Hiburunu 1:2 - ALLALA KUMƐ

² kɔnɔ tele-laban kɛnu tɔ, a kumara male ye ala dan le baraka rɔ. Alla ya duninya kɛ dan ale le baraka rɔ. Tɔ-a-la, fan bɛɛ si ma atɛ la.

Hiburunu 1:2 ပူးပေါင်းရင်းမြစ်များ

Ko-Dabirɛnu 49:1

Yakoba ya ala dannu kele. Anu ya anu nadɛn a dafɛ. A ya a fɔ anu ye ko, “Koe minnu bi nala mala wo la yarɔ, nde, Isirɛla bi nala wonu denu fɔla wo ye kɛ la.

Aiseya 2:2

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɛ bɛɛsi la mɔgɛ bɛɛ yala. Sibolo-gbɛrɛ bɛɛ si na ke nyɔ.

Aiseya 44:24

Mari ko ma kisilɛ le ale la. A ko ale le ya ma dan kebi ma ye ma na burɔ, ado a ko ale le ya fan bɛɛ dan. A kelen pe le ya san-kole rafulen. A ye dugu-kole danna tumɛ min, mɔgɔ ma a madɛnbɛ.

Aiseya 45:12

A ko ale le ya duninya dan anubɛ mɔgɛ minnu bi a rɔ. A ya san-kole rafulen ata fanka le la. Tele anubɛ karɛ anubɛ lolenu bi ata sɛnbɛ le kɔrɔ, ata kɛlɛ-dannu, kɔni.

Aiseya 45:18

Mari le ya san-kole mumɛ dan. Ale le kelen pe ye Allayɛ la. A ya dugu-kole kɛ dɛlɛkɛn ka a ladan a kin na! A ya a lagbɛlɛya gben, alako a ni mɛ. A ma di a ye a ra ni kolonya filili, fɔ ka a ma hadama-dannu sigi tinɛ la. A ko Mari le ale la, ado a ko Alla-gbɛrɛ fenfen sa ale kɔma.

Yɛrɛmaya 30:24

ado Mari si to diminyɛ wo kun na ha a ni ban mɔgɛ wonu tɔrɔla. A kɔrɔtɔnɛ si to ha tɔrɔyɛ min tabɛnnɛ a bolo, wo ni ban. Tele wo wa ke a ko wo ni na a lɔn.

Yɛrɛmaya 48:47

Kɔnɔ tɔ-a-la, Mari si a ma, Mohabu kɛnu ni to tala yarɔ. Mari ya kɛ le fɔ ka a tɛgɛ Mohabu kɛnuna ko ma.

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.

Daniyɛli 10:14

Wo le ya a to, n bara na alako i ni a lɔn min bi nala mala ila mɔgɛnu na yarɔ. I ye ko-rayen min tayenna kɛ la, sinan-ko-rayen le wo la.”

Daniyɛli 2:28

kɔnɔ Alla min bi Arinyɛni tɔ, wo le si ke ko-dogonnɛ labɔla gbɛ ma. Koe min bi mala yarɔ, ale le wara wo fɔ ma tigi ye fanan. A ya ko-rayen min kɛ ala kiyo rɔ, n si wo fɔ a ye.

Hoseya 3:5

Wati ye nala, Isirɛla mɔgɛnu si anu ya-lamunun anuta Mari Alla la ka Mansa Dawuda kegeyɛ do ma anuta mansɛ la. Wo wati rɔ, anu si kilan Mari la ka to ala duwɛ sɔrɔnna.

Maika 4:1

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɔ bɛɛsi la mɔgɛ bɛɛ yala. Sibolo-gbɛrɛkɛ-mɔgɛnu si na ke nyɔ.

Yilan-Yilan Koe 24:14

A ya a fɔ mansɛ ye tun ko, “N bi sɛgila n kɔma nna mɔgɛnu bara. Kɔnɔ samani n ni ta, n ni i makawandinu to. Isirɛla mɔgɛnu bi nala min mala ila mɔgɛnu na wati-natoe, n si wo fɔ i ye.”

Matiyu 13:39

N yoge min ya bin-kole fui, Setanɛ nyɛrɛ le wo la. Fui-fan-tɛgɛ kɔrɛ le wati-laban la. Fui-fan-tɛgɛlɛnu de melikanu na.

