Hiburunu 10:10 - ALLALA KUMƐ

¹⁰ Yisa Kirasiti ya a fa Alla sako kɛ min kɛ, ma dama sɛninyara ka bɔ hakɛ rɔ wo le fɛ. A ya a nyɛrɛ fɛrɛ-bɔnkɛ ni sarakayɛ la iko kelen pe ka dan wo ma.

Hiburunu 10:10 ပူးပေါင်းရင်းမြစ်များ

Sakaraya 13:1

Wo wati wa ke, Mari Sɛnbɛ-Bɛɛ-Tigi ko tenke si bɔ alako Mansa Dawuda kegeyɛnubɛ Yerusalɛm kɛnu ni anu ku a rɔ ka anu hakɛ anubɛ anuna bɛsi-kɔ-koe ku anu ma feufeu!

Yɔni 17:19

N bara n nyɛrɛ dantɛgɛ i ma anuna ko la alako anu fanan ni ma itɛ la fasai!

Yɔni 19:34

Hali wo, kɛlɛ-dan do ya tanbɛ bi ka Yisa sɔgɔ a tɔnkɔn rɔ. Yele anubɛ yi tugura anu nyɔgɔn fɛ.

Yɔni 6:51

Niyi ye biredi min tɔ, wo le nde la min yigira ka bɔ Arinyɛni tɔ. Ni mɔgɔ-wo-mɔgɔ ya biredi wo dɔn, a si habadan-nimayɛ sɔrɔn. Nba, n si biredi min di wo ma, wo le n bagbuyi la. N bi wo nila duninya-mɔgɛnu beli-koe la.”

1 Kɔrɛnti 1:30

Alla ara mabɛ Yisa Kirasiti ma kelen na. Kirasiti baraka rɔ, Alla ara ata hɛnkilimaya-bɛrɛ yira ma la. Ma ara telen Alla ye wo le fɛ, ado ma ara ma Allata mɔgɛnu na wo le fɛ. Ma ara sɛninya wo le fɛ. Ma ara hɔrɔya wo le fanan fɛ.

1 Kɔrɛnti 6:11

ado wo donu bi wo nya na le nun fɔlɔ. Kɔnɔ ma Mari Yisa Kirasiti anubɛ Allata Ni-Sɛnimɛ ara wo sɛninya ka wo ma Allatɛ la ka wo latelen Alla ye.

Ɛfɛsa 5:2

Wo ni wo nyɔgɔn keni iko Kirasiti ya wo keni nya min. A ara a nyɛrɛ niyi ma sarakɛ la malela ko la iko sarakɛ min sumɛ si a diya don Alla rɔ.

Ɛfɛsa 5:26

A ara ata mɔgɛnu sɛninya kuma-sɛnimɛ anubɛ yi la alako a ni anu dantɛgɛ Alla ma.

Hiburunu 10:12

Kɔnɔ Kirasiti ara saraka kelen pe bɔ hakɛla ko la ka dan wo ma! Wo ban, a ya a mayigi Alla kɔɛn-nyimɛ rɔ.

Hiburunu 10:14

A ara mɔgɛnu sɛninya anu hakɛ ma ka anu natelen Alla yala ata saraka kelen pe le fɛ habadan!

Hiburunu 10:20

A ara kila-kurɛ laka ma ye min si ma lata nimayɛ rɔ. Kilɛ wo ya ma lata fɔɔ yorolan kɔma, Yisa fɛrɛ-bɔnkɛ, kɔni.

Hiburunu 10:29

Nba, ni anu ma kinikini mɔgɔ-su wo ma, mɔgɛ min bi Allata dan lafɛyala don? Wotɛ si ma kama? Alla ya lanyiri kiri yele min fɛ, ni min ya wo bi iko fan min dɛ ma gbɛlɛ, wotɛ si ma kama? Ado nfan, yele wo ya a sɛninya. Ata Ni-Sɛnimɛ min si hina ma la, min bi wo lafɛyala don? Wo si tɔrɔyɛ min nyɔgɔn sɔrɔn, i miri wo ma tun!

