Hiburunu 10:1 - ALLALA KUMƐ

¹ Ko-nyimɛ minnu bi nala yarɔ, Yahudiyanuna tɔn mamunnɛ le wo la. A bɛrɛbɛrɛ-wɛ ma tɔn wo la. Mɔgɛnu bi saraka-su kelan wo bɔla san-bo-san tolon! Minnu bi nyinina nala Alla wara, sɛnbɛ sa saraka-su wonu na ka anu kanbali Alla ye.

Hiburunu 10:1 ပူးပေါင်းရင်းမြစ်များ

Saraka-Masɔlɛnuta Tɔnnu 9:16

A ya ninki-dan anubɛ saga-dan ma saraka-mintantɛ la Isirɛla mɔgɛnuna hakɛla ko la iko anu duruta sarakɛ doinu bɔla nya min.

Romu 8:3

Ka a tɛgɛ hadama-danta sɛnbɛbɔninyɛ ma, Nɛbi Musata tɔn-kitabu ma ke min mala, Alla nyɛrɛ le ya wo ma. A ya a nyɛrɛta dan, Yisa lana ka hakɛ yiliki, ado ala dan wo nara hadama-danla muninyɛ rɔ alako a ni tɔn sigi hakɛ ma.

Kɔlɔsi 2:17

Ninɛ le tɔn wo bɛɛ la dɔrɔn. A bɛrɛbɛrɛ le Kirasiti la.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 7:11

Nɛbi Musata tɔnnu anubɛ Lifayi bɔnsɔnta saraka-masɔlayɛ ye wɔlila anu nyɔgɔn fɛ. Nba, Lifayi bɔnsɔn saraka-masɔlɛnu, ni wonuna tɔnnu si ke mɔgɛnu natelenna le nun, ma mako ti taran saraka-masɔla-gbɛrɛ la nun. Kɔnɔ ma mako ye saraka-masɔla-gbɛrɛ la, Mɛlikisidaki su, kɔni, Aruna su ma de,

Hiburunu 8:5

Anu bi saraka-masɔ-wɔlɛ kɛla fani-bɔn min na Arinyɛni tɔ, wo mamunnɛ le yantɛ la dɔrɔn, ado Nɛbi Musa ye fani-bɔn sɔ-koe rɔ tumɛ min, Alla ya a fɔ a ye ko, “I ni fan bɛɛ ladan yati, iko n ya a yira i la nya min kɔnkɛ kuma.”

Hiburunu 9:11

Fen-nyimɛ minnu bi nyɔ kaka, Kirasiti nara tumɛ min, a nara saraka-masɔla-kun-tigi-wayɛ la wonu denu kuma. A ye wɔlila fani-bɔn min na, wo kolo, ado a kanbalita feu! Mɔgɔ ma a ladan, ado duninya kɛta ma wo la.

Hiburunu 9:23

San-kolela muninyɛ le koe wonu na, ado fɔ koe wonu ni sɛninya wo nya na le. Kɔnɔ san-koleta koenu nyɛrɛ makoe ye saraka-bɛrɛ la minnu tenbira doi wonu na.

Hiburunu 9:25

San-bo-san, Yahudiyanuna saraka-masɔla-kun-tigi-wɛ si don Sɛnima-Sɛnima-Tinɛ rɔ sogo-yele la a bolo. Kɔnɔ Kirasiti ma don ka a nyɛrɛ bɔ sarakayɛ la kinyama siyaman.