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 21:38

Kɔnɔ anu ya ala dan wo yen nala tumɛ min, anu ya a fɔ anu nyɔgɔn ye ko, ‘Ki-fen-tigila dan le nala kɛ la. Wo na, ma ni a faga. Ma si a bolo-fannu sɔrɔn worɔ!’

Matiyu 26:63

Kɔnɔ Yisa ya a made. Saraka-masɔla-kun-tigi-wɛ kumara a ye tun ko, “N bi i kelila Alla-nimɛ tɔgɛ rɔ, ni Allata-Mɔgɔ-Yabɔnɛ le ile la, Allatalata den-kei, kɔni, wo fɔ ma ye.”

Matiyu 28:18

Yisa nara sɔ anu tɛma. A ko, “Sɛnbɛ bɛɛ ara di n ma san-kole rɔ anubɛ dugu-kole kuma.

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Maraka 1:1

Yisa, Allata-Mɔgɔ-Yabɔnɛta kibara-nyimɛ le kɛ la, Allatalata dan, kɔni.

Maraka 12:6

Mɔgɔ kelen pe ara to, a si min nata. Wo le ki-fen-tigi wo diyana-dan la. Tɔ-a-la, a ya ala dan wo lata ko, ‘N lanɛ a la ko anu si nna dan gbiliya serr!’

Maraka 12:7

Kɔnɔ anu ya a fɔ anu nyɔgɔn ye ko, ‘Ki-fen-tigila dan le kɛ la. Wo na, ma ni a faga. Ma si a bolo-fannu sɔrɔn worɔ!’

Yɔni 1:10

Ale Kumɛ wo ye duninya rɔ nun, ado Alla ya duninya dan ale le baraka rɔ kɔnɔ hali wo, duninya-mɔgɛnu ma a lɔn anutɛ la ka a gbiliya.

Yɔni 1:14

Ale min keleta Kumɛ, wo mara mɔgɔni-fin la. A sigira ma tɛma. Ma ya ala gbiliyɛ yen. A fanɛ hinɛ anubɛ tonyɛ la. Gbiliyɛ wo, Allatalata Den kelen pe le ale la min kɛ, a ya wo sɔrɔn a Fa bolo.

Yɔni 1:3

Alla ya fan bɛɛ dan ale le baraka rɔ, ado Alla ma fenfen dan ale kɔma.

Yɔni 13:32

Ni Allala gbiliyɛ ara bɔ gbɛ rɔ nde baraka rɔ, wo kɔma, Alla nyɛrɛ si nde, Hadama-danta gbiliyɛ labɔ gbɛ rɔ, ado a si wo ma kelenna!

Yɔni 15:15

N ti wo kele tun ko wɔli-kɛlɛnu bawo wɔli-kɛlɛ ma a lɔn ala kun-tigi ye min kun na. N si wo kele n diyana-mɔgɛnu bawo n bara min bɛɛ lamɔɛn n Fa Alla bolo, n bara wonu fɔ wo ye.

Yɔni 16:15

Fan min bɛɛ ye n Fa Alla bolo, ntɛ le wo la. Wo le ya a to, n ko n si min fɔ Allala Ni-Sɛnimɛ ye, a si wo latenbi wo ma.”

Yɔni 17:2

I wara sɛnbɛ di n ma mɔgɛ bɛɛ kuma alako n si habadan-nimayɛ di wonu ma nya min, i ya minnu don n bolo, kɔni.

Yɔni 3:16

Alla le ya duninya keni ha a ya ala den-kei kelen pe ni. Mɔgɔ-wo-mɔgɔ wa dɛnkɛninya a ma, wo ti halaki fɔ ka habadan-nimayɛ sɔrɔn.

Yɔni 3:25

Yɔnila karan-dan donu anubɛ Yahudiya mɔgɛ donu ya sɔsɔli-sɛ dabira ka a bɛn ku-kɛ-koe ma iko anuna dina ya a fɔ anu ye nya min.

Yɔni 5:26

Iko n Fa Alla si niyi di mɔgɛ ma nya min, a ara sɛnbɛ di nde, ala dan ma ko n ni niyi di mɔgɛ ma wo nya na le.

Yɔni 5:27

“A ara kiti-tɛgɛ-sɛnbɛ di nde, ala dan ma bawo nɛbi-kɔrɔmɛnu bi min kelela ko, ‘Hadama-dan,’ wo le nde la.