Hiburunu 10:5

Ka a tɛgɛ wo ma, Kirasiti nara duninya kɛ rɔ tumɛ min, a ya a fɔ Alla ye ko, “I sa nyinina saraka-soge anubɛ kɔ-fan ma kɔnɔ i ya fɛrɛ-bɔnkɛ di n ma, n si min bɔ i ye.

Hiburunu 13:12

Wo le ya a to, Yisa fanan fagara soe kɔma alako mɔgɛnu ni sɛninya anu hakɛ ma Yisa nyɛrɛ yele fɛ nya min.

Hiburunu 2:11

A ye mɔgɛnu sɛninyala ka anu bɔ anuna hakɛnu tɔ. Nba, Yisa wo, a ye minnu sɛninyala wo, anu dama Fa kelen de anu na. Woletɔ a ma miliya ka anu kele ko a na-kelen-nyɔgɛnu.

Hiburunu 2:14

Nba, dan wonu, fɛrɛ-bɔnkɛ anubɛ yele le anu na. Yisa nyɛrɛ mara iko anu denu ka anuna mɔgɔyɛ-nyɔgɔn bi. A ya wo ma alako a si Setanɛta sɛnbɛ kasara nya min ata sayɛ fɛ, ado sɛnbɛ ye Setanɛ bolo nun ka mɔgɛnu faga.

Hiburunu 5:7

Yisa ye dugu-kole kɛ kuma tumɛ min, Alla min si ke a kisila sayɛ ma, a ya wo madiya a kulu-mayɛlɛnɛ anubɛ diyi la a bolo. Alla ya a wɔlɔ matɔlɔ Yisa la bawo a ya a famayigi ka madiyali kɛ, ado a telenta.

Hiburunu 7:27

Ale sa iko saraka-masɔla-kun-tigi-wɛ doinu. Ka sarakɛ masɔ a nyɛrɛ hakɛla ko la tele-wo-tele, a mako sa wo la. A mako sa tele-wo-tele-sarakɛ la mɔgɛnu hakɛla ko la fanan. A ya saraka kelen pe le bɔ ka dan wo ma. A ya a nyɛrɛ niyi ni sarakayɛ la tumɛ min, a ya wo ma wo le tɔ.

Hiburunu 9:12

Kirasiti donta Sɛnima-Sɛnima-Tinɛ rɔ iko kelen pe ka dan wo ma. A ma baa-yele anubɛ tura-yele bɔ sarakayɛ la. A ya a nyɛrɛ yele le bɔ ka kisi-koe sɔrɔn ma ye wo fɛ habadan!

Hiburunu 9:14

Nba, ni tonyɛ le wo la, kumanato Kirasiti yele ma. Wo tenbira wonu na pon! A ya a nyɛrɛ niyi ni ka wo ma saraka-kanbalinɛ la Alla ye ata Ni-Sɛnimɛ baraka rɔ. A yele si ma sɔndɔmɛ sɛninya, ado ma ti to kɛwɔli-fuyinu mala kɔnɔ ma si mata wɔlɛ kɛ Alla nimɛ ye kaka.

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

Hiburunu 9:28

Kirasiti fanan mara sarakɛ la wo nya na le iko kelen pe. A ya mɔgɔ siyamanta hakɛ dunɛ bi anu ye. A wa na a fila nyɔgɛ rɔ, a sa nala hakɛla ko la tun. Minnu bi gbaranna a na-koe la, a si wonu denu kisi.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.

1 Pita 3:18

Wo ni wo miri kɛ ma. Kirasiti nyɛrɛ fagara ma ye iko kelen pe ma hakɛla ko la. Ale mɔgɔ-nyimɛ fagara male mɔgɔ-yogomɛnuna ko la alako a ni ma lana Alla ma nya min. A ye hadama-denyɛ la tumɛ min, anu ya a faga kɔnɔ a tora a niyi la Allata Ni-Sɛnimɛ baraka rɔ,

1 Yɔni 5:6

Yisa Kirasiti nara yi anubɛ yele le fɛ. A ma na yi gbansan fɛ fɔ a filɛ bɛɛ, yi wo, yele wo. Ata Ni-Sɛnimɛ nyɛrɛ ye a mayirala ko tonyɛ le kɛ la bawo ata Ni-Sɛnimɛ, tonyɛ le,