ-yi ye ta-ni-sɛgi kɛla fɔnyɔ bolo nya min.

Yemesi 4:8

Wo ni wo gbɛrɛn Alla ma. A si a gbɛrɛn wo ma. Hakɛ-tiginu, wo ni wo bole laku feu! Wole nafiginu, wo ni ko-yogomɛ bɔ wo sɔndɔmɛ rɔ feu!

1 Pita 1:2

Wo yabɔnɛ le iko Fa Alla nyɛrɛta ko-latɛgɛnɛ ye nya min. Wo mara mɔgɔ-sɛnimɛnu na ala Ni-Sɛnimɛ baraka rɔ alako wo si Yisa Kirasitila kumɛ bira nya min, ado wo ara sɛninya a yele fɛ. Alamɛ ma Fa Allata hinɛ anubɛ yisi-kimɛ ni wara wo ye nya bɛɛ ma.

1 Pita 3:21

ado yi-fɛ wo le batasili-misalɛ la bawo wole ara kisi Yisa Kirasitita lawuli-sɛnbɛ fɛ wo nya na le. Ka a fɔ ko wo ni wo ku, wo dɔrɔn ma de! Ma wa batasili kɛ, ma ye Alla matarala ko a ni ma sɔndɔmɛ gbɛ.

Lankɛnimayɛ 1:5

Hinɛ anubɛ yisi-kimɛ wonu ni na fanan ka bɔ Yisa, Allata-Mɔgɔ-Yabɔnɛ bolo, dɛnkɛninya-sereyɛ, kɔni, ado a fɔlɔtɛ le Yisa la min nawulita ka bɔ furinu tɛma. A ye kun-tigiyɛ kɛla duninya-mansɛnu kun na fanan. A ara ma keni ka ma hɔrɔya mala hakɛnu ma ala sayɛ fɛ.