Yɔni 9:29

Ma ya a lɔn ko Alla kumara Nɛbi Musa le ye. Kɔnɔ kei wo, male ma a bɔ tinɛ lɔn defan!”

Kɛwɔlɛnu 10:36

A ya kumɛ min nake Isirɛla mɔgɛnu ma ka yisi-kimɛ kibara-nyimɛ fɔ Yisa, Allata-Mɔgɔ-Yabɔnɛ baraka rɔ, wo ya wo lɔn. Bɛɛta Mari le wo la.

Kɛwɔlɛnu 2:17

‘Alla ko a si min ma tele-labannu tɔ, wo le kɛ la. A ko a si ata Ni-Sɛnimɛ layigi mɔgɛ bɛɛ kuma. Mala den-keinu anubɛ mala dunmusinu si wɔlɔyiyɛ kɛ. Mala kemini-mɛsɛnu si ko-rayirɛnu yen. Mala kɛmɔgɛnu si kiyonu sa.

Romu 1:4

Ata Allayɛ kilɛ fɛ, Allatalata dan le ma Mari Yisa, Allata-Mɔgɔ-Yabɔnɛ la. Alla ya Yisa lawuli ka bɔ furinu tɛma tumɛ min, ata Niyi le ya a sɛnbɛ yira nyɔ le ko Allata dan le ale la.

Romu 8:17

Alla ara duwɛ min mara ala dan, Yisa ye, mabɛ Kirasiti si wo sɔrɔn ma nyɔgɔn fɛ bawo ala dan le male fanan na, ado ni ma tɔrɔta Yisa fɛ, ma bɛɛ si gbiliyɛ sɔrɔn ma nyɔgɔn fɛ.

1 Kɔrɛnti 2:7

Kɔnɔ n bi hɛnkili min nabɔla, Allala gbundu-ko-hɛnkili le wo la, min dogonnɛ mɔgɛnu ma kɔrɔma la, ado yanni duninya ni dan, Alla ara ban a latɛgɛla nun ko hɛnkili wo si gbiliyɛ lana ma ma.

1 Kɔrɛnti 8:6

Kɔnɔ Alla kelen de male bolo, ma Fa Alla min ya fan bɛɛ dan, kɔni. Male ye ale le bolo, ado Mari kelen pe le ma bolo fanan, Yisa Kirasiti, kɔni. Fan bɛɛ danta wo le baraka rɔ, ado male fanan ye wo le baraka rɔ.

Kalesiya 4:4

Kɔnɔ Allata wati-latɛgɛnɛ kera tumɛ min, Alla ya ala dan sɔ. A sɔrɔnta musi le bolo. A makolota Nɛbi Musata tɔn-kitabu kɔrɔ

Ɛfɛsa 1:10

Ata gbundu-koe ye min na, wo le kɛ la. A wati wa ke tumɛ min, Alla si ala ko-latɛgɛnɛ wo kanbali. Ala dali-fan min bɛɛ ye san-kole rɔ wo, min bɛɛ ye dugu-kole kuma wo, a si wonu nadɛn kan-tina-kelen alako Kirasiti ni ma wonu kunyɛ la.

Ɛfɛsa 3:9

Alla min ya fan bɛɛ dan, wo le ya ala gbundu-koe dogon fɔlɔ-mɔgɛnu ma kɔnɔ a ya fɛrɛ di nde ma ko n ni kawandili bɔ alako mɔgɛ bɛɛ ni ata gbundu-koe kɛ nya-yen.

Tɔn-Fɔɛ-Fila-Nyɔgɛ 18:15

Yanni wo ni kɛ ma, wota Mari Alla si to ata nɛbinu nanala ka bɔ wo tɛma minnu si ma iko nde, Musa. Wo ni wonu kuman-kan bira.

Tɔn-Fɔɛ-Fila-Nyɔgɛ 31:29

N ya a lɔn ko n ba faga tumɛ min, Isirɛla mɔgɛnu si ma wunduyogenu na. Anu si anu ban nta karan kɛnu na. Kɔnɔ tɔ-a-la, anu si masiba-koenu sɔrɔn bawo anu ya Alla kuman-kan masɔsɔ. Woletɔ anu bara a ma, Mari fonde ara bɔ anu kuma dɔgɔma-ma-de!”

