Hɛnkilimaya-Kumɛnu 9:6 - ALLALA KUMƐ

⁶ Ni wo bɔra kuntannu tɛma, wo si simayɛ sɔrɔn. Wo ni bila hɛnkilimaya-kilɛ fɛ.”

Hɛnkilimaya-Kumɛnu 9:6 ပူးပေါင်းရင်းမြစ်များ

Yaburi 119:115

Wole ko-yogoma-kɛlɛnu, wo ni wo masɛgi n na. Ndeta Alla ye min fɔla n ye, n bi wo le birala.

Yaburi 45:10

Ile mansala kɔnya-kurɛ, i tole masɔ nta kumɛ kɛ la. I ni nyina ita mɔgɛnu ko hali i fata kebilɛ.

Hɛnkilimaya-Kumɛnu 10:17

Minnu si sɔn anu natelennɛnu bolo, wonu siyi-fɛ si yanya. Kɔnɔ minnu ti anu nyɛrɛla ko-tinya-gba yen makawandilɛ bolo, wonubɛ gbalo ti fara.

Hɛnkilimaya-Kumɛnu 13:20

Ni mɔgɛ tora a gbɛrɛnna hɛnkilimɛnu ma, ale fanan si ma hɛnkilimɛ la kɔnɔ ni mɔgɛ tora a gbɛrɛnna kun-takolɔnnu ma, ale fanan si tɔrɔ anu fɛ.

Hɛnkilimaya-Kumɛnu 23:19

Nna den, i ni i tole masɔ bɛrɛkɛ! I ni i miri a kila-bɛrɛbɛrɛ fɛ alako i si i sigi nya min duninya kɛ rɔ.

Hɛnkilimaya-Kumɛnu 4:11

N bi hɛnkilimaya-kilɛ anubɛ telenbagayɛ le yirala i la kɛ la, i si bila min fɛ.

Hɛnkilimaya-Kumɛnu 8:35

Mɔgɛ min si to n nyinina tuma-wo-tuma, wo le ye simayɛ sɔrɔnna, ado a wara-koe si Mari hɛnɛ.

Hɛnkilimaya-Kumɛnu 9:11

Hɛnkilimayɛ si do sa ila simayɛ kuma.

Isikiyɛli 11:20

Wo kɔma, anu si anu telen ka nna tɔnnu bira. Anu si ma nta mɔgɛnu na. Nde fanan si ma anuta Alla la.

Isikiyɛli 37:24

Mansɛ si taran anu kun na min si bɔ nta wɔli-kɛla Dawuda bɔnsɔn rɔ. Anu dama si taran mansa kelan wo kɔrɔ, ado anu si nta tɔnnu bira a kila bɛrɛbɛrɛ fɛ. N ya nyamanɛ min di anu benba Yakoba ma, anu si sigi nyɔ rɔ. Anu denu wo, anuna dannu wo, anu kebilɛ wo, bɛɛ si sigi nyɔ rɔ tolon!

Luka 13:24

“Wo ni wo raya ka don da-dɔgɔmɛ la. N ni a fɔ wo ye, mɔgɔ siyaman si anu taya ka don kɔnɔ anu ti ke donna.

Kɛwɔlɛnu 2:40

Pita ya anu kawandi ka kuma-siyaman fɔ anu ye. A ko, “Wo ni wo nyɛrɛ kisi ka bɔ tɔrɔyɛ wo rɔ min bi nala mɔgɔ-yogomɛnu kan ma wola foolɛ rɔ!”

2 Kɔrɛnti 6:17

Woletɔ Mari ko, “Fɔ wo ni bɔ mɔgɔ-yogomɛnu fɛ. Wo ni fara anu na feu! Wo kana ko-kɔsɔnɛ wo ko-kɔsɔnɛ kɛ. Wo si a ma, nde si wo rabira.

Lankɛnimayɛ 18:4

Wo kɔma, n ya kuman-kan-gbɛrɛ lamɔɛn bɔla Arinyɛni tɔ. A ye a fɔla ko, “Nna mɔgɛnu, wo bɔ! Wo ni bɔ a fɛ feu! Wo kana kofu a ma ata hakɛ rɔ alako wo kana tɔrɔyɛ sɔrɔn a fɛ!