Tɔn-Fɔɛ-Fila-Nyɔgɛ 4:30

Wo tenbi yakɔrɔ-mamɔɛ kɛ rɔ tumɛ min, ado koe kɛ bɛɛ ni ma wo la kɔnɔ tɔ-a-la, wo si wo yɛ lamunun Mari la ka ata kumɛ latɔnbagaya,

Hiburunu 1:5

Ado nfan, Alla ma a fɔ ala melikanu fenfen ye nun ko, “Nna dan le ile la. N bara ma i fa la bi.” Wo kɔma, Alla ma a fɔ ala melikanu fenfen ye nun ko, “N si ma i Fa la, Ile si ma nna dan la.”

Hiburunu 1:8

Kɔnɔ Alla ya kɛ le fɔ ala danla ko la. A ko, “Ile Alla, ila mansaya-waganɛ si to i bolo habadan! Ila telenbagayɛ si ma ila sɛnɛ-kɔlɔma la.

Hiburunu 11:3

Dɛnkɛninyɛ le fɛ, ma ya a lɔn ko duninya bɛɛ danta Allala kumɛ le fɛ. Ma si fan minnu yen kaka, wonu bɔra fan wonu denu tɔ mɔgɔ ti ke minnu yenna.

Hiburunu 2:3

Min tenbira wo la, ma Mari Yisa nyɛrɛ fɔlɔn ya kisi-koe min nabɔ gbɛ rɔ ma ye, ni ma ma ma tole masɔ kisi-ko-wɛ wo la, ma kunyɛ si bɔ a rɔ kama? Minnu ya a lamɔɛn, wonu ya a yira ma la ko tonyɛ le.

Hiburunu 3:6

Kɔnɔ Kirasiti le dan wo la min bi lanayɛ kɛla a fa Allata mɔgɛnu kuma. Ni ma tora mata yisi-latɛgɛ rɔ ka ma yigi sa ale rɔ, Allata mɔgɛnu denu bi male la worɔ.

Hiburunu 4:14

Saraka-masɔla-kun-tigi-wɛ ye ma bolo min bara ta ha Alla yakɔrɔ, Allala dan Yisa, kɔni. Nba, ma ara dɛnkɛninya Yisa ma min kɛ, ma ni dɛnkɛninyɛ wo bira ma bolo filɛ la gben,

Hiburunu 5:8

Hali Allala dan le ale la, ala tɔrɔyɛ fɛ, a ya a fala kuma-birɛ makaran,

Hiburunu 7:28

Alla ya tɔn min di Nɛbi Musa ma, wo ya mɔgɛnu yatɔnbɔn alako anu ni ma saraka-masɔla-kun-tigi-wɛnu na hali anu ma telen wo nya. Kɔnɔ Allata kelili sanɛ lanyiri min kuma, wo nara Nɛbi Musala tɔn kɔma le. Wo ye ata dan le yabɔla min si Allata ko-latɛgɛnɛ kanbali habadan!

Hiburunu 7:3

Ale Mɛlikisidaki kɛ, fenfen sɛbɛni ma Allala kitabu rɔ a fa anubɛ a nala ko la anubɛ a bɔnsɔn wara-koe rɔ. A sɔrɔn-koe anubɛ a faga-koe fanan ma sɛbɛ. A mani de iko Allala dan bawo a tonɛ saraka-masɔlayɛ la habadan!

Hiburunu 9:26

Ni wo mara nun, kebi duninya danta tumɛ min, a si tɔrɔ siyaman. Kɔnɔ a wati-kanbalinɛ, Yisa nara iko kelen pe ka dan wo ma ka a nyɛrɛ ma sarakɛ la alako mɔgɛnu hakɛnu ni ban feu!

1 Pita 1:20

Alla ya Yisa yabɔ, yanni duninya ni dan. A bɔra gbɛ rɔ tele-laban kɛnu tɔ wole, ata mɔgɛnuna ko la.

2 Pita 3:3

Wo ni kɛ lɔn fɔlɔn ko tele-labannu tɔ, nata-yogomɛ ye kun-tigiyɛ kɛla mɔgɛ minnu kun na, donu si na ka wonu mayɛlɛn.

Yude 1:18

Anu ya a fɔ wo ye ko, “Tele-laban-lunyɛ wa ke tumɛ min, wo mayɛlɛnnɛnu si na. Anu bilanɛ anu nyɛrɛ nata-yogomɛnu denu fɛ tolon!”